2014年12月9日星期二

麥當勞叔叔之家開放日 - 1

6 DECEMBER 2014(SUN)

今日係麥當勞叔叔之家開放日,見依個係有意義嘅活動,所以都帶小小豬去參觀,玩下攤位遊戲啦~
Picture

其實今日早上都有一個慈善步行活動 - 童樂行,因為小小豬要返主日學,所以就唔到時間去參加依個有意義嘅活動。不過唔緊要,希望佢地明年會再舉辦,到時可以等小小豬參加。

雖然我地冇參加慈善步行活動,不過都帶小小豬去玩吓啲攤位遊戲,參觀麥當勞叔叔之家,都身體力行支持依個咁有意義活動啦!

由於今日所有活動都係為麥當勞叔叔之家籌募經費,所以第一時間當然要去買遊戲卷玩攤位。四十蚊就有十張遊戲卷,可以玩場內有大約十多個攤位遊戲,而且玩完遊戲仲可以儲印章換禮物,真係可以話玩住嚟做慈善呀~
Picture

小小豬一見到個彈彈床就豪不考慮地走去排隊玩啦~
PicturePicture

之後就去玩攤位遊戲,其實今次啲攤位遊戲都比較多集中以環保做主題,都有幾個遊戲都係將啲廢物放回環保回收箱,雖然好似遊戲性質差唔多,不過等小朋友可以係遊戲中學習,真係唔錯嘅安排。經過玩依幾個攤位遊戲,小小豬都識得『藍廢紙、黃鋁罐、啡膠樽』啦~
PicturePicturePicturePicture

另一邊嘅攤位遊戲就娛樂性豐富少少,好似有拋波波、渣搖控車、拋彩虹,真係樣樣都啱小小豬玩呀~
PicturePicturePicturePicturePicturePicturePicturePicturePicturePicture

其中一個攤位係可以扮小軍人,係咁多遊戲在旁,原本都以為小小豬唔多願意影相。點知今次真係出奇地係小小豬主動話想影,相信佢都係俾啲槍吸引到。既然佢咁主動,我當然非常樂意陪佢影啦~
PicturePicture

小小豬依個軍人LOOK可以嗎,直頭CHOK到冇朋友啦....哈哈哈~
PicturePicturePicturePicture

玩完攤位遊戲之後,我地就去排隊準備參觀麥當勞叔叔之家了,想知道多啲麥當勞叔叔之家入面有啲咩,咁就請留意下一篇網誌啦!

因為覺得麥當勞叔叔之家係一個好有意思嘅地方,所以想同大家作多少少分享,等大家繼續支持麥當勞叔叔之家呀!

沒有留言:

發佈留言