2015年7月23日星期四

秀茂坪交通安全城

12 JULY 2015(SUN)

老公今日帶左我同小小豬去一個新地方玩,嗰度有齊路牌及紅綠燈成個小馬路咁,玩到豬仔唔願走呀~
Picture

依度係邊?咪就係秀茂坪交通安全城~
Picture
Picture

我成日都以為交通安全城只係開放俾幼稚園或者初小參觀原來依家會於星期六日及公眾假期開放俾公眾參觀玩樂,所以就帶小小豬嚟玩轉啦~
Picture

依隻傻豬仔一嚟到已經急不及待要玩啦~
Picture

嚟到交通安全城,當然要等小小豬學習一下道路安全同埋仲有使用道路者守則,依個咁重要任務當然係交由我家嘅教育部部長負責啦~
Picture

睇住佢地兩父子模擬過馬路,都真係幾好笑呀~
PicturePicturePicturePicture

整個交通安全城都真係好似一個小馬路,大大小小嘅路牌、斑馬線、馬路的行車線及迴璇處都好齊存~
PicturePicturePicture
Picture
Picture
Picture

其實啲交通燈都會著的,但只限有工作人員在場,所以可以著埋就更加好玩。唔緊要....假日嚟玩就唯有我地家長聲控啦...哈哈哈~
Picture

仲有埋停車場添~
Picture

除左路面上的設備,仲有行人專用嘅天橋同隧道,像真度都好高呀~
PicturePicturePicturePicturePicturePicturePicturePicture

係依個咁好玩嘅地方依隻貪玩豬玩得不知幾開心一時叫我扮行人等過馬路,一時又扮紅綠燈,真係俾佢笑C呀~
PicturePicture

係我地離開時,俾我發現到張告示,OH....NO....原來我地今日係唔合格呀!公眾開放係需要自備單車,而單車就只可以係三輪車,我地今日其實係違規

不知者不罪.....所以下次我地會帶三輪車嚟啦~
Picture

依一個小小地方我地都玩左差唔多一個鐘,走嘅時候小小豬都極度唔捨得,仲已經講定下星期要再嚟添。依度又真係幾好玩,我想如果一班小朋友嚟,一啲扮行人,一啲扮司機,咁應該會仲好玩

除左秀茂坪交通安全城之外,北角、屯門及沙田都有交通安全城,同樣都係公眾假期對外開放,有興趣朋友仔都可以去玩呀(記得自備正確嘅三輪車呀)

溫馨提示:依個場地係唔可以泊車的,所以各位家長如果渣車前往,係需要泊係附近商場嘅停車場呀

 

沒有留言:

發佈留言