2014年10月31日星期五

Lego Cake@AA Place

31 OCTOBER 2014(FRI)

依排基本上每日都要出嚟銅鑼灣,記得之前睇過大仁介紹,知道係利舞台開左間Lego專門店,所以就去八卦一吓,順便等自己輕鬆一吓。

本身我就唔算係Lego Fans,所以我嚟嘅最主要目的,就係嚟食Lego蛋糕~
Picture

AA Place係全香港最大和最著名的專門店售賣Lego產品,其實離遠望入去,就已經見到好多Lego啦~
Picture

萬勝節關係,門口嘅超人帶上南瓜面具,好攪笑呀~
Picture

一入到店舖,我就已經被唔同種類嘅Lego吸引住,真係砌得好細緻,像真度都好似,好利害呀!

相信負責砌的工作人員一定花好多心機去完成,自問我就一定係冇依個恆心同耐性,所以我都係專心睇就好了~
PicturePicturePicturePicturePicturePicture

我覺得最特別就係有一個零售區,可以因應個人需要一粒粒咁購買所需要嘅Lego執式,而且我望過啲顏色同款式都有好多唔同選擇呀~
PicturePicture

行到最入仲有一個環境幾好嘅自由砌區域,我見場內仲有大少Lego俾小朋友玩,環境都好似唔錯哦!不過小小豬暫時都唔係太"好"玩Lego,等佢大個啲啲先帶佢嚟玩啦~
Picture
Picture

其實店內仲有香港第一間Lego人仔博物館 - Mini figure Museum,職員姐姐話入面有差唔多六千幾款Lego人仔展覽,當中仲有好多係珍藏品嚟添。不過因為要俾$50入場卷,我就覺得貴左少少(可能係我唔識欣賞),所以都冇入去參觀啦~
PicturePicture

參觀左一轉之後,終於嚟到個重頭節目,就係食Lego蛋糕啦~
Picture

其實每一件Lego蛋糕都好靚,真係睇到我都心大心細,唔知買邊件好呀~PicturePicturePicturePicture

最後都係決定食我至愛嘅Tiramisu啦~
Picture

店舖外有幾張小枱,買完蛋糕之後就可以嚟慢慢食啦~
Picture

先講件Tiramisu,個味道又真係唔錯,食落唔會好甜但又好夠味,整體嚟講就真係好食。雖然Lego人仔個樣就真係好得意,但食落就覺得非常甜而且又硬左啲啲。不過其實依啲精緻蛋糕都預左有依啲情況,所以冇所謂啦,當係佢嘅特式啦!

2014年10月30日星期四

南瓜豬同你慶萬勝節

31 OCTOBER 2014(FRI)

今日係萬勝節,等小小豬化身成為南瓜豬同大家慶祝一吓啦~
Picture

其實小小豬學校一向都沒有萬勝節慶祝活動,所以我都冇打算做啲咩準備。點知今日一早起身,小小豬就同我講話英文老師叫佢地著Halloween衫返學校。

當我初初聽到時我都有一刻唔相信,因為K1時都冇依個安排,加上小小豬學校網頁上都冇依啲活動嘅資料,所以開頭我都冇打算著Halloween衫返學。

不過,小小豬不停同我講話老師係話要著,見佢個樣又咁認真,所以我最後都係決定信小小豬一次。因為我覺得既然佢咁肯定,都總係有一個原因,所以要對小小豬有信心先得呀!

臨急臨忙又點搵到衫呢?終於俾我搵到N年前買過嘅南瓜衫,當時係打算係Halloween著入去迪迪尼影相,不過當時唔啱身(貪心的媽咪買大了),所以收埋一邊。

今日搵返嚟著又真係非常啱身哦,小小豬仲話自己係小南瓜,佢都不知幾鐘意呀~
Picture

老實講,以今日天氣著依個南瓜裝又真係熱左啲,原本我想返到學校先同小小豬換。點知小小豬換衫返學時兩話不說就自己著左件南瓜背心同南瓜帽,仲不停讚自己好靚,真係俾佢笑C呀!

佢著住套南瓜衫開心程度真係爆燈,一落到屋苑樓下仲行跳舞俾我睇添呀~
Picture
PicturePicturePicture

等巴士時興奮程度都仲未過,繼續係度唱歌跳舞,睇見個傻仔表演,睇到我都勁開心呀~
PicturePicturePicturePicturePicturePicture

終於返到學校,可以開估小小豬有冇聽錯啦!其實沿途我都冇見到有小朋友係著住Halloween衫返學,所以我都有一刻係非常擔心,究竟我有冇信錯小小豬呢?小小豬會唔會俾老師罰呢?如果真係錯左,會唔會影響小小豬日後同我講返學校啲事呢?真係滿腦子疑問同擔心呀!

好在.....我一入課室都見到有幾位小朋友都係以Halloween打扮。之後即刻問老師,老師話學校係冇Halloween活動,不過英文老師又真係有同小朋友講過可以著Halloween衫,所以今次真係小小豬啱呀~
Picture

從依件小事嚟睇,小小豬原來上堂都有專心聽老師講過啲乜,又識同我講返老師嘅要求,真係比K1時有好大進步,我都已經好滿足啦!

雖然小小豬唔係一個好叻嘅小朋友,始終佢都仲仍自信心唔多足夠,不過繼續努力,相信KEEP住有進步就可以有更好嘅發揮啦!

2014年10月29日星期三

MyBB試用小隊 - 合昌海產 美國野生鱷魚肉@川貝鱷魚肉無花果湯

30 OCTOBER 2014(THU)

由於之前係MyBB試用小隊抽中左兩包合昌海產嘅美國野生鱷魚,繼上次煲左個海底椰川貝鱷魚肉湯(按此重溫)大獲好評之後,今次再接再勵煲左川貝鱷魚肉無花果湯啦~
Picture

材料:鱷魚肉1包、瘦肉$25川貝母3錢、南北杏1兩、陳皮1塊、無花果1兩~
Picture

先將無花果切開兩邊洗凈,南北杏及川貝洗凈,陳皮浸透去囊~
Picture

鱷魚肉洗淨,汆水備用~
PicturePicture

煲內加入約3L水,然後加入先陳皮~
Picture

用大火將水煲滾後,將其餘的材料加入煲內用大火煲起~
Picture

之後再轉用小火煲約2小時~
Picture

最後因應個人口味,加入適量嘅鹽,就咁可以飲得啦~
Picture

我之前煲湯都只係識得落蜜棗,所以今次都係第一次利用無花果代替,估唔到個味道又真係唔錯,甜得嚟又清清地,我自己都連飲左好幾碗添!

小小豬都好鐘意飲依個湯,仲叫我聽日再煲俾佢飲呀~
Picture

趁依排小小豬咁鐘意飲湯水,實行要煲多啲俾佢飲先得,等佢可以吸取多啲唔同營養,儲多啲能量,做返隻肥豬仔先得!

 

More Information :
Website:http://www.hopcheong.hk/
Facebook:https://www.facebook.com/hopcheonghk?fref=ts

 

 

 

 

2014年10月28日星期二

U Blogger X 亞坤銅鑼灣

28 OCTOBER 2014(MON)

早前係 U Blog 見到有 U Blogger X 亞坤銅鑼灣嘅試食活動,師奶仔嘅我當然唔執輸登記埋一份啦!

幸運地我抽中左,有份去試食啦~
Picture

其實之前都有聽過亞坤係新加坡好出名,所以當知道係尖沙咀分店時都好想去朝聖。不過見好多朋友仔都話總係排隊...排隊再排隊,所以都唔敢去試。

今次我兩點左右去到,可能已經過左個午巿,所以人流都唔算多。不過亦都可能係因為依間亞坤銅鑼灣有兩層關係,所以比較易揾位!

由於時間關係,我冇上第二層參觀,不過以第一層嚟睇,環境都幾舒服,座位都寬敞舒適~
PicturePicturePicture

由於是Blogger試食關係,所以有幾款套餐俾我地選擇。兩點幾唔太肚餓,所以我就Order左咖椰花生吐司餐啦~
Picture

落單係以自助形式,付款後會得到一隻白色飛碟,將飛碟放係枱面上的黑色圈圈,咁職員就會派送食物啦~
Picture
PicturePicture

首先試食嘅就係半熟的,我一向都幾鐘意食太陽蛋,見佢地嘅食法都係差唔多,所以都有少少期待。不過一食入口,就變成為失敗,雖然蛋白及蛋黃都算幼滑,但唔知係唔係送到枱時都已經凍冰冰,所以食落都會覺得有少少腥嘅味。我想如果可以熱辣辣咁食,應該會好好多呀~
Picture

接住就到招牌熱奶茶,其實我係一個唔多"好"奶茶嘅人,所以我曾經問過可唔可以加錢換其他飲品。好在唔俾我咁做,因為依杯奶茶真係俾到驚喜我,飲第一口就已經覺得好香燶嘅茶味,而且仲覺得好滑,飲落喉嚨一啲澀都唔會有,所以真係唔錯~
Picture

咖椰花生吐司係由薄薄的麵包夾著花生醬,可能係即叫即制關係,所以都等左差唔多十分鐘先可以到。麵包烘得都非常鬆脆乾身,混合了充滿椰香的咖央醬及花生,味道都唔錯呀~
Picture

其實亞坤都仲有好多新加坡美食,有機會都要帶大肥豬嚟試吓,因為佢都係好鐘意飲奶茶之人,相信佢都一定會好鐘意杯招牌熱奶茶呀!

 

More Information :
Website:http://www.yakun.com.hk/
Facebook:https://www.facebook.com/yakunhk?fref=ts