2015年4月30日星期四

幼兒體操匯演

23 APRIL 2015(THU)

小小豬學校一年一度嘅幼兒體操匯演,依個咁重要嘅時刻當然要帶齊人馬(即我、大肥豬同LULU妹)一齊去支持佢啦~
Picture

早係老師開始教依套體操舞之後,小小豬每一日返到屋企都會不停係度跳,又會拉埋佢啲公仔朋友一齊。見佢依個咁認真同上心嘅表現,所以唔多唔少都對今年嘅表演有少少期待~
Picture

根據上年經驗,要早啲嚟排隊先有個靚位就係咁我地情商左LULU妹早啲嚟搵個好位LULU妹已經比開始表演時間早左半個鐘嚟到排隊,不過都要排成二十幾

雖然都總算係搵到第一行位置不過我地個位都比較後,再加上細細粒的小小豬又安排企中間排所以完全俾淹沒在人海中呀~
Picture

唉...基本上絕大部分時間我地都係睇背面所以都唔係點可以拍到DV真係有少少失望添

唯一慶幸就係大肥豬帶左支長鏡頭,咁都叫做為小小豬影到少少相作一個留念~
PicturePicturePicturePicturePicturePicturePicturePicturePicturePicture

哈哈哈...有個傻爸爸見到依兩張相不停咁讚自已個仔靚仔,戀仔狂程度真係無人能及呀~
PicturePicture

整體上小小豬都算跟到,同其他小朋友都好配合,只係間中有啲啲發夢,不過豬仔都叫做跳晒整隻舞所以我都有俾個叻叻佢小朋友要多鼓勵呀!

有左今次經驗,我地出年一定要再早啲嚟排隊,要搵個靚位先得。話晒出年都係K3,最後一年參加依個活動嘛

2015年4月29日星期三

愛心芝士肉醬意粉

20 APRIL 2015(MON)

今日嘅午餐係小小豬專登為我而做,真係一個充滿愛心嘅芝士肉醬意粉,未食都已經覺得心到甜啦~
Picture

對於我嚟講,小小豬做小廚師絕對唔係一件奇怪事,因為我成日都同佢嚟親子廚房。奇就奇在今次竟然係佢主動提出話想煮嘢俾我食,佢話就嚟係母親節,所以要做個小廚師,煮個好味嘅食物俾我食。

我估可能係學校老師開始教緊母親節,所以小小豬識得咁做,但其實唔理佢點解要做小廚師,佢有依個心思,我都要俾個叻叻佢呀!

傻傻的豬仔係我啲烹飪書揀左一個芝士肉醬意粉,仲話要即刻去街市買餸去煮意粉呀!

既然佢咁主動又熱情,我當然係非常樂意陪佢做依件事,所以就去買材料啦~
Picture

首先用少少雞粉、老抽、糖、生粉及水醃啲豬肉先~
PicturePicture

小小豬話要先再睇多一次個食譜,唔好煮錯哦,真係好似幾有文有路哦~
Picture

將啲意粉出水先~
Picture

洗乾淨啲蕃茄~
Picture

然後將蕃茄切開細細粒~
PicturePicture

放入攪拌機將蕃茄打至蕃茄蓉~
PicturePicturePicture

半粒洋蔥需要切成粒粒,原本我打算幫小小豬切洋蔥,因為我怕會令佢眼睛唔舒服。點知傻豬仔堅持要自己切,為免打消佢啲自信心,所以我就俾佢切幾下,其他嗰啲我就借啲異叫佢做其他嘢,快快手幫佢整埋啦~
PicturePicture

材料準備好晒,就可以炒個醬汁啦!小小豬話佢唔識開火,所以就請我幫忙。不過依隻豬仔全程好似老師上身咁,每一個步驟都要我跟足佢指示呀!

首先燒紅鑊爆香洋蔥,之後加入豬肉碎炒勻~
Picture

之後加入蕃茄蓉~
Picture

最後加入少少生粉水埋個芡汁~
Picture

汁煮好之後就準備最後焗嘅環節,首先將已出水嘅意大利粉放入焗盤內~
PicturePicture

加入蕃茄肉醬汁~
PicturePicture

加入芝士~
PicturePicture

睇下小小豬見到個半製成品個燦爛笑容,可想而知佢係有幾開心啦~
Picture

最後放入光波爐,250度焗8分鐘~
PicturePicture

一碟滿愛心嘅芝士肉醬意粉出爐啦~
Picture

一個小小焗盤就足夠我地兩母子午餐份量,其實唔洗我講,單看小小豬個為食樣就知有幾好味啦~
PicturePicturePicture

雖然依個意粉唔係小小豬一手一腳咁整俾我食,對一個四歲多的小朋友實在唔可以有太大要求。不過今次係佢第一次咁主動要求煮嘢俾我食,由揀煮咩到煮嘅時候,佢都非常認真地參與,就係佢依一份心意,又教我如何不心甜呢!

2015年4月28日星期二

我是一名偽記者之第30屆香港家庭用品展

20 APRIL 2015(MON)

今日下午帶左小小豬返學之後,我就去會展變身成為一名記者,因為有機會可以去第30屆香港家庭用品展觀摩,真係要非常感謝WESHARE俾我依個機會呀~
Picture

由今日起一連四日,香港貿易發展局都會係會展舉辦第30屆香港家庭用品展,以及第6屆香港國際家用紡織品展。兩展合共迎來36個國家及地區近2,400家參展商參與,為全球買家提供最全面的家品及家用紡織品採購體驗~
Picture

其實依類型展覽都係俾業界人仕為主,我依啲普通師奶仔都真係完全冇諗過有機會嚟行下,所以當收到WESHARE邀請時,我都非常樂意嚟,等我開下眼界嘛。

一入到會展就已經好多佈置啦~
PicturePicture
Picture

睇下有咩睇先,好多唔同種類呀~
PicturePicturePicture

先去拎我個記者証就可以開始行街街啦(哈哈哈...我終於都可以做記者啦....不過只限幾個鐘)~
Picture

首先行下一樓最大嘅展覽區先,未入去都已經覺得好唔同,因為入口都已經好靚啦~
Picture

可能場內都係買家為主,所以整個場地氣氛都好安靜,就連我行路都要斯文啲又細聲啲呀!

其實依個展區都有好多唔同主題,不過最吸引我都一啲廚俱用品及整甜品用品,都好吸引呀~
PicturePicturePicture

行左一陣之後就轉戰三樓,睇下其他得意嘢。不過依一層好多參展商都同買家傾緊生意,我都唔係幾好意思行埋去,所以只係周圍行下。

行行下就見到啲好得意嘢呀,就好似依間參展商嘅座墊套係以印度墨手繪,好鐘意依一隻懶洋洋的狗仔呀~
PicturePicture

依間韓國參展商有一個曾榮獲2015年iF設計獎盛碟架都好似好啱我屋企個廚房用呀~
PicturePicture

行行下就俾依間參展商吸引住,因為見到啲攪笑玩意。只需要加醋和水入去,再放進微波爐加熱,Angry Mama便會在五分鐘內噴出蒸氣,咁就可以軟化爐內污漬。另外我仲見到有一個用具用嚟隔開啲水同食物,都唔錯好實用呀~Picture
PicturePicturePicture

哈哈哈...最後我又發現左一個小朋友餐具,係以米殼嚟做,加上又易於分解(棄掉後90日就分解到),最好就係以米奇為主,真係既安全可愛又環保。真係勁想買套小小豬,不過參展商姐姐話暫時香港未有,聽完之後有啲失望添~
PicturePicturePicture

得意嘢又點止依幾樣,不過有啲參展商唔方便拍照,有啲又做緊生意,所以都唔敢太打擾佢地呀!

其實我仲有五樓嗰一層未行,不過我行依兩層都行左兩個鐘,係時候要返去接小小豬放學啦,唯有結束我偽記者身份了。

今日除左我對好多家庭用品大開眼界之外,我個人都有點得著,雖然都只係簡單幾句普通句子,不過面對非本言加上又唔常用,點都有少少驚,我原來都可以放膽同外國人交談啦!

More information :

香港家庭用品展:http://www.hktdc.com/fair/hkhousewarefair-tc
香港國際家用紡織品展:http://www.hktdc.com/fair/hkhometextilesfair-tc