2015年2月25日星期三

新春內地之旅 PART 5 - 放風箏及自制杏仁餅

21 FEBRUARY 2015(SAT)

我地三日嘅新春內地之旅最後一日,我地先去食早餐,之後就出發去我地第一個行程,就係去華陀山公園~
Picture

其實依度都都冇乜特別嘢睇,不過領隊話行上山上,就會有好多唔同種類嘅中藥材睇。我地當然係對啲山草藥冇興趣,加上又咁多級樓梯,所以都係留係原地方企下就算呀

我地就話年紀大唔行樓梯,不過依個精力旺盛嘅小小豬又點會肯企定定等夠鐘呀。最後又係由舅父仔同LULU出馬,陪個姨甥跑樓梯~
Picture

行左幾轉樓梯之後,小小豬就發現左公園旁有間小賣店,有好多玩具呀~
Picture

就係咁小小豬就有新嘢玩,就係去放風箏啦!依個傻豬仲捉住兩位姨姨陪佢玩,真係難為了兩位陪跑了~
PicturePicturePicturePicturePicturePicturePicturePicturePicture

原本以為要係公園留四十五分鐘係一件慘事,不過睇全佢地玩下風箏,話咁快就夠鐘。今次仲係小小豬第一次放風箏,估唔到當小小豬都算學識時就夠鐘,貪玩嘅小小豬仲唔肯走呀

唔緊要,我地都帶左風箏返香港,到時去郊外地方再玩過啦!

離開公園我地就去食午餐,今餐都係食自助餐,不過食物就普通啲,所以唔多講啦。不過當小小豬食飽飽之後,佢就美其名帶小豬爸出去拎嘢食,但其實係想公公陪佢玩朱古力嘖池,來來回回都玩左唔知幾多次呀~
PicturePicture

我地行程最後一個活動點,就係去參觀杏仁餅店(即其實係叫你買手信啦)。原本都以為會好悶,不過好在有一個位置可以俾我地自制杏仁餅,所以小小豬又有得玩啦~
PicturePicturePicturePicturePicturePicturePicture

做完造餅師,小小豬又變身為售貨員,因為佢不停好熱心咁同我地講:快啲買啦...有特價呀...好平呀~
PicturePicturePicturePicture

最後仲好落力幫手去俾錢呀~
Picture

隨住我地買埋杏仁餅之後,我地又坐返長長長途車返香港啦!我地今次嘅行程雖然唔算去好多地方,不過勝在簡單得嚟都幾舒服,輕輕鬆鬆啦

沒有留言:

發佈留言