2014年12月10日星期三

麥當勞叔叔之家開放日 - 2

6 DECEMBER 2014(SUN)

係麥當勞叔叔之家開放日玩完攤位遊戲之後(按此重溫),就係時候真真正正進行參觀,去了解一下麥當勞叔叔之家啦~
Picture

其實之前都提及過麥當勞叔叔之家係為患病留院的兒童及其家人提供一個臨時家園,為患病嘅小朋友及其家人帶來愛與關懷~
Picture

係未開始參觀時,導賞員先向我地講解麥當勞叔叔之家嘅歷史~
Picture

我地第一個參觀嘅地點就係花園,患病嘅小朋友雖然唔可以周圍去,但亦都唔可以成日困住自己係房間度,所以佢地就可以出嚟花園行吓,呼吸新鮮空氣~
Picture

另外,小朋友仲可以同家長一齊係依片小小農地種一啲小生菜,可以等小朋友有點細藝之餘,亦可以自己享用返種植成果,導賞員話好多小朋友都好鐘意留係依個花園活動呀~
Picture

接下來就去參觀23間房間嘅其中一間,導賞員話其實每一間房間嘅基本設施都係大同小異,除左沒有設電視之外,可以話啲設施都齊存呀~
PicturePicture

另外,每一間乎房間嘅壁畫都有啲唔同,希望可以透過啲得意嘅圖畫,等小朋友休息時都可以有點生氣象呀~
Picture

房間冇電視咁點算呢?其實係大堂內都有啲好舒服嘅梳化,亦都有電視,可以等小朋友及家長有需要時使用。導賞員表示依個設計就係想小朋友可以係房間得到真正休息,如果覺得悶就可以出房外活動,唔好成日困係房間入面呀~
Picture

一個超大嘅廚房,由於這裡係不包膳食的,所以入住嘅家庭就需要利用依個廚房煮食。雖然話係要自己煮,不過啲設備都非常齊存呀~
Picture

小朋友活動地方除左個大堂之外,原來仲有一個遊戲室,除左有啲煮飯仔遊戲之外,仲有好多圖書呀~
PicturePicture

由於入住係以家庭式,所以除左照顧小朋友之外,依度都有一個為成人而設嘅圖書室,可以等家長上網或者靜靜地睇書,好讓自己休息一下呀~
PicturePicture

最後當我地離開時,會見到一個『生命之樹』(希望我冇記錯名),入面就刻上各贊助者/機構嘅名,好等來一個紀錄~
Picture

老實講,麥當勞叔叔之家真係唔似一個醫療地方,比我感覺仲似一間酒店,周圍環境都非常舒適,真係一個好適合養病嘅地方。由於佢地嘅收費都係好便宜,大多係來自贊助或籌款,所以日後如果見到有麥當勞叔叔之家獎券義賣或者籌款活動,希望大家都可以出少少綿力,等麥當勞叔叔之家可以幫到更多有需要家庭呀!

參觀完之後,依個為食豬仔見到有嘢食,又嚟為食一番啦~
PicturePicture

見到有夾公仔機,又去玩一次,估唔到小小豬竟然可以夾中一隻小公仔呀~
PicturePicturePicturePicture

今日最後一個節目,就係去拎印仔紙去換獎品。其實今日原來唔覺唔覺我地都買左三次遊戲卷用左$120,真係估佢地兩父子唔到呀~
Picture

不過,由於我地都差唔多散場先去換禮物,所以都只係得返啲細少嘅禮物。不過唔緊要,禮物都係其次,可以透過玩攤位去做善事,都係一個唔錯嘅活動嚟呀!

沒有留言:

發佈留言