2015年6月6日星期六

第一次足球比賽

25 MAY 2015(MON)

小小豬今日就有一個新嘗試,晨早八點未到就嚟到足球場,因為第一次參加足球比賽呀~
Picture

其實前幾日天氣都唔係咁隱定,所以我都打家輸數今次個活動係會取消。但朝早起身個天氣都好好,所以小小豬唔洗失望,可以去比賽啦!

係呀...由小小豬一個月前同教練報名開始,佢都已經好緊張又期待,成日都將個足球比賽掛係咀邊,所以如果今日活動取消,我想佢一定笑唔出呀~
Picture

點完名就開始去集隊先去做下熱身先。嗰一刻小小豬就開始發傻,我從遠處就見到阿SIR唔同佢密密傾咁,為免加深影響小小豬情況,我都係決定企埋一邊,等阿SIR幫手~
Picture

好啦...比賽開始啦!其實比賽都係好簡單,踢三場每場就大約10分鐘。雖然經阿SIR訓話過之後小小豬情緒都好左好多,不過都係悶悶不樂。但都總算佢好合作,肯追住個足球跑~
PicturePicture
Picture

中場休,謝晒嘅小小豬~
Picture

經阿SIR不斷鼓勵,到左第三場比賽時,小小豬心情好左好多,今次仲負責守龍門呀~
Picture

哈哈哈...依隻豬仔狀態回勇,好有姿勢都有少少實際呀~
PicturePicturePicture
PicturePicture

三場比賽完結了,小小豬那一對都有獎呀(雖然好明顯都只係一個豬肉獎)~
Picture

阿SIR仲叫小小豬做隊長,負責拎獎杯添~
Picture

所有比賽完結時,阿SIR當然同小朋友勉勵一番,仲將個獎杯送俾今日表演較好嘅小朋友。其實今日小小豬表演真係唔太好,所以當阿SIR話將獎杯送俾小小豬時,我倆都覺得好突然~
Picture

阿SIR話雖然小小豬唔係踢得最好嗰個但佢肯去堅持參與又肯去追個足球所以都俾個叻叻佢~
Picture

拎住一個屬於自已嘅獎杯,睇下小小豬幾開心今次依個仲係小小豬人生第一個獎牌所以我地一定要好好珍惜呀~Picture

其實學阿SIR話,今次參加比賽都唔預佢地有啲咩好表現...入幾多球....踢得有幾好,只係希望佢地感受一下比賽目的同經驗。所以最初我都冇預小小豬可以有幾好,只望佢ENJOY個比賽

雖然頭段小小豬都情緒唔係咁好,但好在後段可以返番來,加上阿SIR又讚佢,所以我都收貨啦,期望下次再參加比賽時可以有好表現啦

不過話時話,今日依個獎杯同阿SIR向小小豬講那番說話,明顯對小小豬係一個好大嘅鼓勵,令佢嘅自信心增加左,同埋更加喜愛足球

其實我覺得小小豬真係好幸運,因為可以跟到一個好好阿SIR,除左教踢足球之外,仲會好耐性地做埋心理輔導,同小朋友謂道理所以小小豬一定要繼續俾心機學,唔好浪費阿SIR對佢地付出嘅心思呀

沒有留言:

發佈留言