2014年12月2日星期二

as little as 的童裝體驗

2 DECEMBER 2014(WED)

首先要多謝as little as童裝對小小豬嘅厚愛,送上最新嘅秋冬服裝,等小小豬可以做個型仔豬啦~
Picture

其實早排我行SOGO時,路經as little as嘅童裝位置,我都俾佢啲衫吸引左我入去睇,因為啲衫設計真係唔錯,斯文得嚟又帶點型格,再加上摸落都非常柔軟舒適。不過奈何小小豬係濕疹底,所以我都好少買啲針織衫俾佢著,考慮左好耐之後,最後都係冇買到。

相隔幾星期後,收到公關姐姐邀請,我當然即刻答應,好待依個好機會試吓小小豬同as little as夾唔夾嘛!

今次小小豬所試著嘅係今季新出嘅獅子款的開襟羊毛衫~
Picture

成份為50%羊毛及50%壓克力棉,所以外套看似比較薄,但其實都好保暖,所以非常啱依個好動豬呀~
Picture

外套最特別就係其中一個手袖以3D獅子耳仔設計,真係有型得嚟又可愛呀~
Picture

原本我都係打算係屋企同小小豬影B模相,點知個傻豬竟然同我講:我著咁靚去邊度玩呢?

既然個傻豬咁講,就帶佢去附近公園行吓影一轉,順便放放電啦!

其實依件外套真係好易襯,簡單係入面加件襯衫,就已經可以好有型啦~
Picture

哈哈...依張相嘅小小豬有冇條件去做B模呢~
Picture

有得玩佢就係最開心~
PicturePicture

根據之後著羊毛衫經驗,小小豬通常著左一個鐘以上佢就會話痕(或者係因為濕疹關係),亦都係因為依個原因,所以我好少買針織衫..羊毛衫俾佢。

今次我試過同佢著過兩次去街,佢都完全冇話過唔舒服或者痕嘅感覺,仲同我講件衫好"滑滑"添。依家出街都間唔中要求著"滑滑褸",真係俾佢笑呀!

講多件攪笑事俾大家知,當大肥豬一見到依件衫嘅時候,佢就千叮萬囑叫我唔好著,因為佢話件衫斯斯文文,非常啱去見小學面試著,所以要我留嚟出年等小小豬去考小學時先好著。真係冇大肥豬咁好氣,有靚衫當然要即刻著啦!

我去過as little as網頁睇過,仲有好多靚衫更加適合面試,而且仲有一年時間,話唔埋同年啲款仲靚,到時又可以買過啦!

唔好講一年後嘅事,其實我依家都中左幾件衫,真係好有衝動買俾小小豬,等佢著靚靚過聖誕呀!

最近as little as嘅網頁更新咗,大家有興趣都可以去睇吓。依家仲做緊PROMOTION,由即日至2014年12月14日期間,於as little as網上購物,只要於 CHECKOUT頁輸入DISCOUNT CODE:BLOG-PIG,無論正價或減價貨品均享有額外85折優惠呀!

 

More Information :
Website:http://www.as-little-as.com/
Facebook:https://www.facebook.com/aslittleas

沒有留言:

發佈留言