終於等到....詭城玩失蹤

2 OCTOBER 2015(FRI)

作為一個迪迪尼粉的我，當知道有新嘢玩就一定好快去玩啦。終於等到正式對外開放，緊係第一時間約埋朋友仔一齊入去撞鬼啦~

不過，入嚟迪迪尼我最鐘意嘅就係，同公仔影相，今次我終於同到DEFFY & SHELLIEMAY影相，真係超級興奮呀~

仲有GOOFY同PLUTO添~

原來公仔只係出到5:30，所以我唔夠時間影埋其他人物，集郵唔齊都有少少失望添。不過...咁都好，又俾個藉口我再入嚟影過...哈哈哈！

黑色世界由6:30開始，我地行一陣之後等到夠鐘就去撞鬼啦！

第一站我地就去森林河流之旅-咒石迷蹤~

其實同平日玩嘅差唔多，只不過加左啲鬼鬼特技同領航員又改左個故事，但...我個人覺得都唔多驚嚇，反而少少攪笑添~

之後我地就轉戰詭影迷離莊園~

每日都有固定嘅場次，其實我地都遲左少少，所以係之前嘅鬼鬼跳舞我地都就睇到尾尾部分~

不過之後嘅鬼鬼互動時間，我都同左唔少鬼鬼影相呀~

之後嚟到9:30，又係公仔出嚟影相嘅時間~

不過，原來除左MICKEY & MINNIE之外，依段時間出嚟就只有GOOFY同PLUTO，其他公仔係唔會出嚟，真係有啲失望呀！

最後我地就去玩詭迷灰熊山谷~

其實開頭都覺得有少少悶，因為係聽故事咁~

但原來講講下....隻鬼鬼又會帶我地周圍行，沿住個地方地講故仔，周圍搵鬼鬼玩/影相，我仲俾鬼鬼捉左出去跳舞，好好玩呀~

坦白講，係啲優先試玩場都見好多朋友仔入左嚟玩，由於冇晒啲鬼屋，所以佢地都話唔係咁吸引。不過....冇鬼屋有冇鬼屋嘅好，因為啱晒想玩但好我怕鬼嘅我嘛！

同埋其實唔太恐佈又真係幾啱小朋友，等我搵日帶小小豬入去玩轉先啦！