2014年10月15日星期三

快遊石澳

12 OCTOBER 2014(SUN)

今日係LULU妹生日,所以我地就一家人約埋一齊入石澳食泰國菜同佢慶祝一返。

既然入得石澳,我地又點會放過機會俾小小豬玩一陣呢?所以我地三口子就係四點幾先入石澳等小小豬玩吓啦~
Picture

可能我地入到嚟都已經係四點幾,所以都唔算好多人,好易就搵到個有利位置坐定定啦!

有左個基地之後,小小豬第一時間就先玩陣沙啦~
Picture

掘左個小洞之後,佢就話要出去拎啲水入嚟倒入個小洞度。不過唔知係唔係接近黃昏,啲浪都幾大,所以個傻豬仔企左好耐都唔敢行出去水度呀~
Picture

來來回回由基地行到岸邊幾次~
Picture

終於鼓起勇氣落水玩,不過今日始終都係浪比較大,加上又冇著泳衣,所以我地都唔俾小小豬行得太出,只係岸遊玩一陣啦~
PicturePicturePicturePicture

秋天嘅時間太陽伯伯又真係快左少少落山,我地玩左大半個鐘之後,個天都已經開始轉暗,加上啲風又開始大,為免小小豬吹病,所以等佢地兩父子玩多一轉,我地就執嘢離開沙灘啦~
PicturePicturePicturePicturePicture

其實唔好話小小豬,就連我都覺得唔夠喉,不過黑漆漆咁係沙灘玩又真係唔多安全,所以都係忍痛同沙灘SAY GOODBYE。

當小小豬係離開時不停問我地幾時再嚟,又話下次要早啲嚟咁,所以我地都知今日玩得唔太盡興。趁依家涼涼地,搵日一定要早啲出發,等小小豬玩耐啲,補返今日嘅失望先得。

沒有留言:

發佈留言