2014年11月6日星期四

給自己的生日禮物 - Ladamer 輪廓提升護理療程

6 NOVEMBER 2014(THU)

早係今年八月生日時,趁係自己生日月,買嘢都可以大條道理啲,所以我就買左盒Ladamer 輪廓提升護理療程,作為自己嘅生日禮物,希望可以做返一位靚媽~
Picture

因為真係唔多時間外出做FACIAL,所以我平日都有係屋企做吓導出導入機同面膜,都叫做可以幫皮膚補補濕。不過年紀都開始大,所以眼紋都越嚟越明顯,同埋面額嘅皮膚都開始鬆弛。雖則我係一位FTM唔洗點見人,不過有邊個唔想靚靚呢,所以好想攪攪佢呀!

其實坊間都有好多產品係針對依兩方面,都真係花多眼亂,我都唔知點揀好。

點解最後我會決定買Ladamer依個品牌?就係因為上次我試用過佢兩款產品之後(按此重溫),我覺得效果唔錯,所以對品牌有左印象。見佢都有好多星級藝人用緊,最重要就係個價錢都唔算好貴,加上負責人又好細心咁向我講解,俾到我好大信心,所以最後就決定買啦!

依一盒護理療程我都差唔多用晒,見個效果都唔錯,所以就同大家分享吓啦(好明顯係我係度呃POST...哈哈哈)。

Ladamer 輪廓提升護理療程內有4支Ladamer 激活提升素及 Ladamer 彈性膠原蛋白精華素,剛好係一個月嘅份量~
Picture
Picture

係未開始用依盒護理療程時我眼紋同眼袋又真係幾利害呀~
Picture

為左靚靚我就係依個月乖乖地好勤力用,首先就係每星期敷一次特效收緊Mask~
Picture

由於我面形都算細,所以除左用係面之外,我亦有用埋嚟塗係頸部,等面同頸都可以收緊嘛~
Picture

一支彈性膠原蛋白精華素就係一星期嘅分量~
Picture

每日早晚洗完面,塗完爽膚水後使用~
Picture

用左差唔多一個月之後,我覺得最明顯就係眼紋同眼袋方面有明顯改善,比之前少左啲眼紋,眼袋又好似淡色左同細左(唔知點解我影極都係影得唔好睇,或者我真係要練習多啲自拍功夫先得啦)!

除此之外,我都覺得整體上成塊面係FIRM左啲啲,好似少左啲包包面,毛孔方面都細左,同埋塊面都滑左呀!

回想起當初決定買嘅時候都有一刻擔心唔知個效果係點?會唔會用左之後冇反應,咁就嘥晒啲心機同錢嘛。

好在依家個效果都唔錯,雖然離靚媽都仲有一段距離,不過依家皮膚好左啲啲,人都開心啲又自信多啲啦!

如果大家都有點興趣,可以去佢地個網站度睇咔。如果打算購買的話,同佢地講話識得我,咁靚女負責人就會俾多啲試用裝 添呀!
Website: http://trillum-hk.com/

沒有留言:

發佈留言