2015年11月30日星期一

試食:自然良坊靈芝孢子活性破壁

25 NOVEMBER 2015(WED)

多謝自然良坊公關姐姐為我送上靈芝孢子活性破壁,好讓我可以自己的身體調養好,有足夠精神去陪隻百厭豬呀~
Picture

作為一名全職傻媽,好好調養身體係非常緊要,因為真係全天候24小時ON CALL,屋企事冇大小都係要負責,雖然老公都會幫手做下家務,但有啲事就總係要自己去做先放心。特別係當自己唔舒服嘅時候,自己既冇晒能量時,又要帶小小豬返學放學,都真係幾辛苦所以千其唔可以病呀

自然良坊十效靈芝孢子採用「專研激活破壁」技術處理,保留孢子內的活性精華,更充份被人體吸收~
Picture

特別適合長期疲倦、精神差、關注心血管健康及四高人士服食~
Picture

此外具GMP優質生產及SGS嚴格品質驗定,而且仲獲得香港名牌金獎品牌產品質素有一定保證,都好放心服用~
Picture

一家大細都啱食,1-12歲小朋友可以飽肚服用,但份量就要減半。

我差唔多服食左一個月每天早餐過後服食一粒,然後飲兩大杯水。可能我都習慣左吞藥,所以我完粒吞都冇問題如果唔太懂的吞服嘅人,可以拆開膠囊加入湯或開水一齊飲服呀~
Picture

係依段服食期間首先自己身體冇任何不良反應(依樣好重要,因為睇下我同佢夾唔夾嘛!)。最大感覺就係FREE到整個人好似冇咁易攰就算我打文打到三更半夜,都仍然好精神(哈哈哈),第二日都身都唔會好眼瞓水添。

身體保健方面,依個月啲天氣溫差咁大,我都病過一次,但程度就比之前輕,食一日藥就好番啦唔知關唔關服食左靈芝孢子事呢

我都明白保健產品都屬於輔助性質,要配合埋良好飲食習慣,再加埋適當運動,咁就會老虎都打C幾隻啦...哈哈哈

 

More information :
Website:http://www.naturalsquare.com.hk/
Facebook:
https://www.facebook.com/NaturalSquare 

 

**我地嘅FACEBOOK FAGE,唔知大家LIKE左未呢?**
小小豬的成長日誌
大家一齊嚟交流下煮飯仔及去玩嘅親子樂啦


 

2015年11月29日星期日

Checklisted Beauty 《清單美人》

24 NOVEMBER 2015(TUE)

我地屋企嘅圖書量都真係唔嘢少,加加埋埋都應該有過百本,已經準備要買多個書櫃嚟放佢嘅圖書了。

謝謝公關姐姐送俾小小豬嘅小禮物,等我地嘅閱讀小天地可以多添一本圖書啦~
Picture

我家教育部部長(即係愛豬號DADDY)對買圖書一向都唔會手軟,因為小小豬都算係一個鐘意閱讀嘅小朋友,平時都會自動自覺去找圖書睇

鐘意閱讀係一個好習慣所以就算夜晚去左街街遲返屋企每晚都習慣要有故事時間等小小豬養成習慣之餘,希望透過唔同嘅故事,可以等小小豬明白唔同嘅道理

Checklisted Beauty 《清單美人》作者Libby Lam為左佢兩位囡囡,毅然放棄高級管理職務,致力創作兒童故事陪伴小朋友成長故事內容同所有插圖都是由Libby一手包辦靈感都係來自兩位囡囡添呀~
Picture

坦白講,我嘅第一個印象係.....女仔圖書嚟哦,會唔會唔啱小小豬呢?佢會唔會睇唔明呀

不過當我自己睇左一次之後,覺得故事個內容係好正面,唔止啱小朋友,就連我地大人睇左都有得到啲反思~
Picture

故事講述十歲的主角AZURE係同輩及生活環境壓力下,以為要迎合社會所謂漂亮標準,才能獲得認同,於是盲目追求一式一樣的外觀,逐漸變得隨波逐流,迷失自我。

幸好,AZURE有家人嘅愛護同支持,同時亦找到自己的興趣和愛好,有機會發展天賦長處。因此,她能從錯誤中領悟,重踏自信之路~
Picture

故事係希望帶出小朋友灌輸正確嘅價值觀,靚唔一定係睇外表,亦都唔洗在乎其他人嘅眼光及認同,只要保存自己個性,找到自己嘅長處,就係真正嘅靚~
Picture

冇錯....正確嘅價值觀係好重要,尤其依家整個社會真係咩都鐘意比,係咪人地做咩我都就要跟住去做先啱呢?真係唔止小朋友,我地大人都真係都要認真考慮依個問題

其實「天生我材必有用」,每個人都有屬於佢自己長處,歌都有得唱因有自信...所以美麗...使我自卑都放低』所以做人最重要係有自信,唔好盲目去跟風好好發揮自己優點先係最漂亮呀

 

More Information :
Website
http://www.checklistedbeauty.com/
Facebook:https://www.facebook.com/ladylibbysart/

 


**我地嘅FACEBOOK FAGE,唔知大家LIKE左未呢?**
小小豬的成長日誌
大家一齊嚟交流下煮飯仔及去玩嘅親子樂啦

 

2015年11月28日星期六

龍脷葉瘦肉湯

23 NOVEMBER 2015(MON)

尋日係農莊見到有婆婆擺檔賣龍脷葉,就啲龍脷葉又幾靚,加上小小豬又仲有啲痰同咳,所以就買一份嚟煲俾小小豬飲啦~
Picture

其實我之前都試過買龍脷葉嚟煲過涼茶俾小小豬飲(按此重溫),佢都好鐘意飲呀!

原本我都打算照樣煲俾小小豬像,點知當我俾錢時,那位婆婆話咳嘅時候千萬唔好加蘋果,如果唔係仲咳呀。即時教左我用龍脷葉、南北杏同蜜棗煲豬肉湯,佢話簡單得嚟又有效,好好啱小朋友飲。

雖然婆婆講到咁利害,我都有打算跟佢依個嚟煲。不過....始終都係上網搵下啲資料,咁好似安心啲啲。原來婆婆教依個湯係民間用作治療傷風咳嘅食療湯,一般傷風咳嗽之外,亦可作為氣管敏感所致之咳嗽,或者作哮喘之一種輔助性食療法。

嘩...講到咁利害,當然要即刻買材料煲啦!

龍脷葉一份$10、豬肉眼瘦肉$30、 蜜棗3個、南北杏少少及薑1片~
Picture

龍脷葉、南北杏、蜜棗一齊洗淨,豬肉後洗淨汆水~
Picture

煲內放約1L水,然後加入薑片(依個份量約可以有六碗湯)~
Picture

待水滾後將所有材料加入~
Picture

水滾後轉用慢火煲約一個半小時~
Picture

最後加少少鹽調味,就飲得啦~
Picture

雖然只係簡單幾種材料,但又真係估唔到啖湯又幾清甜,飲完喉嚨又幾舒服哦,小小豬又嚟飲左兩大碗呀!

不過,止咳方面又好似未見有太大效用,小小豬都仍然係有啲咳。老公話:唉....神湯咩,飲一碗就好返晒!

咁又係哦,所以等我過多兩日再煲過,煲多啲...飲多啲....好過食西藥嘛!

 

**我地嘅FACEBOOK FAGE,唔知大家LIKE左未呢?**
小小豬的成長日誌
大家一齊嚟交流下煮飯仔及去玩嘅親子樂啦


 

2015年11月27日星期五

初到天水圍綠田園

22 NOVEMBER 2015(SUN)

今日陪老公屋企人參加屋苑嘅一天遊活動,其中一個活動地方都可以話我想嚟好耐,因為可以有得玩水上單車,見朋友仔玩得好開心,緊係好想嚟玩啦~
Picture

其實,如果唔係同一時間有兩位朋友不約而同地講話嚟左依度玩水上單車,我想我都唔知有依個地方。哈哈哈...依度咪就係天水圍綠田園啦~
Picture

原本同流浮山食海鮮嗰度好近,基本上行前多幾個路口就到。流浮山間唔中都嚟,又估唔到佢地咁近哦!

我只係知有水上單車,睇個地圖都好似有好多嘢玩咁哦,不過....總係就有點殘舊嘅感覺呀~
Picture

我主要係為水上單車而嚟,當然第一時間就去玩依個啦~
Picture

原來都係幾貴,$80玩20分鐘,仲要自己計時,唔多唔少都有啲壓力。不過,既然一場嚟到,我都係為左玩依個,所以....豪少少玩一次啦~
Picture

由於小小豬腳仔短短,所以佢都踩唔到個腳踏,所以就由佢負責控制左右啦~
Picture

控制左船仔一陣,小小豬俾其他嘢吸引住~
Picture

當然唔係我啦....咪就係俾水入嘅魚仔吸引到我地仲邊踩船仔邊餵魚添~
PicturePicturePicture

小小豬病左好幾日,日日都係苦瓜乾樣好耐都冇見過佢笑得咁燦爛。所以話依程20分鐘都真係貴貴地,不過見到小小豬咁開心,都係值得呀~
Picture
Picture

玩左個貴遊戲,所以都平靜啲,有一個免費嘅竹園,係依個小小園地玩下捉迷,都唔錯呀~
PicturePicturePicture

小小豬仲學人扮拉車仔呀~
PicturePicture

之後我地繼續周圍行~
Picture

仲去餵牛仔,不過好明顯隻牛過飽,完全唔彩小小豬啲草哦~
PicturePicture

其實沿路都有啲小遊戲攤位,坦白講.....強國風味勁濃,不過有得玩小小豬緊係想玩,見佢咁誠意拳拳,就俾佢玩下啦~
PicturePicture

最後仲俾佢堅持到去玩渣動物車車添~
PicturePicturePicturePicture

哈哈哈...最後我地又搵到個免費遊戲,就係玩高橋啦!依個大膽豬仲完全唔驚,成日都唔俾我企係後面扶佢,話自己大個仔哦,真係俾佢激C呀~
PicturePicturePicture

玩埋依個就差唔多夠鐘要走了,其實話行晒又唔係,但我地又真係仲有地方未行,都未算行晒整個綠田園。不過跟一天團嚟玩就係咁,時間都唔可以咁自由,唔緊要啦....最緊要係今日都算玩得開心嘛

小小豬當然係意猶未盡,佢係回程時不停問幾時再嚟玩水上單車,又話下次帶多啲魚糧嚟餵魚,所以.....相信佢嘅音波功係會令到愛豬號DADDY好快再帶佢嚟玩呀....哈哈哈


 

**我地嘅FACEBOOK FAGE,唔知大家LIKE左未呢?**
小小豬的成長日誌
大家一齊嚟交流下煮飯仔及去玩嘅親子樂啦