2014年10月24日星期五

健康院驗眼睛

20 OCTOBER 2014(MON)

已經有年多冇嚟健康院,今日小小豬又舊地重遊,因為四歲仔要去驗眼睛啦~
Picture

其實小小豬係八月生日,我應該係八月時帶佢嚟䨱診驗眼。一個大頭蝦媽咪直到八月尾先記得打電話去做登記,約好左之後又miss左個日子,所以攪到今日先可以去驗眼。

還記得之前嚟健康院都係一件苦事,因為等就要成個鐘,見姑娘就係幾分鐘,你都唔好話唔驚!

不過,唔知係咪只做驗眼關係,所以都唔係等太耐,量完體重身高後,都只係等左十五分鐘左右,真係從未如此快手過~
Picture

入到驗眼室,視光師分別幫小小豬檢查眼球、眼睛感光源同埋視力。初步睇小小豬都係一切正常,就連我地最擔心嘅斜視,視光師都話小小豬冇問題!

雖然我地平日都唔覺小小豬眼睛有啲咩毛病,加上佢又少接觸電視、手機嗰啲影響視力既嘢,所以我地都唔算太擔心。

既然健康院話小小豬一切正常,我都放心左一半。當然,我知道健康院嘅檢查都係比較簡單,所以大肥豬都話揾日帶小小豬去坊間大型啲嘅驗眼中心,徹底檢查吓眼睛,咁就可以十萬個安心啦!

始終眼睛係靈魂之窗,所以一定要小心啲先得嘛!

沒有留言:

發佈留言