2016年3月17日星期四

「迪士尼花蛋節」春日登場

17 MARCH 2016(THU)

多謝香港迪士尼樂園 & Supermami 嘅邀請,今日依個偽記者又嚟出動了,可以優先嚟花蛋兼感受春日迪士尼嘅氣氛啦~
話晒今年都係迪士尼第一年舉行「花蛋節」,所以除左安排左七十隻花蛋之外,係睡公主城堡前都設計左五個園藝場景,做成一個朋友春日遊園,每一個都好好配合春日氣氛呀~
 
我自己個人就最鐘意MINNIE依一個場位,感覺好SWEET呢,當然亦都因為我係依個位影左張我好鐘意嘅相,所以就特別鐘意依個場景啦~ 

嚟到我地今日最重要嘅行程,就係去搵花蛋啦! 全個樂園內用左大約100隻花蛋嚟做佈置,其中有70隻仲係迪士尼一眾朋友化身而成為「花蛋」,藏在園內七大景區內。想知佢地收埋左係邊?有興趣嘅朋友仔可以參考文章<小小豬反轉迪士尼花蛋節>小小豬帶大家搵齊70隻靚靚花蛋呀!

今次就等我唔知醜咁同大家分享我同啲花蛋嘅靚相先啦,好老實...我好耐都扮靚靚嚟影相,都唔係好醜樣呀不過都要多謝好友用心咁幫我影,有佢技術先可以影得咁靚呀~
 
影完相我地就去參觀《星球大戰》預備班~ 
 
活動上一班小朋友跟住學畫BB-8機械人呀~
 
其實我旁邊睇住都真係覺得BB-8都真係幾難畫,因為都係屬於多步驟嘅構圖,自問我都真係應該畫唔到。不過場內好多小朋友都依住繪畫師一步步畫,好多都畫得唔錯呀~
 
大家都好滿意自己嘅作品哦~
 
跟住一眾小朋友仲可以同星戰白兵集郵呀,我真係好羨慕,我超想同白兵影相,上次入園MISS左個,希望下次可以影到啦~
 
接住就係去參觀《小公主蘇菲亞》之旅,有兩位故事姐姐為小朋友講解蘇菲亞小公主嘅故事,仲同各位參加嘅小公主學習禮儀同跳舞~
 
最後緊係唔少得蘇菲亞小公主同大家影見面影靚相啦~
 
每位參加嘅小朋友仲會得到蘇菲亞小公主紀念品添~
 
花蛋節嘅活動都真係好吸引,有花蛋「猜猜誰‧尋尋蛋」遊戲啱晒各位大小朋友,活動分別啱男孩子同女孩子,真係好細心呀!我個人覺得今次依個花蛋節真係互動十足,所以應該好多朋友仔都會鐘意呀!


More Information :
Website:
http://www.hongkongdisneyland.com/
Facebook:https://www.facebook.com/disneyland.hk



**我地嘅FACEBOOK FAGE,唔知大家LIKE左未呢?** 
小小豬的成長日誌
大家一齊嚟交流下煮飯仔及去玩嘅親子樂啦


沒有留言:

發佈留言