2014年10月23日星期四

初嘗智樂遊戲日

19 OCTOBER 2014(SUN)

智樂遊戲日成日都會係唔同地方舉行,不過今次小小豬都係第一次去玩呀~
Picture

之前都聽好多朋友仔介紹過智樂遊戲日,見佢地都好想帶小小豬去玩埋一份!前嗰幾次嘅舉行地點都係新界地區,所以帶唔到小小豬去玩,見今次係觀塘舉行,終於可以帶小小豬去見識吓啦!

不過,一個"論盡"嘅媽咪既然唔記得帶相機(真係失敗),所以今次都只係簡單用電話嚟影相!

今次遊戲日係觀塘區其中一個足球場舉行,小小豬一踏入足球場,就已經俾啲小遊戲吸引住。

首先就玩足球場中心位置嘅小遊戲,同小朋友一齊砌吓路軌碌波波~
Picture

推吓車輪~
Picture

行吓平衡木路障~
PicturePicturePicturePicture

仲有小小豬最鐘意玩嘅撞撞波呀~
PicturePicture

小小豬見其他小朋友玩吹泡泡,佢又湊熱鬧去玩埋一份呀~
PicturePicturePicturePicturePicturePicture

小小豬玩最後一個遊戲 - 彩虹傘真係玩到唔願走,玩完一次又一次,最後我地都排隊玩左四次先離開呀~
PicturePicturePicturePicture

其實場內仲有幾個唔同種類嘅小遊戲同手工製作,我地仲撞到大仁一家三口添。

原本都打算一齊玩一陣,等小小豬可以跟哥哥玩吓。不過,因為我奶奶突然嚟左搵小小豬玩,為怕奶奶曬親,所以我地要早啲走,唔可以一齊玩,真係有少少可惜,希望好快就可以再約埋一齊去玩啦!

雖然今日玩得有少少唔盡慶(因為實在場地比較細但人又多,同埋太曬啦),不過唔緊要,智樂遊戲日嚟緊好似有幾日都係維園同西九都會再有得玩,如果到時時間就到,都會帶小小豬再去玩過呀!

沒有留言:

發佈留言