2015年9月7日星期一

我的快樂生日:海洋公園夏水禮

26 AUGUST 2015(WED)

哈哈哈...又大一歲了,其實都係搵個藉口俾我去玩。前幾日因為超級多人所以入唔到海洋公園,所以就趁今日三口子入去玩返轉啦~
Picture

我同小小豬都係八月生日,所以免費入場,即係話只係一張入場卷費用,就可以三口子嚟玩,真係勁抵啦

一入場就已經見到好多LINE公仔,當然即刻要影下啦~
PicturePicturePicturePicture

哈哈哈....我有個習慣,就係每年生日都會買套新衫俾自己(其實都係買衫嘅藉口),估唔到老公會讚我條裙仔靚,仲叫我著多啲依啲款添。唔知佢係真心定係因為生日而逗我開心呢?不過,俾人讚都係一件開心事嚟呀~
Picture

去到夏水禮場地,我同小小豬即刻換好晒衫就開始去玩啦!不過,我竟然大頭蝦拎漏左條短褲,所以冇得遮下個肥豬腳,希望冇嚇親大家

好在今日唔算多人,我地玩都唔算要排好耐,每個遊戲都大約15分鐘左右,都叫做可以接受啦

我地去濕水千秋進發,其實小小豬仲差少少先夠高去玩,最後.....好在著返對拖鞋又剛剛好,所以有得玩啦~
PicturePicturePicture

唔好睇好似好少水,但其實照頭淋,都幾過癮呀就依個千秋小小豬都玩左四次,完全唔怕啲水呀~
Picture

之後我就自己去左玩滑梯,由於連眼鏡都唔可以帶住,就連排住隊時都已經要除,感覺唔太好,所以玩一次就算啦~
Picture

就係我玩滑梯時,佢地兩父子就去玩水柱~
PicturePicture

之後我地就去玩大水筒啦~
Picture
Picture

其實開頭小小豬係勁驚,點都唔肯行埋去不過玩左幾次之後佢就大膽左,仲敢行埋去個最勁水個位置啦~
PicturePicturePicturePicture

其實仲有一個泡泡池,不過小小豬又真係差少少先夠高,職員姐姐又好嚴格,所以最後都係冇得玩

雖然只係簡單一個夏水禮位置,都係得四個遊戲區位,不過估唔到我地都玩左差唔多兩個鐘。

臨離開之際當然又要集郵啦~
Picture

全日唯一三口子合照,係完全未做好準備時職員就話影完(我地之後係冇人排隊嘅),真係激C我呀~
Picture

離開夏水禮之後,我地就繼續周圍玩同周圍睇動物,同埋去小小豬至愛嘅兒童樂園玩

其實兒童樂園嗰邊都有個小型夏水禮,不過由於我又懶再換衫,小小豬又唔敢自己入去玩,所以最後都係冇玩到

唔緊要啦....出年我地一定會再嚟,到時小小豬一定會高多啲啲,樣樣遊戲都夠高玩,可以陪我再玩過呀

 

沒有留言:

發佈留言