2014年12月4日星期四

結婚七周年紀念@UCC

3 DECEMBER 2014(THU)

真係可以用話咁快嚟形容,唔覺唔覺就嚟到我地結婚七周年紀念,所以今晚就出街食個簡單嘅晚餐慶祝一番啦~
Picture

其實大肥豬一向都唔太著重啲節日慶祝,佢話如果係開心嘅話日日都係節日,送禮亦都唔需要節日。

雖然我都幾認同依個想法,不過話晒都叫做有一個慶祝活動,點都要出去簡簡單食個晚餐,所以大肥豬就同我地入去將軍嘅行一轉,順便就去UCC食晚餐啦!

我都算大鄉理,UCC開左咁耐,就連分店都開左幾間,今日我先係第一次光顧呀~
Picture

UCC最出名都應該係嗰個自助沙律BAR,曾經何時我都係PIZZA HUT試過玩一次,不過自此之後PIZZA HUT都取消左自助沙律BAR,終於今次有得再玩過啦~
Picture

不過最開心嗰個唔係我,睇吓小小豬幾興奮,因為有佢至愛嘅啫喱呀~
Picture

即刻飛撲去夾啫喱呀~
PicturePicture

由於個底部建立的唔好(都係怪小小豬嗰三粒啫喱),所以我嘅沙律整成品都唔可以加太多嘢,不過都叫做將我鐘意食嘅加晒,只不過係唔夠多呀...哈哈哈~
Picture

係我努力整沙律嘅時候,原來個餐湯已經送到,當我行到返枱時,竟然見到個奇景,就係一向唔鐘意飲粟米湯嘅小小豬,不停係度飲,仲讚好味添。就係咁我嘅湯就俾小小豬KO了,見小小豬飲得咁落力,相信個湯都應該唔差呀~
PicturePicture

我地嘅主菜嚟啦,依個芝士三文魚菠菜意粉就係小小豬嘅,入面都好足料,三文魚分量都算多,再加上個好味嘅白汁,所以整體上又真係唔錯~
Picture

小小豬食到啲呢...啲芝士成口都係啦,不過佢話咁好得意哦,真係唔知佢啲咩理論呀...哈哈哈~
Picture

之後仲叫多左一個海鮮焗飯,味道都算唔錯,大肥豬仲對依個焗飯讚口不絕添~
Picture

最後我就飲杯凍檸檬茶~
Picture

小小豬就食佢至愛嘅啫喱~
Picture

三口子就開開心心食完依個結婚七周年紀念晚餐,其實UCC啲食物除左好食之外,我覺得啲店務員嘅服務態度都好好,所以大肥豬都話下次可以再嚟依度食過,等小小豬可以再去夾沙律BAR哦!

沒有留言:

發佈留言