2014年10月3日星期五

兩母子迪士尼之旅

3 OCTOBER 2014(FRI)

今日係小小豬嘅學校假期(唔關停課事),難得係平日放假,當然唔好浪費依個咁好機會,兩母子又嚟拍拖玩返日啦~
Picture

其實我之前都有考慮過係唔係真係入園玩,話晒都係十月黃金周,一定迫人得好恐佈。不過我係啲討論區見到話十月一日入園唔多人,仲要比平日嘅星期六日還要少人,加上今日天氣又好似幾好,所以最後都決定入去園轉,等小小豬開心吓。

我又嚟估計錯誤,因為今日真係勁勁勁多人,基本上每一個遊戲都要排45分鐘以上,就連平日完全唔洗排隊嘅3D劇場,今日都要排30分鐘,真係見啲等候時候都真係問你怕未。

不過,既然嚟到冇理由就咁走,所以就開始展開今日排隊多過玩嘅玩樂一天啦!雖然係用多左時候嚟排隊,不過小小豬係排隊時又出奇地合作,就算排一個鐘先可以玩到個遊戲,佢地好乖乖咁等,只係間唔中問我拎嘢食,所以小小豬嘅表現都令我覺得今日嘅排隊係值得呀!

入園第一時間就當然係換魔術師MICKEY影相啦,不過好好彩我地都只係排左半個鐘就影到。小小豬一見到MICKEY都不知幾開心,緊係啦....佢好耐都冇同MICKEY影相啦~
PicturePicturePicture

之後我就係向TOYSTORYLAND進發,平日唔多主動叫影相嘅小小豬,今日有少少一返常態,叫我幫佢係度幾個位置影相。不過,可能佢係見到其他小朋友影,所以佢先想去影。既然佢咁主動,我當然好樂意啦~
PicturePicturePicture

上次入嚟因為雷電關係,差唔多到我地就停左,所以就冇得玩彈弓狗,所以小小豬一入樂園第一個就係去玩彈弓狗啦~
Picture

努力排左一個鐘之後,終於到我地啦~
Picture

依個傻豬仔真係勁攪笑,上幾次玩嘅時候佢都完全唔驚,今次唔知係唔係聽到後面個小朋友嗌嘅關係,佢又跟風兼非常肉緊咁嗌埋一份。見到佢依個樣其實又真係好好笑呀~
PicturePicturePicture

之後就夠鐘睇巡遊,不過因為我地遲左去,所以搵唔到個好位置,唯有全程抱住小小豬嚟睇啦。到左小朋友出去玩嗰部分,因為我地係企第二排,根本都係冇位置可以行到出去,不過有一位媽媽佢真係好好人,知道小小豬想出去玩,所以就主動讓左條路等小小豬可以出去跳舞呀~
PicturePicture

睇完巡遊,小小豬就要去玩揸車車,其實依一刻都真係有啲驚,因為職員係預計要排90分鐘先可以去玩。見到咁都真係有啲想打退當鼓,不過小小豬好誠懇咁話:不如我地排隊啦!依一刻心軟了,所以又嚟排隊了~
Picture

最後我地排左一個鐘多少少就可以上車啦~
Picture

真係慶幸我有少少心軟,因為小小豬揸車真係玩得好興奮,原來所以男仔都係鐘意揸車車,睇嚟我之後每次入嚟都一定要俾小小豬揸返轉先得啦~
PicturePicturePicturePicturePicture

繼續玩巴斯光年,好彩唔洗半個鐘就玩到啦~
PicturePicture

之後我就同小小豬去食晚餐,接下來我嘅救星就出現,因為大肥豬放工之後就入園JOIN埋我地一齊玩呀~
Picture

見小小豬揸住支光彩筆,就知我地準備睇光影匯啦!不過可能今日係銀咭人第一日可以睇依個SHOW,所以都真係迫滿晒人,好辛苦先搵到個叫做好少少嘅位置俾小小豬睇呀(今次到大肥豬抱住小小豬睇啦)!

今次都係小小豬第一次睇光影匯,不過佢真係睇得好投入,一邊揮揮光彩筆,一邊專心地睇~
PicturePicturePicturePicture

由於今次位置唔多靚,同埋主力睇小小豬個反應,所以都比較少影啲花車。如果大家有興趣,可以去睇返我預演嗰日嘅情況呀(按此重溫)~
Picture

睇完光影匯,我地就去小小世界。慶幸中午時冇同小小豬嚟排依個,因為依一刻完全唔洗排隊,真係我覺得全日至正嘅遊戲呀~
PicturePicture

最後我地就玩埋轉轉杯~
Picture

依一刻嘅小小豬已經冇晒能量,竟然主動同我地講話玩晒啲遊戲,可以返屋企。不過,佢之後講多左一句:我地下星期再入嚟玩過呀!我又要再睇夜晚巡遊呀!

哈哈哈...我當然好樂意再帶小小豬入嚟玩啦,但下次入嚟到應該要等11月嘅銀咭日!

沒有留言:

發佈留言