2016年3月24日星期四

躍動獵蛋嘉年華@荃新天地

23 MARCH 2016(WED)

基本上每日出街玩都已經成為小小豬係依個假期嘅目標,今日我地應荃新天地邀請嚟躍動獵蛋嘉年華大放電,絕對係小小豬依個假期其中一個重點節目呀~
今次嘅躍動獵蛋嘉年華分別係荃新天地一期及二期中庭舉行,小小豬依個大放電之旅就先係一期開始啦~ 
 
小小豬一到場就已經向「奇趣掘蛋樂」進發,其實之前係其他嘉年華都玩過同類嘅遊戲,所以小小豬經姐姐提一下之後,就已經工程師上身咁,不停係度掘..掘...掘啦~ 
 
之後就轉戰兩個小遊戲「懸浮獵蛋」及「鴨仔逐隻捉」,見佢咁專心都總係有啲原因,咪就係因為射中目標之後,有魚仔餅做小禮物,有得食佢緊係特別專心啦~ 
 
平時我都唔會俾小小豬扭蛋(媽媽們懂的...哈哈哈),所以一見場內嘅「體感夾蛋機」,小小豬就要排隊玩啦~ 

只要向職員出示已「追蹤」荃新天地嘅Instagram 或微信帳戶,職員就會俾一個代幣可以玩啦~ 
 
玩法都好簡單,只需要對住個螢幕控制前後左右,咁就可以夾到蛋蛋啦~ 
 
經姐姐教路之下,小小豬玩一次就可以就夾到啦(禮物就係一包果汁)~ 

一啲咁文靚嘅活動又點可以滿足到小小豬,之後佢就入左去「宇宙小巨蛋」不停狂跳。值得一讚就係小巨蛋入面那位負責姐姐,佢陪小朋友不停跳之外,仲會主動撩啲小朋友一齊拋啲小巨蛋,睇見佢咁認真陪小朋友玩,真係好敬業樂業呀~
 
原本因為早上落雨關係,依個全港首個「逾9米高巨型體感夾蛋機」都一度暫停,好在我地玩左一輪之後,太陽伯伯終於都出嚟,所以我地可以去試下手氣啦~ 

只需要即場捐款港幣$50予香港青年協會,就可以玩一次。坦白講...依個夾蛋機足足有3層樓高,都預左係志在參與一下~
 
不過場內姐姐好有耐性咁教小小豬點控制,終於一次就可以夾到粒大蛋蛋啦~
 
玩左唔知幾多次一期嘅遊戲之後,小小豬就當然係想繼續啦,所以我地就轉戰二期中庭,依度可以話係小小豬更加愛嘅地方,因為有三個大班彈彈床等緊小小豬呀~ 
 
先嚟不停彈彈嘅「空中堡壘」~ 
 
再去「深海奧秘」俾鯊魚食落肚,25呎高嘅充氣瀡滑梯,睇見小小豬來來回回爬上又瀡左唔知幾多次,佢仲話完全唔攰,小朋友真係好精力呀~ 
 
仲有依個「奇幻森林世界」,入面有唔同嘅障礙,睇見小小豬又爬又捐,笑得咁開心就知有幾好玩啦~ 
 
小小豬今日完全係大放電,因為留左係荃新天地都差唔多三個鐘,就連原本計劃好玩完去接DADDY放工都唔記得左啦!

唉....真係好想知道點解佢可以咁有精力,我只係企埋一邊睇佢玩感覺十級咁攰呀,真係完全唔可以睇少小朋友嘅放電能力呀...哈哈哈!


More information :
【荃新天地躍動獵蛋嘉年華】
日期︰3月19日(六)至4月4日(一)
時間︰上午11時至晚上7時
地點︰荃新天地1期、2期及1期花園廣場


Website:http://www.citywalk.com.hk/
Facebook:https://www.facebook.com/citywalk.hk/



 **我地嘅FACEBOOK FAGE,唔知大家LIKE左未呢?**
 小小豬的成長日誌
大家一齊嚟交流下煮飯仔及去玩嘅親子樂啦


沒有留言:

發佈留言