2016年4月8日星期五

超簡單...美白又祛濕 - 檸檬薏米水

8 APRIL 2016(FRI)

依排天氣潮濕得很,當然要煲啲可以祛濕嘅飲品,相信近期大熱都一定係檸檬薏米水,因為簡單幾個步驟就可以煲好,可以祛濕之餘又做到美白,我緊係都煲埋一份啦~

哈哈哈...有幾簡單?只需要將生熟薏米加水煲下,再加檸檬就得可,仲要係冷熱均可,唔係啱晒大家。 

材料:生薏米及熟薏米各一両、檸檬1隻、冰糖適量~  
右邊細粒啲就係生薏米,有清熱利水,美白消腫,祛濕排毒之功效,但較寒涼,所以經期中和懷孕中的女仕不宜喝。

左邊大粒啲啲有啲似爆谷就係熟薏米,熟薏米就即係炒過嘅薏米,可以減去生薏米嘅寒,有健脾作用。所以煲這個檸檬薏米水,生熟薏米各半最好。

將生、熟薏米洗淨,之後浸水最少半小時~
 
由於檸檬煲過後會苦,所以唔可以加埋一齊煲,所以就要先行渣汁待用~ 
 
煲內放入2.5L水,然後加入生、熟薏米~
 
煲滾水之後,加蓋轉小火煮45分鐘~
 
最後就因應個人口味加入適量嘅冰糖,再煲多15分鐘~ 
 
熄火後加入檸檬汁~ 
 
攪勻後就可以飲得啦~ 
 
用左後加檸檬汁依個做法又真係好飲好多,起碼連小小豬都主動飲多幾杯。

其實如果唔受得檸檬,可以改用橙汁/青檸檬,都一樣可以我個人建議凍飲係仲好味,大家可以雪凍一支支,出街時都可以帶去飲,咁就可以隨時有自家制健康飲品呀!

溫馨提示:藥材依方面都係好因應個人體質,所以記得煲之前了解下自己,或者問下相熟藥材店職員,依個藥方啱唔啱自己飲呀



**我地嘅FACEBOOK FAGE,唔知大家LIKE左未呢?** 
小小豬的成長日誌
大家一齊嚟交流下煮飯仔及去玩嘅親子樂啦

沒有留言:

發佈留言