2016年2月1日星期一

跟著墾丁食晚餐

31 JANUARY 2016(SUN)

我地食完炒雪糕之後,小小豬就上左天台花園玩,一玩就玩左個幾鐘,又到左晚飯嘅時候,所以就揀左依間台式餐廳食埋我地嘅晚餐啦~




墾丁茶房其實成日都想嚟試下(冇得去台灣...嚟食下台灣嘢頂頂癮先啦),不過次次都大排長龍,唔多鐘意排隊嘅老公當然唔肯陪我排。
 
終於今日早早地嚟食,唔洗點等位就可以食到啦,我地三口子就ORDER左兩個餐同埋一碟卥水拼盤。

 
先嚟兩杯飲品~

老公嘅珍珠奶茶,佢話個茶味夠香濃,珍珠軟硬度適中。我嘅蜂蜜綠茶爆爆珠,茶味都算夠濃,不過亮點就落係啲爆爆珠,邊飲邊食啲爆爆珠,真係勁有口感呀!
 

隨餐附送嘅青紅蘿蔔湯~
餐廳嘅例湯都唔預有啲咩驚喜(都係我自己煲嘅好飲好多),不過如果份量多少少會感覺良好啲,因為兩啖已經KO晒啦!
 

卥水拼盤~
其實一睇佢個色都知道卥得應該唔多夠味,食落就知味道偏淡,真係要有待改善呀!
 

鹽酥豬排香菇肉燥飯~
個鹽酥豬排係唔錯,佢炸得都幾鬆軟,而且熱騰騰咁食都唔錯。不過個肉燥飯相對之下就較為失色肉燥偏咸得嚟份量仲比較少,真係三啖就冇晒啦
 

清酒豬軟骨石鍋飯~
豬軟骨都幾淋身,而且都叫醃得幾晒味,不過就食唔出嗰一種清酒味

最後就係隨餐附送嘅桂花杞子糕~

完全食唔出桂花及杞子嘅味道,唔通今日轉左個甜品?感覺就有啲似啫喱,唔好疑惑係咩時,其實味道都叫可以接受
 
今餐都叫不過不失啦,依間餐廳勝在坐得幾舒服,所以下次都應該會再嚟試下佢嘅下午茶呀



 


**我地嘅FACEBOOK FAGE,唔知大家LIKE左未呢?** 
小小豬的成長日誌
大家一齊嚟交流下煮飯仔及去玩嘅親子樂啦

沒有留言:

發佈留言