2015年8月30日星期日

超失望的比卡超@沙嗲王

21 AUGUST 2015(FRI)

依排其中一樣係FACEBOOK洗版嘅就當然係沙嗲王比卡超,想食好耐嘅我,終於有機會食比卡超落肚啦~
Picture

雖然我唔算係比卡超忠實粉絲,不過古靈精怪嘢就最啱我,所以都有少少期待呀~
Picture

沙嗲王為左今次同比卡超Crossover都出左好幾款指定食物同飲品~
PicturePicture

先嚟叫杯凍飲先,我叫左杯藍桔荔枝梳打配啫喱(全名唔係好記得)~
Picture

個樣又真係幾靚,最特別就係上面嗰三塊藍色薄片,開頭以為係攪拌棒,但原來係硬糖嚟,不過味道就.......唔食都唔會好損失。

味道方面,飲落都好香荔枝味,忌廉都好細滑,以特飲嚟講都可以話合格。

好姐妹糖糖嘅比卡超芒果沙冰~
Picture

芒果沙冰配合了比卡超的鮮黃色,外表都幾可愛。糖糖話飲落係超多冰,所以飲兩啖就已經飲晒整杯飲品啦!味道方面,一個字『甜』,而且芒果味似是加入芒果糖漿。幸好尾段嘅涼粉粒都幾軟屬,所以都未算係最差。

先嚟一個小食牛油炸雞翼,其實每次嚟都一定食依個,同之前食嘅一樣,都係脆脆地,味道都唔錯~
Picture

終於我地嘅主角配上藍咖喱嘅比卡超咖喱豬排飯~
Picture

真係好可愛,唔係好捨得整爛佢呀~
Picture

不過...一個恐怖嘅糖糖將比卡超變成........好慘呀~
Picture

黑色嘅部分就係由黑糯米做成,只另比卡超的眼鼻口是用紙印出嚟,我諗都係唔食得啦。

係比卡超個正中位置切下,我搵左好耐都搵唔到啲豬扒,終於俾我搵到六粒細細嘅豬扒粒(我之前見朋友仔介紹係原塊豬扒嚟呀),而且仲要係非常乾身同好韌呀。個黃薑飯都唔係好得,因為真係超硬。整個飯唯一我覺得幾好就係個咖喱,甜甜地但又唔算太辣~
Picture

滿心期望去匯一匯比卡超,點知就失望而回。其實係唔係因為係旺角依關係,所以質素差啲呢?不過唔深研了,應該唔會有下次啦!

沒有留言:

發佈留言