2015年6月23日星期二

大肥豬的生日禮物

15 JUNE 2015(MON)

大肥豬生日,真係除左我地兩口子去玩波波池之外(按此重溫),都冇咩特別節目不過,點都要去食晚餐嚟個三口子簡單慶祝啦~
Picture

原本我地有一刻魔鬼念頭,叫小小豬今日放一日假,我地齊齊去玩。最後當然係天使又嬴左啦其實一早我都估到,因為一向好著緊小小豬學習嘅大肥豬又點肯呀...哈哈哈

一向大肥豬生日都唔會要求買啲咩,因為佢都唔想為買而買,但今年就有所特別,大肥豬竟然話想買個鋼琴。唉...明眼人都知道大肥豬依個動作,都係為左小小豬

自小小豬學琴至今,大大話話都差唔多五個月雖然唔可以話小小豬學得好好,但都總算都有板有眼,都識彈到好幾首歌仔,而且仲越嚟越鐘意添

再加上每次我地行大型商場時,大肥豬都一定帶小小豬去參觀琴行(其實係俾小小豬彈下琴),小小豬每一次都會好興奮咁,揀個琴仔嚟彈幾首歌

就係依啲原因,大肥豬話小小豬咁鐘意,又肯去彈,所以就買部返屋企,等小小豬可以彈多啲,學叻啲

坦白講,我原本係舉腳般唔讚成,我地屋企有幾大呀,已經有張大書枱,如果再加埋個鋼琴,真係冇乜位行。但係大肥豬好堅決話位置係可以解決,只要我答應依個任務就交俾佢。再加上佢朋友有一部新新地嘅二手鋼琴可以轉讓,所以最後我都係心軟了,答應買嚟當係生日禮物啦

都唔知係唔係教好時間鋼琴係大肥豬生日當日送到,仲唔係佢嘅生日禮物?小小豬放學返到屋企見到鋼琴時,佢都不知幾興奮,仲要即刻彈幾首歌添~
Picture

見小小豬咁興奮,最開心嗰個一定係大肥豬啦~
Picture

開心過後,我地就去帶小小豬去學琴,放學之後就三口子簡單食個晚餐一下啦

生日又點可以唔吹下蠟燭許個願呢?大肥豬一向都唔"好"蛋糕,所以我就係餐廳叫左一客甜品,之後就自備蠟燭,插係個雪糕面等佢地兩父子開心一下~
PicturePicture

依隻為食豬......其實今日都唔知係邊個生日,好似每一件事都係為小小豬而設咁。不過,一向愛豬如命嘅大肥豬又點會介意,小小豬開心佢就會比小小豬更加開心為左個仔佢真係做咩都得呀....哈哈哈

沒有留言:

發佈留言