2015年5月17日星期日

共嚐。分享 極品火鍋晚宴@杏花火鍋

8 MAY 2015(FRI)

話說同大肥豬之前拍拖時,每一次出旺角都會去杏花樓,因為佢地嘅石磨製糖水真係勁好味。多年冇見(因為我依家真係少出街),原來佢地係觀塘開左一間火鍋專門店嘅杏花‧火鍋‧甜品,今次得到邀請嚟參加「共嚐。分享」極品火鍋晚宴, 真係十個正食得勁滿足呀~
Picture

食火煱其實除左材類之外混醬都係非常重要呀~
Picture

係未開始食之前,先嚟飲下啲健康飲品先依兩款就係紫貝天葵同埋山楂茶~
Picture

我一向對山楂茶都興趣不大,所以就選擇飲紫貝天葵。估唔飲落又真係幾有驚喜味道酸酸的甜度又適中,而且紫貝天葵仲可以去油膩同有減肥作用,真係要學下點煲先得

首先就嚟個日式刺身拼盤先有三文魚、帶子、甜蝦、魷魚同玉子,真係既靚又豐富呀~
Picture

三文魚同帶子肉質都非常鮮甜,玉子都好軟棉棉不過最令我深刻的就係魷魚刺身卷,用鮮魷魚包住蟹籽同紫蘇葉,勁有口感之餘味道又帶酸酸的,非常特別呀

食火煱最重要就係個湯底,今次真係非常滿足,因為兩個湯底都係非常特別,完全冇諗過可以用嚟打邊爐呀

首先就係一個濃湯魚翅雞鍋湯底好足料,絕對唔係用素,係真魚翅嚟呀~
PicturePicture

湯頭味道濃郁,而且魚翅都算多,可以先喝了一碗魚翅雞湯先~Picture

另一款就係胡椒豬肚雞鍋~
PicturePicture

豬肚內包住一隻雞食前職員會為我地先將豬肚剪開~
PicturePicturePicture

估唔到豬肚又處理幾好,食落完全唔覺得有那一種膻腥味,而且仲覺得好彈牙添~
Picture

飲完兩碗靚湯,就係湯鍋內加多少少湯就可以用來打邊爐啦

正式開始打邊爐啦,嘩...好多嘢食好豐富呀~
Picture

首先有杏花四式滑(墨魚、蝦肉、鯪魚及牛肉)、仲有白鱔片、脆鯇片、招牌手打三寶丸、鮮豬潤和自家製鳳城水餃及農場時蔬拚盆。其實每一樣都唔錯,不過墨魚滑及墨魚丸就最得我歡心,真係都非常爽口又彈牙,而且好香墨魚鮮味,真心推介呀(可能亦都因為我地墨魚控啦...哈哈哈)!另外鮮豬潤亦都不錯,新鮮又無腥味呀~
Picture

打邊爐又點可以少左牛啦,不過由於我唔食牛關係,所以我試唔到,不過同行朋友仔們對依兩款牛菜式都大讚呀

本地手切肥牛,其實單看賣相都覺得好靚,每片牛肉都帶有少少肥膏,朋友仔都話牛味好香濃呀~
Picture

「牛之天地雜錦拼盆」用上平時HIGH TEA嘅拼盤上桌,單看賣相都已經非常吸引,仲一次過試到牛的不同部位(有安格斯肥牛、牛柳粒、牛展、牛胸爽、牛坑腩和黑柏葉)。當中最特別就係白色的「牛胸爽」,朋友仔話咬落非常爽口嫩滑,而且牛味濃郁呀~
Picture

即食嘅魚腐大皇都係唔錯選擇,魚腐很鮮味,而且不油不膩,味道不錯。係啲食物未熟之前邊食魚腐邊等,都係唔錯方法呀~
Picture

超愛依度嘅炸魚皮,炸得非常香脆,比薯片還要香脆,就算食到完場都仍然係脆卜卜~
Picture

平日我都好少食炸響鈴,不過今日都食左唔少,因為冇那種"油益味",而且又好脆口,令我對炸響鈴改觀了~
Picture

平時打邊爐都係即食麵為主,今次就有蝦子麵及手打稻庭烏冬~
Picture

用蝦子麵嚟打邊爐都係第一次,估唔到又幾好食,等我下次係屋企打邊爐又試下先~
Picture

其實食完依個豐富火鍋晚宴,都真係已經有十個飽食,不過一定要食埋依個甜品,因為係好特別嘅薑茶西米皮湯圓~
Picture

湯圓皮以西米做成,口感煙韌又有咬口,以芝麻餡料,再配以超濃嘅薑湯,真係好味到停唔到口呀(如果有多幾粒就好啦...哈哈哈)~
Picture

店主除了請我嚟試食之外,仲俾左少少優惠等我同朋友仔分享,只要大家惠顧時出示「冰鎮鮑魚優惠」劵(手機下載都可以呀),就可以享用優惠啦~
Picture

 

More Information :
杏花火鍋‧甜品
九龍 觀塘 鴻圖道 50 號地下
Tel
3568 6624
Facebook:
https://www.facebook.com/HangFaLau?fref=ts

沒有留言:

發佈留言