2016年4月6日星期三

寧靜舒服中的美食@KC Cafe

6 APRIL 2016(WED)
 
朋友係要見嘅,所以定時定候都要約下朋友仔出嚟傾下計,人都醒神啲啦!今日帶左小小豬返學之後要出太古城買嘢,所以就同好友去KC Cafe係太古新開嘅分店,陪我HEA一陣啦~
 
我之前都同小小豬去過KC Cafe係觀塘嘅總店,小小豬對一系列Line公仔擺設都愛不措手,仲成日叫我帶佢再上去搵熊大食Tea。

不過原來太古依間分店就型格為主,以木系裝修為主題,整個環境都好舒服呀~
 
而且仲有一小時FreeWiFi提供,好貼心呢~ 
 
我嘅OREA沙冰 -入口就有好香濃嘅OREA味道,而且甜度適中,味道唔錯~

朋友仔嘅Grain Shake - 其實就係集幾麥類材料混合,係一杯健康嘅飲品,我都有試飲少少,個味道又幾特別,入口好清新,而且甜度都好適中,下次我都要再飲依杯先得~

忌廉蜜糖吐司~ 
 
烤焗時間剛剛好,所以厚厚嘅吐司加上香甜嘅蜜糖,食嘅時候加少少忌廉,一次過食左三個層次

泡菜紫菜飯卷~
 
依個真係可以話係我推介之作,係紫菜飯入面加入一片片嘅韓國泡菜,連同其他食材一齊食,帶出唔同嘅口感。另外由於以韓國泡菜為主,所以食落帶點辣,但又不會確喉,所以好剌激呢!

火腿煙肉紫菜飯卷~
雖以火腿及煙肉為主,但明顯加重了生菜的分量,所以更加可以帶出麻油及芝麻嘅香,同時間亦新清不少。我除左堂食之外,仲外賣多一份俾小小豬放學食,依個為食豬一離開學校就已經忍唔住要開餐,仲要唔洗十五分鐘就食晒,仲話勁好味添...哈哈哈!

秘製韓式雞翼~
 
其實初初送到時我見顏色都唔係太深,仲估都應該冇乜特別。不過一入口就知道個利害,雞肉好嫩滑之外,嘅一陣由雞肉慢慢帶出嘅辣味,真係唔講得少,辣得好入味,完全會推介俾愛辣嘅人仕呀!

開開心心又同朋友仔茶聚一返,環境舒服加上啲食物又唔錯,所以相信九月開始我都應該成日會上嚟打躉了!


**我地嘅FACEBOOK FAGE,唔知大家LIKE左未呢?** 
小小豬的成長日誌
大家一齊嚟交流下煮飯仔及去玩嘅親子樂啦


沒有留言:

發佈留言