2015年8月11日星期二

暑假特工大聯萌@挪亞方舟

31 JULY 2015(FRI)

今日我地約埋SY哥哥一齊去挪亞方舟,主要係去做打工仔,齊齊參加《暑假特工大聯萌》呀~
Picture

其實我之前成日都好想帶小小豬去玩返工,等佢可以親身感受下各行各業嘅工作,等我問佢大個想做咩職業時都識答嘛。

不過其他機構嘅收費都不菲,我又唔知小小豬第一次玩時有咩反應,咁貴入場咩都唔肯玩咪唔抵。再加上影相控的我又唔可以幫小小豬影相,所以依啲返工活動我一直都係得個諗字。

之後係FACEBOOK見到挪亞方舟係暑假都有舉行同類活動,只要購買入場卷,唔需要再額外加錢,即係百幾蚊就可以玩盡五大職業,咁抵當然要嚟玩一轉啦

我記得對上一次嚟馬灣都係剛剛結婚兩口子入嚟拍拖影相,當時就好似只係去左馬灣公園當時挪亞方舟仲好似係起緊,所以今次我都係第一次嚟玩呀

成日以為嚟馬灣係好難,但原來依家係旺角都有旅遊巴直接去挪亞方舟,唔洗半個鐘就入到去啦~
Picture

哈哈哈...入場啦,由於未夠鐘返工,所以兩位小朋友就化身成為導遊,拎住個地圖帶我地周圍行呀~
PicturePicture
Picture

係未開始返工時,各位小朋友都會有一本活動通行証,除左有齊各項返工資料及換籌時間表之外,仲有由著名親子教育專家張笑容女士所設計囓「兒童品格強項中文問卷」,我地家長從觀察小朋友返工表現後填問卷,計下小朋友全日表現值幾分,可以有助了解你小朋友嘅性格、優點及能力呀~
Picture

小小豬今日第一份工就係做一個小小消防員,唔好以為只係玩,消防教官第一步就係教導小小消防員一啲消防知識,唔好話一班小小消防員,就連我地旁聽嘅家長都學識好多嘢呀~
Picture
Picture
PicturePicture

消防教官仲請一位小朋友出去示範當身上有火時應該點做,估唔到小小豬會主動舉手 ,仲做得唔錯哦~
PicturePicture

聽完理論課消防教官仲即場示範正確使用減火筒(哈哈哈...我自己都係第一次見呀)~
Picture

最後就係模擬實戰,我地一眾媽媽就扮被困火警現場,一班小小消防員要帶我地及逃生三寶(鎖匙、電話、濕毛巾)一齊走過煙霧瀰漫嘅火警現場。當入到煙霧體驗區時,真係好逼真呀~
PicturePicturePicture

最後當然唔少得齊齊去救火啦~
PicturePicturePicture

小小豬依個小小消防員LOOK又真係幾有型,而且佢嘅表現真係有啲喜出望外,所以忍唔住俾個GOOD佢啦~
PicturePicture

第二份工就文靜少少做一個小小護士,學習照顧BB呀~
Picture

初頭小小豬都唔太願意去湊BB(可能剛才小小消防員實在太興奮了),不過見到SY哥哥換上護士制服,所以佢就肯跟埋一齊乖乖換衫。

先嚟由護士長教各位小朋友抱BB...同BB換衫...洗白白啦~
PicturePicture

之後就到各位小朋友實習,先嚟同BB量下頭同身先~
PicturePicture

然後除衫去洗白白,依個不細心嘅小小豬將個BB倒樹蔥咁,真係嚇C人呀~
Picture

無從入手嘅小小豬最後要護士長幫手一齊幫BB洗白白,之後去磅重~
Picture
Picture

最後就同BB著返衫仔~
PicturePicture

最後就餵BB飲奶同掃風,當然小小豬又係粗魯咁對待BB啦,不過旁邊睇又真係幾好笑呀~
PicturePicture

一向小小豬都係唔太鐘意玩BB,所以佢做得唔好我都唔會怪佢。不過係佢唔太願意做嘅情況下又可以做到護士長嘅指示,只係粗魯啲咁解所以我都當佢合格啦~
PicturePicture

返左兩份工,唔好話兩位小朋友,我地大人都又攰又肚餓了,所以就齊齊去食個午餐休息一下啦~
Picture

兩位小朋友食完飯仲齊齊畫畫,好開心哦~
PicturePicture

食飽飽又未夠鐘返工,就去玩下泥沙開心下,當然都係免費啦...哈哈哈~
PicturePicturePicturePicturePicturePicture

食飽飽有氣力就可以返工,今次就去做醫生,真係未開始先興奮,兩位小朋友換好衫就已經玩不停啦~
Picture

一開始醫生姐姐就教小朋友一啲醫學常識,依兩位醫生姐姐講得生動又攪笑,所以唔止小朋友,我地家長都俾佢地吸引住呀~
PicturePicturePicturePicture

學左醫學智識咁就要嚟實習下,由我地媽媽扮病人,小醫生幫我地睇症呀~
PicturePicture

小小豬都扮到似層層,仲好詳細教我點食藥添~
Picture

做完門診就到入手術室,幫病人做手術啦~
PicturePicture

好認真嘅小小豬幫病人做手術中,其實只係好簡單咁夾走啲粒粒,不過我地旁邊睇又真係幾得意呀~
PicturePicture

小小豬做小醫生表現都唔錯,都算跟足晒所有程序,又好專心咁上堂,最攪笑就係又嚟每事問,醫生冇介紹大腸同小腸佢都會好主動咁問佢嘅求知欲真係越嚟越大,不過某角度嚟講都係一件好事嚟,所以都俾個GOOD依個小醫生~
Picture

終於嚟到今日最後一份工,就係去做小警察,但原來最受歡迎就係依份工,因為真係好多人參加呀~
Picture

警長先同啲小警察講解警察平日工作~
Picture

然後就教小警察步操啦~
Picture
Picture

之後就摸擬場景,請小警察幫手解難,小小豬都好主動舉手,仲同SY哥哥一齊救出傷者呀~
PicturePicturePicture

最後就當然去到各小警察最期待環節,就係去射槍啦~
PicturePicturePicture

玩左成日其實小小豬係返小警察時,都已經係"謝謝地",不過都總算佢堅持乖乖地完成,所以都要俾個GOOD佢啦~
Picture

總括嚟講,小小豬今日返工表現都真係比我預期中好好多,都算聽導師話又肯去做,只係有時問題多左啲啲,同坐唔定啲啲,不過都算唔錯啦

就係四份工嚟講,小小豬最鐘意次序係..消防員 ~> 醫生 ~> 護士(真係估佢唔到哦) ~> 警察,依家問佢大個想做乜,佢就好快話要做消防員,因為可以去救火(其實我估係因為有得玩水就真)

其實仲有一份係小鑑證員我地今日冇去返工,因為玩左成日,唔好話小朋友,我地幾個大人都攰都唔願郁其實今日我地今日全日都係去返工,挪亞方舟都仲有好多地方同工作坊冇去睇所以留番下次啦咁好玩地方小小豬話下次要再埋DADDY一齊玩呀

不過,都要提一提佢地幾位導師,其實佢地同小朋友一樣扮演各職業,但佢專業同認真嘅講解,令我初時都以為依啲係佢正職,係後來我忍唔住問先知原來佢地嚟教堂時,之前都受過真正專業人仕訓練,所以先咁似模似樣呀

真心推介依個活動俾大家,可以係遊戲中學習,價錢唔貴之餘又可以學到一啲專業智識,所以趁仲有半個暑假時間,搵日入去學返工啦

等我俾少少溫韾提示大家先:

- 由於活動係需要係指定時間同地點換取各職業入場籌,每場名額20個,一啲熱門工作仲好快FULL,所以我地媽媽們可以做定功課去挪亞方舟網址睇定換籌時間表,咁就可以教啱時間,打多幾份工啦
星期四及五時間表
http://www.noahsark.com.hk/tra/pdf/promotion_105_poster_thur_fri.pdf
星期六及日時間表:http://www.noahsark.com.hk/tra/pdf/promotion_105_poster_sat_sun.pdf

- 另外小朋友衣著我覺得都係薄衫褲為主,女仔都唔建議著裙仔因為啲制服係即時穿上面衫上所以入面薄啲會舒服啲,行動都方便啲。小小豬就係因為著住POLO衫係底所以攪到又熱又肥呀!不我見每次小朋友著完啲制服後,工作人員都會噴上消毒劑,所以都可以放心嘅

- 講多樣優惠俾大家知,用指定信用卡(都係匯豐..恆生..中銀嗰啲)係挪亞方舟正門售票買入場卷,仲可以有正價85折優惠,折左都係成人$143/小童$118(唔知我有冇記錯..HEE HEE),仲唔係好抵

沒有留言:

發佈留言