2016年4月15日星期五

脆卜卜德國菜@Prost by King Ludwig

15 APRIL 2016(FRI)

因為好姊妹話係美麗華廣場開左間新德國菜,好想去試下傳說中脆卜卜嘅德國燒豬手,就係咁..我又有得去威威啦~
餐廳入面環境又幾好,靜靜地得嚟又帶點氣氛,所以都幾啱我地嚟談心哦(相信全場最嘈都係我地啦...哈哈哈)~ 

 
先嚟一杯特飲Sapphire Punch - 超香嘅菠蘿汁再加上青檸汁、估唔到兩者又幾夾,而且又唔算太甜所以都非常解渴呀~

海鮮德國啤酒湯 - 其實我都唔係愛好飲酒嘅,所以見到用啤酒來煮湯,都有點驚會唔啱我飲。不過原來都係我自己嘅想法,因為一送上就已經聞到好香濃嘅啤酒香味,但入口就少左嗰一份啤酒嘅"確"喉湯入面仲有三文魚、青口及大蝦,好足料呢估唔到啤酒嘅麥香再加埋啲海鮮,又幾夾哦~
 
黑森林風腿的德式風味脆烤餅 - 其實我自己本身都幾鐘意食烤餅,所以我好似都食左大半碟脆的餅底再加上爽軟風乾腿,非常惹味呀~
 
煙燻三文魚希靈魚拼盤 - 單看賣相都已經好吸引,最得我歡心就當然係中間那小蛋糕,原來係用紅菜頭和蛋白做成,真係清新得嚟又好健康呀~
 
蔬菜意大利意粉配香草醬 - 以蔬菜再配以香草醬汁,配搭又的確幾健康,如果份量可以多少少,我想會更加吸引呀..呵呵呵~
 
終於到等到我地最期待嘅脆皮燒豬肘配酸椰菜和薯仔,好大隻嘅燒豬手
 
店員真係好貼心,等我地相機食完之後,就會幫我地切開見佢三兩下手腳就完成啦~
 
外皮燒到脆卜卜、但入面啲肉都仲係好嫩滑,味道都好入味,我覺得唔點任何醬汁原汁原味咁食就係最正~
 
唔好漏左個豬手皮,燒到脆卜卜,真係好有咬感呀~
 
最後當然就係甜品時間,先嚟鮮焗特濃朱古力配呍喱嗱雪糕 - 雖然是特濃朱古加,但唔會有嗰一種苦味,再加點果仁在內,口感及味道都太吸引了~
 
德式焗蘋果卷伴呍喱拿醬 - 面頭的酥皮很脆口,而且內有好多蘋果肉,足料得嚟又唔會好膩~
 
多得好姊妹介紹,今晚食得好滿足,又傾得好舒暢,全職傻媽就係需要食啲時間嚟叉叉電,先再有力量回家同隻百厭豬作戰呀


**我地嘅FACEBOOK FAGE,唔知大家LIKE左未呢?** 
小小豬的成長日誌
大家一齊嚟交流下煮飯仔及去玩嘅親子樂啦

沒有留言:

發佈留言