【Ludus Club初體驗】快快樂樂去畫畫

11 JUNE 2016(SAT)

小小豬真係一個零畫畫興趣同藝術天份嘅小朋友，雖然我都曾經有帶佢去參加下啲畫班，不過始終都係未可以增加依個畫畫興趣。應邀嚟到Ludus Club參加Colourful Classics Workshop，希望等小小豬試下唔同嘅畫班，可以對畫畫有多啲興趣啦~

由於家長唔可以進入課堂，所以今日嘅課堂都係靠放學後小小豬話俾我知，同埋老師講小小豬表現俾我知，我先大約了解今日學左什麼。 

原來佢地每一堂都以一個藝術家為主，外藉老師會先俾與藝術家有關的片段等小朋友了解下他的生平~

 

之後就同小朋友講解藝術家作品，就開始畫啦~ 

 

其實第一個感覺就係.....講解藝術家哦，小小豬會唔會聽唔明呀。但原來我都真係過份擔心，因為小小豬都真係好似明明地，仲一放學就話我知今日依位藝術家係邊個，仲講到似層層咁呀(當然到最後佢都係唔記得左依位藝術家個名....哈哈哈)~

 

老師幫我影左少少相，估唔到小小豬又好似幾專心~ 

 

真係好少見佢拎住支畫筆唔係喊咁口哦...呵呵呵~ 

 
其實係小小豬上堂嘅時候，我都有八八卦卦咁周圍行，原來Ludus Club又真係幾利害，佢地平日係一所幼稚園，但就可以話係非一般幼稚園，因為佢地依以活動教學為主，完全唔會谷學生，仲要題材都好特別。 

好似近日教中國文化，佢地真係會將課室以中國特式做佈置，最驚喜係仲有一個中藥材，等小朋友作多方面認識呀~

 

每一個活動教學課室都好大呀~ 

 

我就最鐘意個圖書館，好舒服嘅環境，小朋友一定好鐘意係入面睇書呀~ 

 

另外大部分書本都係校長自己嘅私人珍藏，好多都已經絕版，可以想得到校長真係好愛錫小朋友呀~ 

 

仲有個畫室都好特別呀~

 
一小時嘅時間過得好快，唔到小小豬一放學衝出嚟係同我講....MaMi, 今日我畫得好開心，好想快啲再嚟呀。其實聽到都有少少感動，因為小小豬真係冇乜幾可係同我講鐘意畫畫，所以都真係有一刻想同佢報名，不過都要等DADDY 夾下時間先，如果就到都好想嚟俾佢學下，希望老師可以幫佢增加依個畫畫興趣啦！


More information :
Website：http://www.ludusclub.com/index.php
Facebook：https://www.facebook.com/ludusclub.kidz/

**我地的FACEBOOK PAGE，齊齊來交流親子。育兒。烹飪啦**