2015年2月19日星期四

變身小白遊迪迪尼

17 FEBRUARY 2015(TUE)

小小豬放假趁我地銀咭人仕可以入場,當然都要入去迪迪尼一轉啦!

今日小小豬仲變身成為小白,佢依個打扮醒唔醒目呢~
Picture

其實我地張全年証係上年十月已經續左,不過當時正係屋企最忙嘅時候,所以一直都冇入過去。大大話話都有成三個半月冇入嚟玩,所以小小豬一入到樂園就勁興奮,仲話佢負責帶我地去玩哦~
Picture

係迪迪尼一片Queen Elsa及Princess Anna之下,小小豬依一身Olaf打扮真係好突出,沿途都吸引到唔少目光,亦好多人讚佢可愛添。

唔知係唔係因為多人讚佢,攪笑嘅小小豬話:我今日係叫小白,你地唔好叫我個名啦,叫我小白啦!(佢仲唔肯除件小白衫添)

小白當然要去搵公主同皇后啦,不過同真人見面就真係冇可能,因為我地晏左入場,冇晒見面預約証,不過同依兩個影就仲原汁原味啦~
Picture

唉...依個傻仔有邊度去呀?第一時間就當然係帶我地去小小世界啦!今日可能係假期,又加上新年將至,所以園內都有好多人(當然內地人多啦),我地排左差唔多30分鐘先上到船呀~
Picture

難得可愛小白裝,當然要影返張相啦(如果小小豬肯多少少笑容就好了)~
Picture

玩完小小世界剛剛好就係第一場巡遊時間,由於我地晏左少少,所以一直都搵唔到位,原本我地都只係企係第二排睇,係依個時候有一位好好嘅女仕,佢叫囡囡坐埋少少,迫迫地咁讓左一個小位俾小小豬,等佢可以舒舒服服咁SHOW呀~
Picture

巡遊例必要出去玩下,同啲哥哥姐姐互動下啦~
PicturePicturePicture

睇完巡遊又到排隊時間,今次當然係全園至勁嘅馳車天地啦!咩叫做見到自己鐘意嘅嘢雙眼發光?睇小小豬一上車個樣就知啦,佢真係好愛渣車車呀~
Picture

叫佢同我地影相時又唔見佢開心笑,緊係啦...因為佢心急要出車呀~
Picture

依個小小豬真係好鐘意渣車,佢一開車就超級興奮,仲玩到唔願落車啦~
Picture

排隊都排到攰,小小豬竟然話肚餓,所以我地就去左火箭餐廳醫肚。

時間剛剛好,我地出嚟時就見到巴斯光年出嚟,所以就可以好快咁同巴斯玩遊戲啦~
PicturePicturePicturePicturePicture

之後我地去睇3D MICKEY,真係估佢唔到,平日唔洗點排嘅地方,我地今日都要排半個鐘先可以入場,邊個叫小小豬鐘意睇,作為慈父母嘅都冇法啦~
PicturePicture

真係話咁快又到第二場巡遊時間,小小豬真係好鐘意睇巡遊(其實佢係鐘意出去玩嘅過程),依次係佢主動話要睇,所以我地又去睇啦~
PicturePicturePicture

佢有幾唔捨得個巡遊隊伍?睇佢差少少跟埋入去就知啦~
Picture

聽到排隊人仕話係新年版DUFFY,當然即刻跟隊啦!點知排左半個鐘到見到公仔出嚟先知原來唔係,有少少失望添… 整定我同DUFFY & SHELLIEMAY冇緣了!

不過同新年版公仔影都唔錯啦~
Picture
PicturePicturePicture

唉...同唔到大嘅DUFFY & SHELLIEMAY影,同細細個嘅影下頂當先啦~
Picture

新年有春天佈置,有好SWEET SWEET嘅MICKEY & MINNIE,當然又要影下啦~
Picture

今日玩最後嘅一樣遊戲,又係小小豬至愛嘅飛碟~
Picture

玩完遊戲我地就去醫肚,食飽飽之後就去返大街等睇夜光巡遊啦~
Picture

今次係小小豬第二次睇光影匯,明顯比上次係投入多啲,不停揮動佢支光影筆呀~
Picture

哈哈哈...又難怪小小豬咁鐘意,因為成個節目都係好正,靚人、靚車、靚衫、勁音樂同跳舞,唔好話小小豬,我第三次睇都仍然覺得好興奮呀~
PicturePicturePicturePicturePicturePicturePicturePicture
Picture

係快樂嘅地方啲時間真係過得特別快,睇完光影匯我地就走啦,真係有啲好唔捨得走,因為今日都唔算玩得好多嘢!(冇法啦...實在太多人,排隊時間仲多過玩嘅時間)

不過唔緊要,嚟緊三月又有銀咭日,之後又有復活節假期,實行可以密密帶小小豬玩餐飽呀!

沒有留言:

發佈留言