體操初體驗

17 JANUARY 2016(SUN)
天氣唔好真係邊度都冇得去，唔多願留係屋企嘅兩母子，幾經辛苦終於說服老公，帶我地近近地去一轉MEGA BOX行下。就係依一個唔覺意，小小豬又有一個新體驗，去體操初體驗呀~




原本我都打算帶小小豬上去PLAYHOUSE玩一轉，不過今日行過七樓見到有個哥哥派氣球，小小豬當然唔執輸去拎返個，原來七樓新開左一間新店，入面有好多兒童體操器材，佢地剛好有一個親子活動自由時間，$200一人一細入去玩一小時。
從外面睇....入面個環境都幾大，種類都幾多哦~

其實我地都有一刻15/16，$200一小時又好似唔太抵，不過....既然預左俾小小豬去PLAYHOUSE玩，不如就試下新玩意，所以就JOIN依個另類PLAYHOUSE啦~

開始玩之前時，負責姐姐會好詳細咁同各位大小朋友講解各遊戲嘅規則~

一話開始可以玩，小小豬就即刻去爬依個搖擺梯~

之後就扮BB坐依個空中搖籃，不過原來依個係俾3歲以下小朋友玩，所以推兩下就走啦~

哈哈哈...嚟玩體操，又點少得雙單槓、吊環依啲呢，當然小小豬又點會好似啲奧運選手咁勁，不過佢都叫做每個項目都HOLD都十幾秒哦...真估佢唔到~


仲學人去跳馬添~

當然唔少得去玩彈床，小小豬真係NON-SOP咁跳，我係旁邊睇都覺得攰呀~

唔識攰嘅小小豬之後就去爬石~

之後就去玩依個人力碌碌車，估唔到依個小小波浪，都可以碌得好快，小小豬話好刺激呀~

BB版嘅平行木又點難到小小豬，佢九秒九就行晒啦~

不過...一到正常嘅平行木時，佢就驚驚青青咁完成，佢嗰個又想玩又要驚嗰個樣，真係笑C人呀~

除左一啲體操器材可以試玩之外，係固定時間會有職員開設啲小遊戲同小朋友玩，哥哥教緊小小豬袋鼠跳~

場內仲有啲大型訓練空間感嘅佈置，等小朋友爬爬下..又碌碌下~

另一個新遊戲又嚟啦，哥哥預備好晒就叫小朋友們去玩。我睇見到好似好好玩，坐係繩索小板上面，飛過去另一邊。有幾好玩....睇小小豬就知，佢好似來來回回玩左廿次有多，唔係另一樣新玩意吸引佢，我估佢都仲繼續玩呀~

有咩吸引小小豬？咪就係佢一入場就想玩嘅滑梯池，睇條滑梯好似冇乜嘢，但其實都幾急，睇啲小朋友玩到好似拋出嚟咁，不過佢地一啲都唔驚，個個都笑住嚟瀡呀~

小小豬瀡到連襪都除左呀~

哥哥最後仲SET埋個搖搖千秋，我地又搖一轉先啦~

坦白講一個鐘又真係有啲唔夠喉，好幾個活動都只係玩得幾次(當然亦有啲係因為小小豬太愛個滑梯同繩索，玩左好多次依兩個遊戲呀)，如果可以玩耐多少少，咁就更加好玩了！
同場加映...原來MEGA BOX中庭都換左新年佈置，好似走左入桃花陣咁呀....哈哈哈~

哈哈哈...提多一件事先，原來依家地庫個停車場都開放左，咁泊車又再方便啲，多啲位就唔洗排咁耐啦！

**我地嘅FACEBOOK FAGE，唔知大家LIKE左未呢？**小小豬的成長日誌
大家一齊嚟交流下煮飯仔及去玩嘅親子樂啦！