2016年3月16日星期三

虎乳靈芝雪耳百合湯

16 MARCH 2016(WED)

依排啲天氣真係令人周身唔舒服,加上我自己又有啲氣管敏感發作,所以就煲左個虎乳靈芝雪耳百合湯,等三口子齊齊增強抵抗力啦~

其實我之前都煲過幾次虎乳靈芝,我地三口子都覺得味道都唔錯呀
虎乳靈芝係唔屬於靈芝科,其實係真菌科嚟,對補益肺氣增强肺都有一定療效。平日小朋友係學校很容易感染傷風感冒,平時飲可以預防傷風感冒、强壯體質同埋增強抵抗力

虎乳靈芝都唔係好貴,我係藥材店買1舊太約係1両,都係$40,我三個人飲用就可以分三次煲啦。買嘅時候就係一舊舊,一般店員都會係我地買左之皈幫我地切片呀~
 
小朋友容易感染傷風咳嗽,所以用虎乳靈芝加埋雪耳、南北杏同埋百合一齊煲有補肺益氣及潤肺止咳嘅功效呀
材料有虎乳靈芝(我買左一,今次落左三分一份量)雪耳一朵南北杏一湯匙百合1兩及瘦肉$40~
 
雪耳浸洗去蒂切細舊、其他藥材浸10分鐘沖淨洗淨汆水備用~
 
煲內放約3L水,待水滾後將所有材料放入煲內,改用中火煲半小時~
 
之後轉用慢火煲約一個半小時~
 
最後加鹽調味就飲得~
 
之前小小豬都好鐘意飲虎乳靈芝湯,今次加埋雪耳一齊,佢就仲更加鐘意,就連煲內嘅雪耳都差唔多俾佢食晒呀!(見佢飲得咁開心,依啲咪就係我嘅動力嚟啦...哈哈哈)

雖然係好飲又有益,依個湯仲非常啱小朋友添過....如果各位大小朋友病緊嘅時候就唔好飲住,要等好番先可以飲啦

另外再提一提大家煲過嘅雪耳一定要即日食/飲晒,如果隔夜,經過一夜嘅浸透,佢就會放出一啲有害物,到時就有益變有害啦!   


**我地嘅FACEBOOK FAGE,唔知大家LIKE左未呢?** 
小小豬的成長日誌
大家一齊嚟交流下煮飯仔及去玩嘅親子樂啦


沒有留言:

發佈留言