2015年8月28日星期五

雪糕藝術@Tokyo Secret

21 AUGUST 2015(FRI)

依排見到好多朋友仔都去食好靚又特別嘅雪糕所以趁今日小小豬要去尖沙咀上興趣班,放學後我地兩母子就拍拖去試下啦~
Picture

門口佈置得咁七彩繽紛,所以都好易就見到啦~
Picture

店鋪內既有雪糕又有特飲,每款都好吸引呀~
Picture

我地都考慮左好耐,都唔知食咩好,最後就決定兩母子每人買一杯,咁就可以試晒兩款皇牌啦

心急豬又嚟等食啦~

PicturePicture

小小豬嘅冬之富士山~
Picture

一見到姐姐拎出嘅時候,小小豬就已經不停"嘩嘩聲",因為依杯底層裡放入左乾冰,所以會不停釋出霧氣,真係好夢幻...超靚呀

牛乳雪糕再配上法國藍莓醬,味道都唔錯,雪糕有好香濃奶味甜度都覺得剛剛好但由於啲雪糕都好快溶,所以都要急急食先得呀。不過有得食雪糕對小小豬嚟講都一定佢問題,佢仲食得不知幾滋味呀~
PicturePicturePicture

我嘅森之樹林出場啦~
Picture

棉花糖上有少少桑莓爆炸糖及杏仁碎片作點綴,然後罩係抹茶雪糕上,睇賣相都已經非常吸引。坦白講,初時都有啲唔知點入口好,好在店鋪都關住到依一點,係棉花糖同雪糕中間加一個小膠墊,咁食嘅時候就唔洗咁狼狽~
Picture

棉花糖一向都係我嘅至愛,所以對我嚟講都一定係好食。不過連埋爆炸糖一齊食,又真係幾特別,就連小小豬都好有興趣呀~
Picture

食完棉花糖就到抹茶雪糕,依次嘅抹茶的味又真係俾左我一個小驚喜,整個雪糕都好滑身之餘味道濃郁得嚟又完全唔會覺得有苦澀味,而且又不會太甜,最好就係雪糕唔會太快溶,可以慢慢食呀~
Picture

最底仲有數粒年輪蛋糕,連同雪糕一齊食,又係另一重味覺享受呀~
Picture

食完依兩杯雪糕之後,小小豬都已經急不及待話下星期放學後要再嚟。咁都好.....等佢有啲做乖乖動力,下次上堂乖先再嚟過啦

沒有留言:

發佈留言