2015年1月31日星期六

試食:華園蛋卷

30 JANUARY 2015(FRI)

小小豬今次又有口福了, 因為得到華園食品送嚟嘅三盒唔同味道嘅蛋卷, 見到咁多美味嘅食物, 依個為食嘅小小豬又點會唔興奮呀~
Picture

不過論最開心嗰個, 一定非大肥豬莫屬, 因為大肥豬係超級鐘意食蛋卷, 最利害嘅一次, 試過有一次係坐定定睇電視咁食左大半罐呀!

三款蛋卷味道分別係:椰汁蛋卷、果仁蛋卷及牛油蛋卷, 三款的包裝都係相同, 我個人都幾鍾意依個包裝設計, 以一個鐡罐設計, 入面有六包獨立包裝, 而且每一小包都附有防潮劑, 咁就可以令啲蛋糕保持脆身~
PicturePicture

小小豬見到啲蛋卷已經非常心急, 不停問我影完相未? 可以食未? 真係一個不折不扣嘅為食豬呀~
Picture

首先就俾佢試食牛油味蛋卷, 一小包內附有三小條蛋卷, 分量不多不少, 剛剛好足夠小小豬個茶點~
PicturePicturePicture

我個人覺得牛油味蛋卷個牛油味都幾濃, 而且啲蛋卷入口鬆脆, 一啲都唔會覺得硬繃繃, 所以都唔錯! 小小豬試完之後就不停讚牛油蛋卷好食添呀!

第二日我就同小小豬試食椰汁蛋卷~
PicturePicture

其實口感同牛油蛋卷都係一樣, 不過就多一種椰汁香味, 而椰汁味又唔會蓋過啲蛋味, 所以可以話三款味道中我至愛就係椰汁蛋卷(可能我本身都係非常鐘意食椰汁味食物啦..哈哈哈)!

最後款就係試食果仁蛋卷, 不過因為小小豬唔係得果仁, 所以試食依款嘅重任就主力交俾大肥豬啦~
Picture

果仁蛋卷就可以話最啱大肥豬口味, 因為食落會有少少花生同杏仁味, 而且唔會太甜, 個味道都幾特別呀!

哈哈哈....三款蛋卷各有特式, 我地三口子就各鐘意一種味道,咁就一人盒皆大歡喜啦!

最後再一次感謝華園食品為我家送上這麼美味的食物!

More Information :
Website:http://wahyuenshop.com/index.php

Facebook:https://www.facebook.com/pages/%E8%8F%AF%E5%9C%92-Wah-Yuen/608679462509994

2015年1月30日星期五

象仔燜燒杯@太子參陳皮普洱茶

30 JANUARY 2015(FRI)

前幾日冇意中拎左本中醫書嚟睇,入面有一個茶療係話可以健睥暖胃、消食化滯。見食排都好似胃頂頂,好似消化唔係咁好,所以就買啲材料,用象仔杯試下啦~
Picture

材料都係三樣:太子參5g、陳皮兩小片、普洱茶少少~
Picture

陳皮浸透去囊,然後切絲備用~
Picture 

先將太子參及普洱茶放入象仔杯,然後用涼開水洗一洗~
Picture

然後將陳皮絲放埋入象仔杯內~
Picture

最後加入熱水~
Picture

加蓋燜泡大約5分鐘,就可以飲啦~
Picture
Picture

飲完一杯之後,可以反覆沖泡飲至味精變淡為止。我用依個分量都飲左五杯,都最後嗰杯個味都仍然KEEP到呀!

其實單睇外表同普通嘅普洱茶冇分別,不過入口就有所分別,飲落有一陣陣嘅陳皮味同太子參味,而且我覺得比一般嘅普洱茶更好飲添!

至於飲完之後,個飽飽滯滯嘅感覺又好似少左啲啲。雖然唔知係唔係依杯茶嘅功效,不過間唔中泡嚟飲都可以冇壞呀!

2015年1月29日星期四

試飲:CAFE 99 怡保白咖啡

29 JANUARY 2015(THU)

謝謝CAFE 99公關姐姐邀請,等我同大肥豬可以試飲到怡保白咖啡~
Picture

老實說,其實初時我對依個品牌印象都唔算太深,只係FACEBOOK曾經見朋友仔介紹過,不過係兩間大超市都唔見有得買,所以一直都冇機會試到。今次正係個好機會,等我地可以認識一下CAFE 99啦 !

CAFE 99係來自馬來西亞,原來佢地係好有名,當地係數一數二嘅咖啡商,近依一兩年開始正式嚟到香港推廣呀 !

CAFE 99怡保白咖啡係採用高級阿拉比卡咖啡豆,以低溫方式烘焙,純無添加香料,每一口的咖啡都可以讓你輕鬆享用到濃郁香醇的咖啡香。而且少了33%糖份,飲落冇咁甜更加可以特顯白咖啡嘅香濃呀~
Picture

一大包內有十五小包~
Picture 

每包為一次嘅分量,一倒出咖啡粉就已經聞到好香嘅咖啡香,而且咖啡嘅粉質都好滑細~
Picture

只需要加上熱水,之段攪勻就可飲用,真係非常方便~
Picture

由於我對咖啡嘅要求唔算太高,所以今次依個試飲任工作就交俾咖啡愛好者肥豬試飲啦 !  

根據大肥豬嘅飲後感,佢話以即沖三合一咖啡嚟講,都算係唔錯,第一個入口就已經感受都好強烈的咖啡味,入口都好滑順,完全沒有苦澀味,而且甜度剛好,唔會蓋過啲咖啡香,總括嚟講就係一個字 "好" 咁話 ! 

其實睇肥豬表現我都知道係唔錯,因佢佢飲完一杯之後,就叫我拎晒其餘嗰啲等佢返工飲,飲晒仲叫我再去幫佢買添 !

哈哈哈...唔知大家有冇興趣都試下CAFE 99咖啡呢 ? 公關姐姐非常好人,佢俾多左八包試用裝我,等我可以送俾一路好鍚小小豬嘅朋友仔呀~
Picture

一包內有四款唔同口味,包括有 : 怡保白咖啡3合1 , 怡保白咖啡3合1 , 蘆薈豆奶同埋最特別嘅榴槤白咖啡3合1~
Picture

如果大家有興趣咁就快啲CLICK入去小小豬成長日誌嘅FACEBOOK FANPAGE(請按此),答中一個小問題,就可以有機會試飲啦!

More Information :
Website:
http://www.ial.hk/.
Facebook:https://www.facebook.com/cafe99hk
 

2015年1月28日星期三

美極煎虎蝦

29 JANUARY 2015(THU)

依排係BABYKINGDOM見好多媽媽都推介特價$39.9嘅惠康買虎蝦,見佢地個都讚不絕口,所以我都買左一盒,嚟試整美極煎虎蝦~
Picture

開初我都係人買我買心態,所以買左之後都唔知用嚟點煮好。最後我上網周圍搵食譜,終於俾我搵到個既簡單又好似好好味嘅美極煎虎蝦,就係一咁決定煮依個啦~
Picture

哈哈哈...其實咁抵開頭我都存有疑惑,咁抵嘅虎蝦係唔係真係好得呀?不過一打開包裝盒都解疑一半,因為好大隻呀~
Picture

真係有成隻手板咁大呀~
Picture

先將乾蔥頭一粒切碎~
Picture

蝦洗淨之後,然後剪鬚及挑腸~
Picture

印乾蝦上的水份~
Picture

燒紅鑊落油將蝦煎香~
Picture
PicturePicture

將已經煎好的蝦盛起~
Picture

其後再用乾蔥頭起鑊~
Picture

爆香乾蔥蓉之後加入炒...炒...炒~
Picture

之後轉細火加入約二十滴(約一湯匙)美極~
Picture

同少少黑胡椒炒至乾~
Picture

食得啦~
Picture

正當我戰戰兢兢嘅心情睇住大肥豬食蝦,等緊佢嘅回應。估唔到大肥豬第一句就話:有驚喜哦!

完全冇諗過平平地嘅蝦仔食落都好彈牙,啲肉質都唔錯,所以真係食得過呀!

當然大肥豬嘅驚喜係包括我嘅廚藝,佢嘅我煎得好香好入味,完全冇諗過我整得咁好食咁話。聽完內心飄飄然一陣,睇嚟我都真係要煮多啲唔同種類俾大肥豬食,滿足佢嘅胃之餘,亦可以等我成日有自豪感呀!

2015年1月27日星期二

蠔油薑葱炆雞

28 JANUARY 2015(WED)

今日小豬爸又準備左三隻新鮮雞脾俾我,所以就煮大肥豬至愛食嘅蠔油薑葱炆雞啦~
Picture

材料都係好簡單,幾樣就可以煮到依個餸啦~
Picture

先將雞脾洗淨斬件,之後用少少老抽、粟粉、黑糖及少少水醃大約二十分鐘~
PicturePicture

薑葱洗淨切片~
Picture

先用薑片及一半的葱段爆香~
Picture 然後落雞塊煎至金黃色~
Picture

之後加入少少蠔油~
Picture

最後就要加切整碟餸嘅靈魂之物,就係一粒冰糖(冰糖的多少視個人對喜好鹹甜而定。)~
Picture

之後下蓋過材料一半的水,細火炆大約十分鐘~
Picture

最後將餘下的葱段及鹽加入快炒一陣~
Picture

話咁易又可以食得啦~
Picture

哈哈哈...依個餸真係可以話係我嘅拿手之作,次次煮大肥豬都一定會讚口不絕,聽完真係即刻充滿自信心呀!