2016年6月30日星期四

【親子沖繩體驗之旅】四日三夜玩什麼?

 30 JUNE 2016(THU)

小小豬都真係幾水皮,因為佢成五歲仔都係未去過旅行,不過終於有機會踏出第一步,第一次搭飛機目的地就係去沖繩啦~
  

其實原本我地都打算趁小小豬升小一前嘅暑假,同佢去一轉旅行,等佢可以見識一下之餘又可以玩下,輕輕鬆鬆咁玩完先過佢嘅小學生涯。

不過我地嘅計劃就提早左,因為我地三口子非常榮幸,可以得到美素佳兒邀請,參加四日三夜親子沖繩體驗團。

當我收到邀請時都真係興奮得唔識形容,當知道詳細資料之後簡直係非常期待,因為我地嘅行程都有美素佳兒工作人員為我地準備好晒,我真係負責執行李就可以出發啦

2016年6月29日星期三

【玩BOARD GAME好過玩手機】樂在棋中分享會

29 JUNE 2016(WED)

我自己真心係好鍾意玩桌上遊戲,所以都好支持佢地嘅活動,今日同小小豬應邀嚟參加樂在棋中分享會,對小小豬嚟講就真係十級興奮,因為佢真係好鐘意玩呀~

樂在棋中活動其實我都唔係第一次參加,先多謝佢地每次有得玩都預埋貪玩嘅小小豬。當然因為佢地係社企公司,有意思嘅機構當然要支持。

同時亦都因為熟我嘅朋友仔都知我絕少俾小小豬打機同埋睇電視,因為好唔想佢電玩成癮。同佢一齊玩桌上遊戲,既可以有一個優質嘅親子玩樂時間,又可以學習規 則,學習不要著重輸贏,參與遊戲的都一定可去到終點,只係差遲或早。就好似象徵只要肯努力,不放棄的話,就一定可以去到終點。輸贏不是最重要,最重要係玩 樂過程,及遊戲中要有體育精神。

2016年6月28日星期二

【甜甜地易入口】小朋友版消暑茶

28 JUNE 2016(TUE)

剛剛外遊回港,身心都仍然未想去煮飯,不過今日我都要去執藥材去煲涼茶俾小小豬飲,因為連續曬左好幾日,要飲返啲涼茶去消消暑先得呀~
 
其實小小豬真係非常需要消暑,回想返佢上星期五係迪士尼做下小武士時個疑似中暑樣,都真係幾驚嚇(好在休息一陣就冇事,最後仲盡興而回)。另外我地去沖繩玩嗰幾日陽光又十分之好,所以一返香港第一時間就煲啲消暑茶俾小小豬解一解暑啦! 

原本我都打算煲傳統嗰啲冬瓜消暑茶,不過根據過往經驗,小小豬都係喊住咁飲,因為嗰一啲藥材味小小豬唔鐘意嘛!

同藥材店店主傾開,佢就介紹左我煲依個小朋友版消暑茶,雖然係冇傳統嗰啲功效咁強,不過對小朋友嚟講已經係好足夠,最重要係.....入口唔難飲,小朋友實唔抗拒。

2016年6月23日星期四

【星球大戰™:入侵明日世界】小小豬變身小武士

23 JUNE 2016(THU)

早前我參加星球大戰™傳媒預告活動時,知道明日世界一系到新嘅玩樂設施都已經覺得好興奮,好想快啲入去感受星戰氣氛。期待左咁耐,終於可以同小小豬齊齊嚟 玩。謝謝香港迪士尼樂園邀請,我地嚟參加「星球大戰™:入侵明日世界」派對,可以優先去「絕地聖殿武士特訓」扮小武士,絕對係過左奇妙及興奮的一天~
 

2016年6月22日星期三

【抒發情感】一隻豬仔的回憶

21 JUNE 2016(TUE)

我對小小豬真係可以話係又愛又恨,佢做乖孩子再加埋佢嗰啲甜言密語真係冧到我暈得一陣陣當然佢激亦都有激到我半C嘅時候每個階段都有開心有激心之時,不過回想起我都係鐘意俾我"搓圓禁扁"嘅時候...哈哈哈~
 

2016年6月21日星期二

【免費學習又浸SPA】T PARK 「源‧區」

19 JUNE 2016(SUN)

近期每事問嘅小小豬最近俾左個難題我地:我便便完之後沖去邊?洗完白白啲水係咪會流出大海?咁個大海咪好污糟?一大堆我唔識解答嘅問題真係考起。 

剛好依個時候收到T.PARK「源‧區」邀請,可以又有專人解答小小豬一眾疑問,我當然係即刻應邀出席啦~
 
位於屯門的T.PARK係實踐「轉廢為能」污泥處理廠,一個100%自給自足嘅環保園區,可以高溫燃燒方式每日處理高達二千公噸污泥,減少堆填區負荷同時,又可以焚化污泥再變能源,變回電力,完全係達到「轉廢為能」呀!

2016年6月20日星期一

【鬧市中的單車樂】九龍城賈炳達道公園單車徑

18 JUNE 2016(SAT)

自上次我地去左將軍澳南海濱長廊踩單車,小小豬成日都讓著要我地再帶佢地踩單車不過之後嘅天氣都一直唔好,所以都未能成事。終於見今日天氣都幾好,見我地出開九龍城活動,所以就近近地嚟賈炳達道公園單車徑,一解小小豬想踩單車嘅慾望啦~
出門口時真係陽光勁好,到我地參加完活動之後先發現原來曾經落過雨,一見地面上有濕濕地時,小小豬都有丁點失望。但我見天氣都唔錯,太陽伯伯已經出返嚟,再加上地上水氹又唔算好利害,只要我地慢慢踩都應該係唔會有問題。所以我地就向賈炳達道公園單車徑出發啦! 

其實依個單車徑我地都唔係第一次嚟,早係小小豬細細個兩歲多時都已經嚟玩,不過嗰時就係坐DADDY車尾,冇得自己踩,依家大個仔就可以嚟自己踩。 

嚟賈炳達道公園單車徑都真係幾方便,係九龍寨城公園同九龍城廣場旁邊,而且入口就係大路旁,所以絕對係一個鬧市中可以享受單車樂嘅好地方呀!

2016年6月19日星期日

【越污糟越快樂】Artistic Mess X Ludus Club

18 JUNE 2016(SAT)

小小豬仲乜攪到成隻污糟咁呢....其實依隻污糟係玩得不知幾開心,因為今日帶左佢嚟參加Ludus Club嘅Artistic Mess活動,即係「污糟」藝術工作坊呀~
 
就好似之前我講過,小小豬真係一個零畫畫興趣同雲藝術天份嘅小朋友,雖然我都曾經有帶佢去參加下啲畫班,不過始終都係未遇到位老師可以幫佢增加依個畫畫興趣。

另一原因就係我唔想做怪獸家長去迫佢做啲佢完全唔鐘意嘅嘢,所以我都冇再好刻意咁同佢出去上興趣班,平日係屋企同佢做多啲同畫畫有關嘅活動,希望可以慢慢幫佢改善。

2016年6月18日星期六

【芝麻街嚟啦】Sesame Street Live - “Make a New Friend”

17 JUNE 2016(FRI)

嚟緊七月一至三日又可以連放三日假期,唔知大家諗好左同小朋友去邊未呢?如果未就可以參考我其中一個會帶小小豬去嘅活動,就係我地三口子將會去睇全新芝麻街音樂劇 “Make a New Friend”呀~
Picture

其實自上幾次帶過小小豬去睇小白兔..小烏龜音樂劇之後,佢都好似幾鐘意,仲成日問我幾時可以再去睇。不過那機構公演嘅三套音樂劇小小豬都已經睇晒,雖然話係鐘意,但都唔可以再睇同一套嘛,所以一直都未有再帶小小豬去睇。

剛好最近朋友話我知《芝麻街》將會公演,而我地時間又可以夾到,所以就陪小小豬一齊去睇,等佢開心下啦! 

2016年6月17日星期五

【米都可以變甜品】米飯班「煮」齊齊整

15 JUNE 2016(SAT)

謝謝BK Milk邀請,今日我地放學之後轉戰PMQ因為小小豬有個小任務,就係去跟 Andy哥哥學整RICE BURGER & RICE PUDDING,小小豬嘅大作都唔錯呀~
 
其實我地今日依個任務係PMQ嚟緊「夏日微旅程 - 童行同感」入面其中一個環節 - 米飯班「煮」內嘅活動。小小豬要跟Andy哥哥學整RICE BURGER & RICE PUDDING,其實初時小小豬都問....米飯係一碗碗咁,點可以做食物呀?仲要做布甸,點可以呀?

哈哈哈...我想好多小朋友都係依個想法,所以PMQ就舉辦依個活動。等小朋友對我地平日最熟悉嘅食糧可以有更加了解,一齊聽聽米嘅來源、形態、配搭。同時又可以將米轉化成新奇小吃,原來米都可以用嚟做甜品呀!

2016年6月16日星期四

【排毒保健】栗子牛篣豬骨湯

14 JUNE 2016(TUE)

牛蒡我就鐘意用嚟焗茶,係煮食群經見有媽媽介紹用新鮮牛蒡用嚟煲湯,見好似幾好味之餘又唔係好難煲,所以又嚟試下煲栗子牛篣豬骨湯啦~
 
其實牛蒡功效都好似幾廣,可以防癌、排毒、降低膽固醇,仲可以清理血液入面嘅垃圾,促使體內細胞的新陳代謝,防止老化,美肌及消除色斑及黑褐斑等等。而栗子就有養胃健脾及補腎壯腰,所以兩者加埋一齊煲就係可以排毒保健啦!

2016年6月15日星期三

【好味食唔停】薑蔥鮑魚煲

14 JUNE 2016(TUE)

小小豬唔食得海鮮,不過鮑魚就例外,佢仲不知幾鐘意食添。所以每次返公公屋企食飯,就一定有係鮑魚(公公幾錫依個百厭豬),次次都果皮清蒸,所以今日就攪攪新意思,整左勁香口嘅薑蔥鮑魚煲呀~
 
其實鮑魚都真係唔難煮,我次次煮果皮蒸鮑魚都真係好快KO,見大家食得咁開心,我都好有滿足感呀!

不過好味食得多都會有悶嘅一次,所以都要攪攪新意思先得,為左令大家食得更加開心,我就上網搵下食譜,最後見依個薑蔥鮑魚煲簡單得嚟又好似幾好味,所以就決定試下煮啦!

2016年6月14日星期二

【酸酸甜甜家常菜】鎮江骨

14 JUNE 2016(TUE)

之前煮鎮江醋雞翼時仲有大半支鎮江骨汁,當然就唔好浪費,繼續煮新菜式用埋佢。上網搵食譜時見有朋友仔介紹,所以就決定試下整酸酸甜甜嘅鎮江骨啦~

2016年6月13日星期一

【產品試用】慈禧「美嫩大浴」沐浴乳

12 JUNE 2016(SUN)

早前收到公關姐姐送嚟嘅最新推出沐浴露,將慈禧秘方中最具美白功效成份研集成為慈禧「美嫩大浴」沐浴乳,讓大家都可以擁有慈禧的美白秘方~

2016年6月12日星期日

【免費體驗】VR父親節派對

11 JUNE 2016(SAT)

今日帶小小豬去上畫畫堂之後,我地就去九龍城廣場打算食午餐,無意中發現為左慶祝父親節,佢地有三個唔同種類嘅遊戲俾人免費體驗,有得玩我地當然唔放過,所以食飽飽之後就去玩啦~
 
其實VR之前係APM都見到有得玩,不過一見到要百幾蚊玩幾分鐘,真係好唔多抵,再加上一向我地都少俾小小豬接觸電子遊戲活動,所以就當然冇去玩啦。

2016年6月11日星期六

【Ludus Club初體驗】快快樂樂去畫畫

11 JUNE 2016(SAT)

小小豬真係一個零畫畫興趣同藝術天份嘅小朋友,雖然我都曾經有帶佢去參加下啲畫班,不過始終都係未可以增加依個畫畫興趣。應邀嚟到Ludus Club參加Colourful Classics Workshop,希望等小小豬試下唔同嘅畫班,可以對畫畫有多啲興趣啦~

由於家長唔可以進入課堂,所以今日嘅課堂都係靠放學後小小豬話俾我知,同埋老師講小小豬表現俾我知,我先大約了解今日學左什麼。 

2016年6月10日星期五

【簡易家常菜】鎮江醋雞翼

10 JUNE 2016(FRI)

每晚諗煮咩餸都係一件頭痛事,唔想成日都食埋差唔多嘅食物,唔好話小小豬,就連我都有點悶。難得今日小小豬返學前主動提意食雞翼,咁我就即刻上網搵食譜,終於就決定試下依個酸酸甜甜嘅鎮江醋雞翼~
 
其實煮雞翼我都係煮得幾密,當然係因為小小豬勁鐘意食,基本上佢一個人仔可以最多食四隻,真係仲多過我呀!

另一個原因就係雞翼真係好易煮,同埋配搭又多元化,最啱我依啲偽大廚扮勁嘛...哈哈哈!

2016年6月8日星期三

【夏天消暑解毒不二之選】香草海帶綠豆沙

8 JUNE 2016(WED)

由於尋晚打尖煮左我至愛嘅蜆之後,今晚就聽大老細話煮左香草海帶綠豆沙俾佢地兩父子食,第一次煮嚟講賣相都唔錯啦~
 
其實大老細要求我煲綠豆沙都係為左小小豬,綠豆有清熱袪火、有利袪濕之外,仲可以改善皮膚濕癢、青春痘、濕疹等症狀。加埋海帶同臭草一齊煲就更加可以清熱解毒,而且仲係夏天解暑糖水之一。 

其實我今次都係第一次煲,之前都聽人講係好難成功,因為煲得唔起沙咁就真係唔好食。不過一聽到對濕疹好,為左小小豬我就即刻去搵食譜,買齊材料煲俾佢地兩父子食啦。 

係呀...只係佢地兩父子食,因為綠豆都係一種比較寒涼嘅食材,之前試過食完之後都有少少暈,所以我都真係唔敢食啦! 


2016年6月7日星期二

【零失敗簡單美食】海帶蘿蔔蜆湯

7 JUNE 2016(TUE)

早幾日買左啲海帶打算整綠豆沙,冇意間俾我搵到依個食譜,即刻心心眼,因為有我至愛嘅蜆,同埋有啖滾湯食飯時飲下啱晒依家悶熱天氣,所以即刻煮依個海帶蘿蔔蜆湯啦~
 
其實海帶我地間唔中有食,就好似去日式餐廳飲麵豉湯就一定會食到,依個小小豬真係完全唔浪費,少少嘅一片佢都唔放過呀!

食就食得多,不過我又真係好似冇煮過,因為成日以為海帶都係啲難處理嘅食物。 

不過原來都係好簡單,只係煮前浸一陣15-20分鐘就可以,原來海帶仲可以提高免疫力、降壓及排毒,唔係上網搵食譜都唔知原來係有益呀! 

2016年6月6日星期一

【清熱解毒】赤靈芝羅漢果茶

6 JUNE 2016(MON)

早前朋友仔送左包有機赤靈芝片俾我,我諗左好耐都唔知用嚟煲咩好,最後就請教藥材店嘅店員,佢就教我簡簡單單咁用赤靈芝加羅漢果嚟煲茶,咁就已經係清熱解毒,我當然就即刻返屋企煲啦~

赤靈芝屬性平,有助養心安神、補益氣血、止咳平喘、改善食欲不振及消化不良。雖然有用途好廣亦都係好有益,不過就味 道帶點甘苦,所以直接焗茶煲水飲就比較難入口。所以就可以加入羅漢果一起煲,因羅漢果本身有甜味,可以中和個味道。

赤靈芝羅漢果茶就既可以清熱解毒,亦對肝臟好,更加可以增強身體免疫能力。

2016年6月5日星期日

【懷舊一番】香港歷史博物館內的小茶室

4 JUNE 2016(SAT)

今日Daddy帶我去一個懷舊嘅地方,大家估唔估到依度係邊度嚟呢~
 
其實今次我地呢度都係無心插柳,事緣我地去科學館玩,有隻爛玩豬玩到唔捨得走,既然佢咁鍾意就俾佢繼續玩。但係有隻 豬仔玩玩下又話好肚餓,但係又話未玩夠,唔想離開科學館,最後我地就聽科學館職員介紹, 近近哋過去香港歷史博物館間餐廳食個下午茶先,之後再返去玩多一轉科學館。 

原來買左日票嘅話,只要手上蓋個小印章,就可以一日內不限次數進出科學館, 咁我地就可以食飽飽之後再玩啦!

2016年6月4日星期六

【雜物救星】迷你倉。一網全搜

4 JUNE 2016(SAT)

今朝早出街買完餸返屋企,真係驚左一跳,見到一袋兩袋嘅雜物拎晒出嚟,老細話要將屋企大執位哦~

我一見啲雜物拎晒出嚟,又真係頭都痛,點解屋企都只係有三個人,可以有咁多雜物呀!唉....冇辨法啦,屋企又唔可以變大,但隨著小小豬越嚟越大個仔,要用嘅嘢就真係越來越多,同時佢細細個嘅玩意衫仔又好有紀念,我都唔捨得拋棄,所以就有咁多一袋兩袋。 

其實係好耐之前都有考慮過租個迷你倉擺晒啲雜物入去,咁屋企咪可以變返大啲啲。奈何我自己唔太識,所以就叫老細去搵啱用嘅迷你倉,但佢次次都總係拖住我,拖拖下就冇左件事。 

2016年6月3日星期五

【產品試用】holista全效TTO茶樹油 & webber naturals 兒童奧米加 3

3 JUNE 2016(FRI)

謝謝香港經濟日報集團成員 - 樂本.健,特別為我同小小豬挑選左兩件啱我地用嘅健康產品,分別係 holista全效TTO 茶樹油及webber naturals兒童奧米加 3~

2016年6月2日星期四

【惹味之作】蜜糖香草煎豬扒

2 JUNE 2016(THU)

老細成日都話我煮嘅豬扒冇新意,就係佢依一句說話,我就好努力咁研究,終於就煮左依個非常惹味嘅蜜塘香草煎豬扒~

其實講起都有點難為情,因為我啲醃料早係肥豬做節目時,睇見佢成日用迷迭香、百里香同埋番荽,所以我都去買定啲打算跟佢煮。

不過....買左咁耐都係等到今日先用到,因為我成日都覺得醃豬扒係要一早醃咁先會入味,之前時間唔太夠,所以咪多數買現成嘅啦(又嚟俾懶惰藉口添)! 

2016年6月1日星期三

【星球大戰™:入侵明日世界】傳媒預告活動

1 JUNE 2016(WED)

謝謝香港迪士尼樂園邀請,今日參加左「星球大戰™:入侵明日世界」預告活動,我都覺得非常吸引,好想快啲可以玩亞洲獨有嘅《星球大戰》主題項目呀~

其實當明日世界由飛越太空山作特備活動進行準備工作而暫停時,相信好多迪士尼FANS(尤其係星戰迷)都一定好期待,好想知星球大戰版嘅明日世界會變成點。