2016年12月31日星期六

【化痰止咳】羅漢果西洋菜瘦肉湯

30 DECEMBER 2016(FRI)

係街市見到啲靚靚西洋菜,又令我好想飲西洋菜湯,所以就買齊材料煲返一個化痰又止咳嘅羅漢果西洋菜瘦肉湯啦~
 
其實西洋菜湯除左好好飲之外,其實都好有益。西洋菜性涼,含植物性纖維和多種維他命另外,仲有清熱潤肺、助咽喉炎、氣管炎、肺結核、扁桃腺炎及百日咳等的功效。特別屬於燥熱性的咳嗽,療效更為明顯。(網上資料)

2016年12月30日星期五

【來一個小朋友餸】粟米肉碎西蘭花

30 DECEMBER 2016(FRI)

為左要為小小豬準備愛心便當,所以我又開始物色一啲啱帶飯又令佢食得開心嘅菜式,第一個諗到嘅就係依一個粟米肉碎西蘭花啦~
 
其實整俾小朋友食最重要就係健康,同埋要佢自己鐘意食嘅,有齊依兩項條件,咁就唔怕佢地唔願食。

今次依個有小小豬鐘意嘅粟米,又有齊肉類同蔬菜類,咁就夠啱健康啦!

2016年12月29日星期四

【瘋狂玩樂玩唔停】We嘩!玩轉聖誕太空城@數碼港

29 DECEMBER 2016(THU)

每一個假期,We嘩!充氣嘉年華總會為我地安排一個好好玩嘅活動,當然今個聖誕假期都唔例外,因為……又係時候去放電啦!

今次係數碼港會舉辦一個以太空為主題嘅「玩轉聖誕太空城」,小小豬一聽到話有得去玩,佢都不知幾興奮,多謝We嘩!充氣嘉年華一直都好愛錫小小豬,等佢可以瘋狂玩樂玩唔停呀~

2016年12月27日星期二

【樂做一個小農夫 】邊玩邊學。了解水種植體驗

27 DECEMBER 2016(TUE)

去冒險樂園都唔一定係得個玩"字",原來依家都仲可以學到嘢,可以學做一個都市小農夫,落手落腳由播種開始,了解水種植體驗,之後又可以自家設計盤景,好豐富嘅活動~
 
坦白講,當我收到冒險樂園邀請時,我都有一個玩玩下嘅心態,可能冒險樂園玩樂形像太深入民心了。不過一嚟到,睇到一切佈置,加埋導師姐姐嘅講解,我嘅想法就開始改變,原來"都市小農夫"係一個好認真嘅活動嚟呀!

2016年12月26日星期一

【既排毒又可增強免疫力】紅菜頭杞子紫蘿蔔湯

26 DECEMBER 2016(MON)

話說我尋日冇意中係九龍地城買到好新鮮嘅有機紅菜頭同埋紫蘿蔔,店員姐姐仲教我加埋粟米同杞子一齊煲,就可以有補肝明目、增強免疫力、仲話可以排毒防癌添。

其實我之前都煲過好幾次紅菜頭湯,不過紫蘿蔔就係第一次接解,見姐姐話得咁利害,而且兩樣都好新鮮又唔貴,所以就買齊材料試下煲啦~
 

2016年12月25日星期日

【好味食唔停】The Maple Mania 楓糖系列

25 DECEMBER 2016(SUN)

謝謝 The Maple Mania 為我家送上超合時嘅聖誕禮物,最新推出嘅楓糖布丁同埋楓糖金磚蛋糕,靚女姐姐仲親自拎嚟俾我地…So Sweet~

其實之前我都見識過THE MAPLE MANIA嘅招牌楓糖年輪蛋糕,因為有朋有曾經遊日後買返嚟俾我地做手信,當時我只係分到一件,食落又幾好食,好令人回味添! 

原來七月嘅時候THE MAPLE MANIA已經登陸香港,除左招牌楓糖年輪蛋糕之外,仲有另一人氣產品楓糖牛油曲奇,兩樣都同樣大受歡迎。 

2016年12月24日星期六

【快靚正早餐】南瓜鮮奶燕麥粥

24 DECEMBER 2016(SAT)

謝謝桂格為我家送上健康聖誕禮物,有桂格即食燕麥片、桂格快熟燕麥片同埋桂格原片大燕麥,再加埋三種配料,食早餐都可以花樣多多,咁就達到快、正同有營養啦~
 
一日之計有於晨,所以早餐一定要有營養之餘,煮嘅過程一定要方便,咁先可以叫做「快、靚、正」嘛! 

燕麥係一個唔錯嘅食材,既有營養又有好多唔同煮法,最緊要就係超級簡單,真係大小朋友都啱食呀! 

其實依家桂格舉行緊全新《食出營格》食譜招募活動,只要提交獨特燕麥食譜,然後上載到佢地嘅網上分享,就有機會贏取現金$20,000添!

2016年12月23日星期五

【食、玩、買新地方】Comic Park & Cafe

23 DECEMBER 2016(FRI)

作為九龍東嘅朋友,MegaBox都可以話係我哋經常出沒嘅地方,今日小小豬第一日放聖誕假,緊係又要去行下街,今次嚟到竟然見到Comic Park & Café嘅遊戲部分已經開左,所以就入去玩啦~
 
其實我地前幾次呢都已經知道有依個地方,不過由於啲遊戲仲未正式技入服務,所以小小豬都係得個睇字,今次終於可以入去大玩特玩啦! 

2016年12月21日星期三

【美肌養顏】黑豆紅棗圓肉茶

21 DECEMBER 2016(WED)

天氣凍又真係好想飲啲暖笠笠嘅茶,既可以保健又可以暖身,總比飲汽水好啦!

見有朋友仔介紹煲依個好啱女仕飲嘅黑豆紅棗圓肉茶,見材料簡單又唔難整,所以又嚟試下係好唔好飲先~
 
當然我都有上網睇過啲資料,原來黑豆係好有益,因為佢黑豆不含膽固醇,只含植物固醇,而植物固醇不被人體吸收利用,又有抑制人體吸收膽固醇、降低膽固醇在血液中含量的作用。經常食用黑豆就可以軟化血管,滋潤皮膚,延緩衰老。另外仲可以有美容養顏功效,而且佢鐵質成份好重,所以月事過後可以飲用嚟調理身體呀! 

2016年12月20日星期二

【超強網站】你需要咩服務....一網攪掂晒

20 DECEMBER 2016(TUE)

臨近新年,又係時候開始準備清潔下屋企。我一向都有打掃屋企,所以都唔算好大問題,不過.....總有一啲地方我係唔敢接觸,就係啲窗,所以屋企相對地比較污糟嘅地方就係啲窗~
 
其實我唔係唔打掃,只係我唔敢伸個全隻手出去(有心理壓力),所以就算我打掃都只係屋企入而嗰一層,外面的就真係掂都唔敢掂,雖然有時老公都會出手幫我,不過總唔可以次次叫佢嘛,所以整整下屋企嘅窗都唔可以叫做"立立令"啦! 

2016年12月19日星期一

【試用分享】the SAEM聖誕套裝 - 璀璨亮麗彩妝套裝

19 DECEMBER 2016(MON)

話說原來愛扮靚係會越嚟越濃厚,由我當初唔識扮靚,到依家慢慢學懂扮靚多少少,內心深處真係越嚟越鐘意,而且仲開始叫做掌握到少少(當然仍然係有好大進步空間)。

謝謝the SAEM為我送上聖誕套裝 - 璀璨亮麗彩妝套裝,等我可以係聖誕扮靚啲,陪小小豬去街街都可以做個靚媽啦~
 

2016年12月18日星期日

【預防皮膚乾燥】海底椰紅蘿蔔粟米瘦肉湯

18 DECEMBER 2016(SUN)

依排天氣又嚟奇奇怪怪,又係時候煲下啲滋潤,最好就有埋止咳同埋預防皮膚乾燥嘅湯,咁就由內滋到外,小小豬就可以KEEP住做一隻滑滑豬啦~


2016年12月17日星期六

【小小豬要變身】Kissocool精品童裝概念店

17 DECEMBER 2016(SAT)

今日約左朋友仔去銅鑼灣食個下午茶聚一聚,見未夠鐘就去SOGO行一轉,順便睇下之前朋友介紹過嘅Kissocool精品童裝概念店朝聖兼為小小豬改改型像置新裝啦~
 
其實我一向都係俾小小豬著卡通公仔衫多,冇法啦....邊個叫佢媽咪我係公仔控,自己唔敢著就買俾個仔著。不過隨著小小豬開始大個仔,係時候都要開始改改型像,著返多啲型仔衫,咁聖誕同新年就可以做型仔啦!

2016年12月16日星期五

【滋潤必飲】無花果滋潤茶

16 DECEMBER 2016(FRI)

一到轉天季嘅時候,就一定要好小心,因為有少少出錯,小小豬個濕疹壞朋友又嚟攪佢就大件事啦!

除左要多多塗CREAM保濕皮膚之外,都要煲多啲滋潤嘅涼茶俾佢飲先得,所以就煲個無花果滋潤茶啦~
 
其實我都幾鐘意煲無花果,因為小小豬鐘意飲之外,仲係非常有益,可以滋腸解渴,減少口乾情況同埋防止皮膚乾燥,所以得閒就煲多啲,等小小豬等小小豬潤一潤啦! 

材料都好簡單,我依個份量煲出嚟就有大約八杯左右,依家天氣都凍凍地,所以都唔煲太多放雪櫃(唔想凍飲嘛)。 

2016年12月15日星期四

【試用分享】呵護幼嫩肌膚 - 寶絲洗衣液+金紡低敏柔順劑

15 DECEMBER 2016(THU)

我成日話濕疹係一個富貴病, 因為除左飲食要好小心之外,平日嘅衣著都一定要格外留神,全棉質衣服當然唔走得,就連洗衣用品都一樣要用低敏配方,咁先唔會令返濕疹依個壞朋友嚟搞住小小豬嘛~
 
由細到大小小豬啲衫同我都係分開洗,亦都用一啲專為敏感肌膚而設嘅洗衣粉,直至到依家六歲,我都仍然係用依個做法,因為衣服著上身咁貼近皮膚,一定要小心睇住,真係好驚佢啲濕疹朋友,一嚟嘅話全家都冇覺好瞓都幾淒涼, 都係以不變應萬變為上策。

2016年12月14日星期三

【Iron Man保衛香港】鐵甲奇俠飛行之旅@香港迪士尼樂園

14 DECEMBER 2016(WED)

作為一名迪士尼粉絲,當知道樂園有新設施開時,內心都真係帶點點期待。終於Iron Man嚟到香港啦,我地仲好榮幸可以優先入嚟體驗「鐵甲奇俠飛行之旅」,真係十分興奮呀~

非常感謝香港迪士尼樂園嘅邀請,而且試一玩日子又剛剛好,因為今日剛好係小小豬假期,所以我就可以帶埋佢一齊入園同Iron Man見面呀!

2016年12月13日星期二

【熊仔陪歎Tea】超可愛 皇家奇想曲下午茶

13 DECEMBER 2016(TUE)

朋友係要去見嘅,所以當朋友問我有冇興趣一齊去歎可愛嘅熊仔下午茶,貪玩嘅我就當然即刻二話不說答應啦。既可以充充電,又可以食個可愛下午茶,都幾好玩哦,所以今日趁小小豬返左學之後,就去DK Cuppa Tea歎佢地最新嘅「皇家奇想曲」下午茶啦~
其實DK Cuppa Tea嘅下午茶我都成日聽朋友介紹,每一次嘅主題都係好吸引,有木馬、貓仔、鴨仔....好多都好特別。今次就英倫熊仔為主角,總之就係熊...全部都係熊啦

2016年12月11日星期日

【試用分享】至夠薑嘅老瑤薑洗護系列

11 DECEMBER 2016(SUN)

今個聖誕可以話收到一份好夠薑嘅聖誕禮物,多謝老瑤薑送嚟嘅精美禮盒,既有老瑤薑瑤浴沐浴露之外,仲有最新推出嘅米酵素精華洗髮露,又有機薑茶,真係超級窩心呀~
 
『老瑤薑』係香港品牌,由香港知名「中藥世家」碌柚葉公司按國家級「非物質文化遺產」瑤浴原理,精研六年研製出來,並剛榮得中港發明專利榮譽證書。

2016年12月10日星期六

【聖誕全城HOHOHO】超時空魔幻匯演@海洋公園

10 DECEMBER 2016(SAT)

自上次我地係澳門睇過魔術表演之後,小小豬成日都意猶未盡樣,成日問我幾時帶佢再去睇魔術。終於有機會啦....因為我地今日應邀嚟海洋公園欣賞佢地嘅聖誕重點活動「超時空魔幻匯演」~

今次海洋公園邀請了國際知名魔術大師來港獻技,包括真人騷 - 全澳一叮(Australia's Got Talent) 總決賽入圍者Michael Boyd 及Soul Mystique(TM)。一個國際性嘅表演,真係好值得聖誕嚟欣賞依個咁勁嘅魔術表演呀!

2016年12月9日星期五

【試用分享】Grahams濕疹系列

9 DECEMBER 2016(FRI)

謝謝PetitBonheur送俾我嘅聖誕禮物,其實應該話係送俾小小豬至真,因為依一套來自澳洲嘅Grahams系列係專俾濕疹使用,所以....都係屬於小小豬啦~
 

2016年12月8日星期四

【好味到唔停口】與好友食盡手工薄餅加濃情芝士鍋

8 DECEMBER 2016(THU)

早前大仁叔叔問小小豬有冇興趣去食PIZZA?有得去玩小小豬就緊係鐘意,再加上可以同佢最好嘅朋友仔SY哥哥玩,依個小小豬就當然即刻SAY YES,所以就齊齊嚟PIZZA HUT食餐飽啦~
 

2016年12月7日星期三

【提高免疫力】青紅蘿蔔猴頭菇豬骨湯

7 DECEMBER 2016(WED)

前日係網上見有朋友仔將家常嘅青紅蘿蔔豬骨湯加埋猴頭菇一齊煲,話好味之餘又可以提高免疫力,剛好屋企又買左一包猴頭菇,加上兩位老細青紅蘿蔔湯有一種情義結,所以就買齊材料又試下,睇下係咪咁好飲先~
 
當然係煲湯之前,我都有上網睇過下猴頭菇嘅資料,平日聽就聽得多,原來猴頭菇係好有益。猴頭菇含不飽和脂肪酸,能降低血膽固醇和甘油三酯含量,調節血脂,利於血液循環,是心血管患者的理想食品;而且具有提高肌體免疫力功能;最重要係猴頭菇是一種高蛋白、低脂肪、富含礦物質和維生素,係一種優良食品嚟呀! 

2016年12月6日星期二

【產品試用】位元堂 - 野生蟲草皇強肺通膠囊 用後感

6 DECEMBER 2016(TUE)

話說早係九月時收到位元堂邀請,試用野生蟲草皇強肺通膠囊,唔覺唔覺我都已經服用左2個幾月,仲已經KO左兩大樽啦~
 

2016年12月5日星期一

【試用分享】the SAEM聖誕套裝 - 黃金蝸牛抗皺精華

5 DECEMBER 2016(MON)

一踏入12月就即係開始要為聖誕做好準備,當然聖誕禮物就一定唔少得。作為傻媽嘅我早前就已經收到第一份聖誕禮物,真係未到聖誕就已經勁有興奮啦!

謝謝the SAEM為我送上聖誕套裝 - 黃金蝸牛抗皺精華,等我可以早啲用,以最佳狀態去近接聖誕,陪小小豬去大玩特玩呀~
 
來自韓國嘅the SAEM原來係韓國係好有名氣,佢地仲已經開到第280間分店,而且韓國知名組合SHINee仲成為佢地嘅星級代言人添。

好多韓國大品牌都冇係香港設分店,想買就只可以隔空買貨,不過the SAEM係香港當然都設有門市,可以試過實質感覺先去買,咁就可以用得更加貼心同安心啦!

2016年12月4日星期日

【化身地球戰士】親子綠色聖誕大作戰@挪亞方舟

4 DECEMBER 2016(SUN)

每一個長假期,挪亞方舟都會舉行唔同嘅活動,等小朋友可以邊玩邊學,過一個充實假期。今個聖誕假就當然唔例外,挪亞方舟已經準備左親子綠色聖誕大作戰,等各位小朋友可以一邊玩,一邊學環保。

小小豬今日仲可以優先化身地球戰士,開開心心去玩返轉啦~

2016年12月3日星期六

【秋冬滋潤】鵪鶉雪耳百合蓮子湯

2 DECEMBER 2016(FRI)

秋冬時份,當然要煲多啲滋潤嘅湯水,養陰潤肺更為重要,因為肺部就對應五色食物中的白色,所以秋冬就要多食白色食物,飲多啲白色食材嘅湯就當然可以滋潤肺部,同時又可以預防及舒緩乾燥,所以就嚟應應節氣,煲番個鵪鶉雪耳百合蓮子湯啦~
 
今次我都係第一次煲鵪鶉,成日都聽媽媽級講鵪鶉係好啱小朋友同老人家飲用,因為鵪鶉有"動物人參"之稱,鵪鶉肉是典型的高蛋白、低脂肪、低膽固醇食物,可以補益五臟及補中益氣,而且仲不寒不燥。 想煲好耐,不過依家都真係好少地方有鵪鶉買,不過係我唔打唔撞下係某大有機食品公司見到,仲做緊大特價,一包兩隻都只係$58,所以就即刻買嚟試下啦! 

2016年12月2日星期五

【體驗親子開心入廚】Friso x récolte 微笑鬆餅機

2 DECEMBER 2016(FRI)

小小豬仲乜笑得咁開心?從佢嘅HAPPY FACE可以睇得出佢係好有滿足感,認真講我都好耐冇見到小小豬發自內心嘅笑容,估唔到佢自己有份整嘅薑餅人鬆餅有咁大威力呀...哈哈哈~
 
自小小豬成為小學豬之後,令我最頭痛嘅就係為佢準備小食等佢小息食,平日多數係俾啲餅乾,唔知係咪食慣左,小小豬既然要求想要啲新款式。 

午餐我已經唔可以為佢準備愛心飯盒,所以小息食物都要諗諗計滿足下佢先得,既要佢鐘意食又要得意吸引,都真係有丁點難度。

2016年12月1日星期四

【試用分享】韓國彩妝I'M MEME

29 NOVEMBER 2016(TUE)

唔知由幾時開始,我就越嚟越鐘意扮靚靚出街(其實有邊個唔想靚啲呀,扮靚啲出街可以有多點自信心嘛)!

由之前只係出街塗下BB CREAM,到開始改搽粉底,再到最近開始劃下眼線、唇膏同劃下眉,雖然仍然要有好需要嘅進步空間,不過自覺都幾好呀。

有左多少少信心(多數都係自我感覺良好....哈哈哈),所以當朋友仔問我有冇興趣試用彩妝時我都大膽左,所以今次有機會試下來自韓國I'M MEME嘅眼線同唇膏呀~
 

2016年11月30日星期三

【MyBB試用小隊】Hallmark Babies嬰童裝產品

28 NOVEMBER 2016(MON)

Hallmark Babies依個品牌相信大家都唔會陌生,相信好多小朋友都有著過。當然小小豬都唔倒外,佢由出世開始就已經係用家嚟啦!

原來唔止嬰兒服裝,就連童裝佢地都有推出,今次得到MyBB試用小隊安排,小小豬可以親身感受Hallmark Babies嘅童裝靚衫啦~
 
其實由於細細個嘅小小豬有濕疹都幾嚴重,所以無論飲食同衣著都一定要好小心。

2016年11月29日星期二

【小小科學家的誕生】動感科學園地 - 閃亮聖誕狂熱

27 NOVEMBER 2016(SUN)

科學園雖然我地都真係嚟過好幾次,不過每次同小小豬講我地入科學園參加工作坊,佢都總係超級興奮兼期待,當然啦.....每次嘅主題都唔同,工作坊好玩又學到嘅,所以去幾多次都唔會覺悶。

今次我地齊齊入嚟參加為聖誕而設嘅「動感科學園地 - 閃亮聖誕狂熱」~
 

2016年11月28日星期一

【用濾水器好唔好?】推薦 DIAMOND CORAL 天然濾芯精品水機

23 NOVEMBER 2016(WED)

一日八杯水講就講得多,不過唔知有幾多人真係可以做到呢?好坦白講我地三口子之前都真係做唔到,不過依家可以了。我地之前諗左好耐用濾水器好唔好,DIAMOND CORAL 係唔少朋友推薦嘅牌子,依家朝朝都飲一大杯鹼性水先返工同返學啦~
 
水可以話係我地日常接觸得最多嘅嘢,加上我又好鐘意煲湯水,所以我成日都好想係屋企整返部濾水器,咁可以三口子都飲得更健康。不過坊間濾水器嘅種類都真係好多,多到我都唔知點揀好,始終飲落肚又真係要好認真咁去揀,如果唔係就想健康就變成有害就大件事了! 

DIAMOND CORAL 嘅濾水器好唔好?DIAMOND CORAL 不是一般水機,賣點是以大自然淨水原理製造鹼性水,依個牌子名就真係聽左好耐,而且都有聽朋友講過話唔錯,仲話啲水入口係有點點甜味添。聽落就覺得幾好,不過有咩好得過可以親身免費體驗,所以我就參加 DIAMOND CORAL 60 天免費體驗,試下係咪真係朋友仔講得咁正啦!

2016年11月27日星期日

【自己嘅麵自己整】超好玩出前一丁工作坊

26 NOVEMBER 2016(SAT)

之前聽朋友話自己整杯麵係好好玩,不過上幾次係香港舉行嘅時候都總係夾唔到時間去玩。

多謝公關姐姐邀請,今次可以整自家杯麵之餘,仲可以玩埋全球首間「出前一丁工作坊」,一向貪玩嘅我又點會唔帶埋小小豬嚟玩返轉呀~

其實之前嘅杯麵工作坊都係定時安排係商場作限定活動,不過依家就唔洗等PLAN好時間,因為佢地已經進佔機場童夢城,所以就真係玩得方便左,想係幾時玩都冇問題啦(記得要一早上網BOOK位呀)!

2016年11月26日星期六

【離家出走的一天】帝景酒店主題客房之旅

25 NOVEMBER 2016(FRI)

哈哈哈...今日我地三口子就離家出走......一日咁多,因為我地應邀嚟參加帝景酒店聖誕派對,之後仲體驗左森林主題客房之旅添~
 
其實之前都睇過介紹都知道帝景酒店有好多唔同主題嘅套房,見到朋友仔分享嘅相都好吸引,都曾經有心思思BOOK返間嚟住下。當然依個念頭就一直得個諗字,久久都未有衝勁去成就此事。 

2016年11月25日星期五

【滋陰潤肺】鮮百合印度椰子竹絲雞湯

24 NOVEMBER 2016(THU)

天氣又開始凍凍地,又係時候要煲個滋潤湯水,既可以補補物之外,飲返碗暖笠笠靚湯時,整個人都舒服啲呀!

上次煲竹絲雞湯小小豬都好鐘意飲,加上係果欄買左幾粒靚靚印度椰子,所以今次就煲返個清熱止咳、滋陰潤肺同埋強壯身體嘅鮮百合印度椰子竹絲雞湯~
 

2016年11月24日星期四

【師奶仔情報】Tap & Go「拍住賞」玩《籌期》齊齊贏10萬

24 NOVEMBER 2016(THU)

作為一個唔多精明兼貪玩嘅師奶仔,雖然慳家本事就麻麻,不過都總係會留意下有咩節目可以係玩嘅同時又可以贏到啲私己錢。最新係FACEBOOK好多朋友都SHARE左一個遊戲活動,嘩....有機會可以贏10萬哦,緊係有興趣啦~
 
《籌旗》就係Tap&Go同ViuTV合作嘅直播互動遊戲節目,由12月5日起逢星期一至五,葛民輝就會同我地一齊動腦筋、考實力,晚晚派10萬,總共派200萬! 

嘩...咁吸引緊係好想玩啦,不過係未開始之前,我地就要先做少少功課,就係盡快申請拎Tap & Go卡同埋Download App,因為冇依兩樣係玩唔到《籌旗》。 

咩係Tap & Go卡?我依個大鄉理就當然唔太清楚啦,不過為左玩遊戲贏獎金,所以都上網研究下係啲乜東東先。 

2016年11月23日星期三

【試用分享】Olay全新美國製眼霜

23 NOVEMBER 2016(WED)

雖然我只係全職傻媽,不過作為一名女性嘅內心深處都總係愛扮靚,所以依家去街街都會打扮多少少,咁睇起上嚟個人精神啲又可以有自信多啲嘛! 

想做靚太心態,再加上依排嘅轉季天氣,我都已經加強左護膚,不過點努力都好似去唔到個黑眼圈同眼袋,都真係都有點心傷。就係依個時候收到一套美國原裝生產嘅Olay全新眼霜,睇下可唔可以幫到我先~
 

2016年11月22日星期二

【師奶仔情報】一田購物優惠日

22 NOVEMBER 2016(TUE)

一年一度嘅一田購物優惠日又嚟啦,之前成日見好多朋友都去掃左好多平貨,由於我一田都離我幾遠,所以一直都只得個恨字。 不過今次終於都應該有我份了,事緣我一位好友搬左入沙田,佢自己都話會去掃貨可以順便幫手。

嘩...有得搖控掃貨緊係想啦,所以即刻做功課,上網搵下啲心水先,即刻CAP圖俾朋友仔先(真係多謝朋友仔去掃貨都記得我...哈哈哈)~
 

2016年11月21日星期一

【度身訂做Facial】Beauty Glow色彩能量活膚面部療程

21 NOVEMBER 2016(MON)

依排我真係好攰,係時候都要搵啲方法等我輕一輕,有咩好得過瞓係度就有人幫你按摩扮靚呢。所以今日趁小小豬返左學之後,就嚟到Beauty Glow係銅鑼灣 V Point嘅新店享受一下【色彩能量活膚面部療程】及【50分鐘香薰舒緩身體按摩】啦~
 

2016年11月19日星期六

【CHRISTMAS IS COMING】迪士尼雪亮聖誕

17 NOVEMBER 2016(THU)

今日小小豬都可以話係十級興奮,一早就去參加學校旅行,同成班同學仔玩得好開心。放學之後我地就趕入迪士尼,因為我地要嚟感受雪亮聖誕呀~
 

2016年11月18日星期五

【白色冰雪王國】LEGO白色聖誕@朗豪坊

16 NOVEMBER 2016(WED)

想係香港過一個白色聖誕,其實都唔係好難,因為朗豪坊將變身為「LEGO白色聖誕」,仲有LEGO聖誕老人陪你過聖誕,仲唔係非常興奮~
 
今年朗豪坊依個「LEGO白色聖誕」會展出由超過100萬粒LEGO砌成的裝置,仲有4大影相位,當中仲係首次以1米高嘅LEGO人物做主角添。其實整個裝置係以1:20嘅模型拼砌出嚟,細緻同像真度都真係好有心思呀!

2016年11月17日星期四

【為聖誕節做足準備】玩具“反”斗城聖誕 mega Christmas

13 NOVEMBER 2016(SUN)

雖然仲有一個多月就聖誕節,不過小小豬今日已經感受到好濃厚嘅聖誕氣氛。因為我地今日應邀參加玩具“反”斗城舉行mega Christmas Party,齊齊睇下嚟緊有咩好玩玩具陪我地過聖誕啦~
 

2016年11月13日星期日

【當HELLO KITTY遇上BROWN】華麗舞會Christmas Masquerade@MCP

11 NOVEMBER 2016(FRI)

HELLO KITTY同LINE兩大人氣公仔CROSS-OVER會係點?當然係一個字「正」,絕對啱晒我依個公仔控,有咩玩心得過可以同一時間有兩個公仔集郵呀~
 

2016年11月11日星期五

【我的童年回憶 - 小雲嚟啦】IQ博士35週年反斗狂歡派對@THE ONE

11 NOVEMBER 2016(FRI)
  
今日真係超級興奮,除左係因為小小豬考完試可以去玩之外,仲可以去見我兒時偶像。當知道有機會可以去搵小雲時,真係尖叫左出嚟,所以接左小小豬放學之後,就一箭咁衝去THE ONE,同小雲小寶寶嚟個親密接觸,等我啲童年回憶返嚟呀~

其實我....我....真係.....好...好...好...鐘意小雲(大件事,自爆左自己係咩年代人添),我仲記得細細個時候我都參加過電視台扮演小雲比賽,仲得到第五位。不過因為想當年都唔興影相,又唔識拍片,所以依段回憶就只好留係我自己腦海入邊啦! 

哈哈哈...講返正題先,原來今年都已經係IQ博士35週年,所以The ONE就舉辦「IQ 博士 35 週年反斗狂歡派對」,帶左幻多IQ博士經典人物同大家齊齊慶祝聖誕新年。 

2016年11月9日星期三

【提高免疫力】蟲草花螺頭烏雞湯

9 NOVEMBER 2016(WED)

一過左立冬,天氣就開始凍凍地,又係時候要煲啲比較補嘅湯水,咁先可以提高免疫力。講到補湯就一定諗起烏雞(即係竹絲雞),所以就買齊材料煲返個蟲草花螺頭烏雞湯啦~
 
其實蟲草花嘅功效則和蟲草差不多(當然佢地兩者價錢差好遠啦),兩者都有滋肺補腎護肝、抗氧化、防衰老、抗菌抗炎、鎮靜、降血壓、提高機體免疫能力等作用。而且蟲草花不寒不燥,具有補肺、補腎和護肝養肝的功效。依家啲天氣又好容易病,所以就煲多啲蟲草花,咁就可以增強免疫能力,等病痛都少啲啦! 

另外烏雞含有大量蛋白質,而膽固醇含量極低,是高蛋白、低脂肪的滋補佳品。而且烏雞所含有嘅DHA和EPA物質還可以提高兒童智力,經常食用可以有效調節生理機能,提高人體免疫力。原來係咁有益的,所以真係要煲多啲。 

將有益嘅蟲草花同烏雞,再加埋螺頭一齊煲,仲唔係補益氣血兼提高機體免疫能力,所以真係好啱依個天氣呀! 

2016年11月8日星期二

【營養靚湯】番茄豆腐豬肉碎蛋花湯

8 NOVEMBER 2016(TUE)

雖然老火湯係好飲,不過有時簡單嘅滾湯都同樣好味又有益,就好似今日我專為小小豬而設嘅番茄豆腐豬肉碎蛋花湯,就一次過滿足小小豬三個願望啦~
 
點解會係三個願望?第一就當然係因為小小豬同我一樣都係好鐘意飲湯,一有湯飲佢就開心(當然最好唔係黑卒卒嗰啲啦)。第二就係因為今次啲材料全部都係小小豬鐘意兼有營養,佢緊係食得開懷。最後一個就係....因為依個係小小豬有份提意,佢仲唔係好有滿足感。

2016年11月7日星期一

【試用分享】日本健馬油

7 NOVEMBER 2016(MON)

馬油其實我都一直有用開,過往都有用過同類產品,今次得到公關邀請試用日本健馬油,唔知用後感覺係點呢~
 

2016年11月6日星期日

【大個仔都要坐CAR SEAT?】mifold兒童汽車安全椅

6 NOVEMBER 2016(SUN)

識我嘅朋友都知道我地係好鐘意周圍去玩,因為我唔想成日困住小小豬係屋企,小朋友就係要去戶外跑跑跳跳,咁先係體驗愉快童年。一到假日,我都會安排遠少少嘅行程,因為有DADDY車我地去嘛

小小豬之前都有用BB款CAR SEAT,不過大個仔就已經用唔到了。雖然DADDY都係非常小心渣車人仕,但係行車安全係好重要,只係用車內那條大人安全帶又好似唔多合適所以最後我就經有朋友介紹轉用左專為小朋友而設嘅mifold啦~
 
可能有朋友覺得用車入面條安全帶就可以,但我個人覺得個SIZE其實係唔多啱小朋友,左右兩旁會有好多空間扣唔實個小朋友身體之外,膊頭位置都會好貼面,坐得耐車程都唔多舒服,為左小小豬可以舒舒服服又安全坐車,所以就試下轉用mifold啦! 

2016年11月5日星期六

【BB班廚藝進修】日本雞蛋工作坊

5 NOVEMBER 2016(SAT)

謝謝日本雞蛋輸出部會邀請,我又有機會進修BB班廚藝,去參加「日本雞蛋工作坊」跟料理達人 Kei San 學用日本雞蛋整唔同嘅雞蛋料理。

我依個卡邦尼烏冬都好似煮得幾好呀(自我感覺良好中)~

2016年11月4日星期五

【簡易靚湯】西洋菜肉片湯

4 NOVEMBER 2016(FRI)

行街市見到好靚嘅西洋菜,真係勁有衝動買嚟煲湯。但星期五我又要返小小豬學校做午膳姨姨,要煲老火湯就真係唔多夠時間。

唔可以煲老火湯啫,但用西洋菜嚟滾個方便湯都唔錯,仲可以當埋一個餸,真係慳水慳力,所以就整個簡簡單單嘅西洋菜肉片湯止一止我個心癮啦~
 

2016年11月3日星期四

【試用分享】Hyperbiotics益生菌系列

3 NOVEMBER 2016(THU)

雖然小小豬之前都有服用益生菌產品,不過服用開嗰款都係給比較細嘅小朋友用,小小豬都大個仔,要搵返啲啱佢歲數嘅產品。

就係依個時候收到Hyperbiotics試用邀請,而我又有聽過佢地嘅益生菌產品都唔錯,所以就同小小豬齊齊試下佢地嘅益生菌系列啦~
 
其實我俾小小豬食用益生菌,係因為人體唔可以自行製造益生菌,服用左益生菌就可以有效保持腸道健康,而腸道健康就可以對濕疹及專注力都好有幫助,依兩方面正正係小小豬好需要,所以我都好想俾佢試一試。 

當然食落肚(尤其係小小豬)我都一定要好小心,所以當收到邀請時我都有做下功課,睇下品牌資料先,要我自己安心先可以俾小小豬服用嘛!