Superkids in Macau傳媒分享會

23 SEPTEMBER 2015(WED)

今日有幸得到澳門特別行政區政府旅遊局邀請，嚟到尖沙咀凱悅酒店出席佢地「Superkids in Macau」的傳媒分享會，邊食邊聽介紹，原來澳門有好多地方係好啱親子活動呀~

其實我地都去澳門玩幾次，不過來來去去都係嗰幾個地方，行下大三巴、手信街、威尼斯人、官也街...等等，但原來澳門仲有好多地方係好好玩。

要搭飛機去玩我地一家就應該暫時冇得去玩，不過近近地搭船去澳門玩兩日都係我成日都想嘅事。想左好耐.....今日又聽到咁多好介紹，真係攪到我好想即刻搭船去玩呀！

係未講澳門好介紹之前，等我先嚟分享大會為我地安排嘅豐富午餐先，真係樣樣都既靚又好食呀~

哈哈哈....我地一邊食，一邊聽主持人為我地講解整個「Superkids in Macau」嘅活動，真係食得特別暢快呀~

大會先為我地介紹一系列澳門新開嘅酒店，當中我最鐘意嘅就一定係剛剛落成澳門銀河二期，真係勁想去玩佢地嗰個大型游泳池，超吸引呀~

另一間會係十月尾推出嘅澳門新濠影匯新酒店都好吸引，有一個8字形嘅摩天輪、蝙蝠俠夜神飛馳4D多媒體飛行體驗、仲有一個華納朋友主題樂園，還有可與天浪淘園媲美的綠野仙蹤戲水池。有咁多嘢玩，真係留係酒店都可以玩得好盡興呀~

介紹左一輪酒店，之後就到一啲戶外親子好去處，原來澳門都有好多嘢係啱一家大細去玩。坦白講，如果唔係今日聽介紹，我都唔知澳門有依啲好地方呀！

路環石排灣郊野公園，場地係免費入場，如果想入去睇熊貓都只係收$10~

另一個好地方就係黑沙水庫郊野公園，嗰度可以玩滑草，又可以去划船，整個環境都好似好舒服咁哦~

介有一個我想去好耐但次次都去唔到嘅澳門科學館，場內有好多唔同種類嘅科學實驗遊戲，好多朋友仔玩完都贊口不絕，而且門外嘅心心樹，靚到呢....真係啱晒我依個影相控呀~

另一個我都比較有興趣嘅就係LEGO展，利用砌左好多澳門特式建築物，真係好利害，如果親眼可以睇到一定睇到我嘩嘩聲呀~

其實澳門特別行政區政府旅游局推出左八條《論區行賞》步行路線，每一條路線都有一個特定主題，旅客就可以感受澳門嘅不同文化~

此外，利用手機下載《論區行賞》APP，再係指定景點自拍並上載兩張照片，就有機會贏大獎，活動去到十一月三十日，如果大家去澳門旅行都可以參加啦~

其實我嘅分享只係「Superkids in Macau」其中一少部分，整個活動內容都係好豐富，如果大家有興趣了解多啲可以去澳門特別行政區政府旅游局網站及FACEBOOK睇多啲呀！

平時都已經好想過澳門玩，睇完啲介紹....真係好想即刻飛過去玩返轉輕鬆下先得呀！

 

 

More Information :
Website：http://www.macautourism.gov.mo/
Facebook：https://www.facebook.com/ExperienceMacau