2016年7月30日星期六

【榴槤控懂的】榴槤BB任食榴槤品鑑Party

30 JULY 2016(SAT)

放題食得多,今日搞搞新意思,去「榴槤BB任食榴槤品鑑Party」,食榴槤放題呀~
 
其實我都唔算係太沉迷食榴槤嘅人,不過一次過可以食到咁多唔同品種嘅榴槤,坦白講都真係幾吸引㗎 所以就嚟試下啦! 

2016年7月29日星期五

【滋潤祛濕之選】無花果雪梨薏米水

29 JULY 2016(FRI)

小小豬唔知做乜依幾日個咀角爆擦,係呀....正常都係應該秋天先會爆擦,唔知點解佢咁奇怪炎炎夏日嚟爆。

緊係啦,依隻豬仔平日都唔算多飲水,加上身體又成日出汗,所以整個人都唔夠水,所以就煲滋潤祛濕嘅無花果雪梨薏米水俾隻豬仔潤返下啦~  
無花果我多數用嚟煲湯,用嚟調味為主。不過原來用嚟做主角都一樣係好正,因為無花果係好益,可以補血氣、強體質、滋潤喉嚨、幫助皮膚鎖水、祛水腫 同埋潤腸減少便秘。 

無花果再加埋雪梨就夠晒滋潤,再加埋薏米一齊,就可以有埋祛濕同祛水腫,真係飲完可以即刻潤返晒,飲完仲唔即刻靚返晒。

2016年7月28日星期四

【Eat Is Your Life】Oliver's Super Sandwiches新店開幕禮

26 JULY 2016(TUE)

謝謝Oliver's Super Sandwiches邀請,今晚我地兩母子齊齊去參加佢地位於APM新店嘅開幕禮~

其實APM依間Oliver's Super Sandwiches我地之前都成日嚟,因為小小豬好鐘意食佢個酥皮湯同白汁三文魚意粉,佢真係次次嚟到一定ORDER依兩樣。不過由於要嚟個大變身,所 以上幾次嚟見到圍住板,小小豬都有丁點失望,今次帶埋佢嚟重新裝修嘅店鋪,仲唔即刻變返開心豬。 

今次Oliver's Super Sandwiches APM新裝修依以時尚英倫格調,設計師從英倫NEIGHBORHOOD SANDWICK文化中取得靈感,以當代新英倫崇尚簡潔的設計風格,打造出時尚英式輕食三文治的感覺,貫徹品牌「Eat Is Your Life」的健康飲食概念。 


2016年7月27日星期三

【試玩專員出動】玩具反斗城夏日大熱玩具

25 JULY 2016(MON)

小小豬真係一個好幸福嘅小朋友,因為除左屋企人之外,亦有好多人都好鍚佢。早前就收到玩具"反"斗城送俾佢嘅大禮物,就係其中三款至HOT「夏日大熱玩具」,全部都係車仔,真係啱晒車仔控嘅小小豬~
 
好玩嘅玩具又點止小小豬今次收到依三樣呢? 其實玩具"反"斗城為左依個夏天,精選左多款人氣玩具登場,好似有《爆旋陀螺》、《LEGO Nexo Knights》、《海底奇兵2》》、《Pet Pet當家》等等之外,仲為小朋友精心挑選左十五件至HOT「夏日大熱玩具」,實行等各位大小朋友齊齊過一個開心暑假呀! 

好啦....就等小小豬依個試玩專員同大家分享佢依三份好玩玩具先啦!

2016年7月26日星期二

【一日可以環遊世界】挪亞方舟 玩轉開心地球村

24 JULY 2016(SAT)

自沖繩之旅後,小小豬成日都問我幾時再去旅行。見佢咁鐘意,好啦就等我帶佢一次過環遊世界啦! 哈哈哈....其實我只係帶左小小豬入挪亞方舟玩佢地最新嘅活動「玩轉開心地球村」呀~
 
其實挪亞方舟每一個節日都會有唔同主題活動,今個暑假佢地就安排左一連串與世界各地嘅風士人情有關嘅活動,等小朋友可以邊玩邊了解國家嘅特式呀!

同之前幾次一樣,只要購買入場卷後,每位小朋友就可以係入場時均獲派「活動通行證」,只要根據自己嘅興趣,依照場內派籌時間拎玩樂貼紙就可以玩,如果時間計算得好,應該可以玩晒大部分嘅遊戲添。 

2016年7月25日星期一

【地質公園初體驗】探索萬宜地質步道

22 JULY 2016(FRI)

我地參加左L'hotel地質公園遊住宿計劃,除左入住一間好舒服嘅套房之外,最主要同埋最吸引我嘅活動,就一定係可以到東壩地質公園參觀,探索萬宜地質步道嘅海蝕洞,依一個行程絕對係令我同小小豬大開眼界呀~
 
其實我地嘅行程都幾豐富,既去火山探知館睇左啲歷史同對了解六角岩柱形成過程,之後我地就深人禁區,去萬宜水庫東壩嘅地質公園親身距離欣賞世界級六角形岩柱,仲可以踏上新興建木橋望望海蝕洞,依啲機會又真係好難得呀! 

2016年7月24日星期日

【地質公園初體驗】如心艾朗酒店吃喝玩樂篇

22 JULY 2016(FRI)

話說魚子媽早前問我有冇興趣來一個小旅行,既可以去東壩萬宜地質公園參觀,玩完又可以留係酒店舒舒服服借宿一宵,咁好玩又可以見識嘅活動我緊係想去玩啦,所以就齊齊去L'hotel地質公園遊住宿計劃。

今次依個體驗真係令我眼大開界,就算係大暑之日成行,都係覺得值得呀~
 
作為一個九龍東嘅人仕,由屋企至L'hotel真係可以話半個鐘唔洗。不過其實今次依個地質公園遊住宿計劃又真係好 吸引,既有SynCab星群的士接送我地來回酒店至東壩,途中仲會帶我地去西貢市中心嘅火山探知館參觀,係探知館同東壩全程都有專業導賞員隨行為我地講 解,對成日想去了解多啲大自然景象但又唔識去嘅人(即係我),依個小旅行真係可以話係"叮"一聲,只需要舒舒服服跟住行就得,真係啱晒我依啲想去玩但又唔識玩嘅人呀!

2016年7月23日星期六

【DUFFY控必到】反轉Duffy主題商店

20 JULY 2016(WED)

暑假總要入嚟迪士尼玩嘅, 所以今日兩母子就嚟拍拖玩返轉啦! 

超開心可以同到最新嘅迪士尼朋友影相,仲要唔使點排隊,仲唔係十級興奮~
 
作為Duffy控的我, 其實當知道開左一間Duffy專賣小店嘅時候,都已經好想嚟八卦一下,睇下佢有啲咩新產品出,同埋要近距離見下Duffy嘅貓畫家小東尼嘅真的身。

2016年7月22日星期五

【親子沖繩體驗之旅】美麗海水族館

25 JUNE 2016(SAT)

終於嚟到行程中另一個兩父子都好期待嘅節目,就係去海洋博公園入面嘅美麗海水族館參觀,因為佢地兩父子都好鐘意睇魚呀~
 
DADDY鐘意魚都唔係新鮮事,佢成日都話睇住啲魚游來游去,穿插係海草間係好好睇,又話睇完心情都會好啲(SORRY.....我仲未去到依個層次....哈哈哈)。

由於屋企有養魚仔關係,所以小小豬都感染到對魚有點興趣,所以當知道有得去沖繩最大嘅海水族館,佢都好興奮呀! 

2016年7月21日星期四

【產品試用】Shiseido VITAL-PERFECTION 眼紋小熨斗

20 JULY 2016(WED)

想唔認老都唔得,近排都有留意到自己笑起上啲表情紋同笑紋都開始出嚟,就係依個時候收到Shiseido 最新推出嘅VITAL-PERFECTION,簡單兩件產品就可以幫我熨返平啲眼紋啦~
 
笑係一種基本禮貌,亦都係與人見面嘅第一個印象,正所謂...笑一笑世界更美妙。但其實笑又真係好易出賣我地,因為只要一笑,表情紋及笑紋就會現形,即刻大打折扣。

當然除左年紀之外,我地平日唔夠瞓(我呀....我真係一日24小時都好似唔夠用呀),捽眼等都會令到雙眼很易就會出紋,盡顯3W肌膚危機。 

咩係3W肌膚危機?就即係Wave of Wrinkles (表情紋)、Wrinkle-Aggravating Darkness (皺紋暗影)同埋Wrinklish Skin(凹陷紋理)就係依個3W令到大家唔可以哈哈大笑啦! 

2016年7月20日星期三

【識彈嘅書包】FX Creations 專利減壓護脊書包

19 JULY 2016(TUE)

諗起小小豬九月就要升小學,細細粒嘅佢背住個嘅書包會係點呢。依家都行路都係論論盡盡咁,再加上一個又大又重嘅書包,真係.......好難想可以行成點!

係我苦惱緊買咩款書包時,就收到FX Creations送比小小豬嘅禮物,就係佢地最新推出嘅Space Walker系列,係仲全港首創識彈嘅書包嚟添~
 
其實我之前都真係為小小豬小一書包花過唔少功夫,行過唔少商場睇過好多唔同嘅牌子,目的都係希望可以揀到一個啱小小豬用嘅書包。因為一諗起佢背住個大嘅書包每日返學個樣,唔多唔少都令我好擔心,一嚟驚佢背住個書包會唔舒服導致行得唔好,二嚟怕會影響佢發育。 

依家啲書包真係唔同我兒時只係款啱鐘意嘅公仔咁簡單,因為款式真係比我之前嘅多,而且亦都有好多係話有護脊功效。就係亦都因為款款都係可護脊,所以真係睇到我心大心細。 

就係依個時候收到FX Creations最新推出嘅Space Walker系列,真係可以解決我嘅選擇恐俱症。

2016年7月19日星期二

【我是鼓手】兒童流行鼓暑期班

19 JULY 2016(TUE)

自小小豬四月上過一堂「兒童流行鼓班」試堂之後,佢一直都念念不忘,成日都話好想再去打鼓。就係依個時候再收到柏斯琴行邀請,就係咁....我地就係依個暑假去上兒童流行鼓暑期班啦~
 
學鋼琴就俾人覺得係斯文啲,但學打鼓就俾人覺得狂野啲,但其實兩者都係同樣訓練節奏感及四肢協調,同埋學習拍子及讀譜,所以兩樣一齊學都係冇問題。

當然我都唔係因為想小小豬成為啲咩音樂家又或者考啲咩證書嚟對佢升學有幫助,我俾佢學埋打鼓都係想佢試多啲唔同種類嘅嘢,睇下佢興趣係邊,最重要係等佢暑假可以玩多一項有益活動嘛!

2016年7月18日星期一

【同妖怪手錶齊齊跳】妖怪手錶 Summer Aloha

18 JULY 2016(MON)

集郵...集郵...集郵,一聽到可以集郵我就當然係勁開心,仲一次過可以同四位妖怪手錶主角嚟個大集郵又可以嚟個大抱抱,簡直係十級興奮,多謝Mikiki邀請可以一次過滿足兩個願望呀~
 
平日小小豬都冇乜機會睇電視,所以佢都冇睇過「妖怪手錶」,雖然唔可以話係粉絲,但都因為周邊好多產品,所以佢都有點點認識,不過佢就最識都係紅色那主角地縛喵...哈哈哈! 

2016年7月17日星期日

【清熱利尿】粟米薏米水

17 JULY 2016(SUN)

小小豬成日都話好想飲粟米鬚水,但依排係街市又真係好少見有粟米鬚買,剛好見上有朋友仔介紹原條粟米加薏米煲水,咁簡單就當然即刻買材料試下,希望可以止到小小豬個粟米心癮啦~
 
粟米加薏米就可以有清熱降火同利尿消腫功效,最好就係超級簡單,真係啱晒我依個懶懶地又可以扮勁呀...哈哈哈!

2016年7月16日星期六

【ONE PIECE水上樂園】海賊王夏日激航狂歡世界

16 JULY 2016(SAT)

貪玩嘅我早前見好友場玩左海賊王夏日激航狂歡世界,睇見佢地玩得咁開心我都好想入場玩埋一份。正當我仲諗緊去唔去玩嘅時候,就收到大會邀請入場試玩,有得玩我就緊係即刻三口子入場玩返轉啦~

之前睇朋友仔介紹,見大部分都係成人遊戲多,當初我都係考慮到係唔係啱仲有十幾日就六歲嘅小小豬玩呢? 

經我同負責人了解之後,原來以小小豬夠90CM又係六歲嘅小朋友都有兩個大滑,同埋幾個彈彈床,仲有啲攤位遊戲係可以玩,所以我地三口子就GO...GO...GO,向中環核心外圍進發,入去玩餐飽啦! 

2016年7月15日星期五

【TsumTsum又嚟啦】Disney Tsum Tsum Walk N’ Roll Festival

15 JULY 2016(FRI)

我其實係冇乜玩手機嘅TSUM TSUM,但唔知點解就對依一SET公仔都特別喜愛,就好似我啲衫...書包...手機套等,都係TSUM TSUM公仔嚟,作為一個迪迪尼控見到啲咁可愛嘅公仔又點會唔鐘意。

小小豬受我感染都一樣對TSUM TSUM情有獨中,所以當收到又一城邀請可以優先嚟感受TSUM TSUM係又一城嘅氣氛,佢又點會唔期待呢~

還記得上年又一城都都係以TSUM TSUM做過一期嘅商場佈置,我仲好有印象嗰次真係好多人都嚟影,我記得第一次同小小豬嚟時都真係人太多所以被迫取消去影相,最後要趁一個平日嘅下年同細妹嚟一轉先可以影到。 

上次只係影相區都已經好吸引,估唔到今年除左影相之外,仲有幾個玩樂區,我想應該比去年更受歡迎呀。今次我地仲約埋SY哥哥同魚子醬一齊嚟玩,實行要三個小朋友玩轉又一城呀! 

2016年7月14日星期四

【食得雪糕多就要飲】桔餅雪梨乾雪耳湯

14 JULY 2016(THU)

依幾日小小豬間中都有幾聲乾咳,作為一名慈母(哈哈哈...又借機讚下自己)緊係即刻去買料煲止咳湯,不過最後就煲左一個潤肺嘅桔餅雪梨乾雪耳湯~
 
其實當我地藥材店時,只係打算煲啲止咳湯,同老板傾開計,佢問我小小豬係點咳之後,就介紹我煲依個桔餅雪梨乾雪耳湯。

佢話一到夏天,唔好話小朋友,就連我地大人都會成日食雪糕飲汽水,仲要唔凍嗰啲都唔食,所以冷親條氣管兼凍親個肺,就緊係會有乾咳啦! 

聽落又有少少道理,依排小小豬又真係密密食雪糕,次次乾咳都係食完雪糕之後。就連我都有覺得飲完冰凍汽水之後,氣管敏感嘅我又真係好似條氣會唔多順。所以就試下老板提意,煲嚟三口子潤肺暖下氣管。 

2016年7月13日星期三

【親子沖繩體驗之旅】靚VIEW酒店歎自助餐

25 JUNE 2016(SAT)

同小海豚玩完遊戲,又係時候要去醫下個肚,大會帶左我地去附近一間酒店食左自助午餐。一落到旅遊車我又嚟嘩嘩聲,因為望出個VIEW都已經好靚呀~

沖繩真係一個好靚嘅地方,每一個地方都可以擁有令人難忘嘅靚景。望住啲靚景人都特別輕鬆,心情都特別唔同,唔怪之得咁多人鐘意一有時間就去旅行充充電啦!

2016年7月12日星期二

【產品試用】OLAY高效透白光塑清瀅精粹油

12 JULY 2016(TUE)

早前我試用過Olay最新推出嘅高效透白光塑兩支產品,真心覺得好用,所以我都已經回購左啦!

原來除最近同系列推出左全新產品 - 高效透白光塑清瀅精粹油,得到公關姐姐安排,今次又機會可以一試啦~

2016年7月11日星期一

【親子沖繩體驗之旅】元氣村親親小海豚

25 JUNE 2016(SAT) 
 

嚟到今次我地沖繩之旅其中一個重點活動,亦都係小小豬期待嘅節目之一,就係去元氣本部村親親小海豚啦~

當我知道有個行程時,知道可以近距離同海豚玩,小小豬都已經好興奮。其實唔止小小豬,就連我自已都好期待,因為之前睇海豚都只限係海洋公園,仲要只可以遠遠咁望,真係未諗過可以摸。

2016年7月10日星期日

【零難度之作】牛油蒜香蝦

10 JULY 2016(SAT)

今日返爸爸屋企做偽大廚,買左啲大大隻嘅靚蝦,原本係打算用嚟白灼就算,不過又想整啲新花款,所以就加少少蒜茸同牛油炒,咁就可以簡單得嚟又好味啦~

2016年7月9日星期六

【好味涼浸浸】自家制菠蘿雪葩

9 JULY 2016(SAT)

我一向都幾鐘意食菠蘿,但自從沖繩之旅後就更加鐘意食,突然間心血來潮好想食,所以就買嚟整涼浸浸嘅自家制菠蘿雪葩,等我地母子為食一番啦~
 
其實係沖繩真係食左好多菠蘿,就連早餐都有得飲鮮窄菠蘿汁同大大粒菠蘿,仲有幾餐嘅甜品都係食菠蘿,仲要啲菠蘿勁甜又好味,可以話食極都仲好想食!

再上依排天氣熱熱地,小小豬食雪糕嘅次數都真係密左好多,咁係夏天食雪糕又真係一件嘗心之事,我都唔太阻止佢。不過...始終食得太多都唔係咁好,所以我就諗到用菠蘿嚟整雪葩,既可以滿足小小豬食凍冰冰嘅甜品之餘,我又可以食菠蘿,一舉兩得呀!  

2016年7月8日星期五

【船梨精陪你放暑假】限定2個月的船梨精Cafe

7 JULY 2016(THU)

今日都真係幾忙碌,返學前就去左同海綿寶寶玩,放學之後就輪到去搵船梨精。因為收到WIRED CAFE邀請,嚟參加船梨精見面會,有得集郵兼可以見識下船梨精嘅造型美食,緊係要嚟啦~

2016年7月7日星期四

【海綿寶寶出沒】海綿寶寶泡泡夏水祭

7 JULY 2016(THU)

想同海綿寶寶玩唔一定要去海洋公園(雖然我都有計劃放暑假時入去玩一轉夏水禮...哈哈哈),因為海綿寶寶依家都係MOKO出沒,今日小小豬仲獲邀預先嚟參加海綿寶寶泡泡夏水祭,實行既集郵又可以玩餐飽呀~
 
其實小小豬都幾鐘意海綿寶寶,因為姨姨係海綿寶寶嘅粉絲,屋企有好多大大細細嘅海綿寶寶公仔,每次返公公屋企小小豬總係鐘意入姨姨房攪攪陣,將海綿寶寶反轉再反轉,所以就對海綿寶寶有左情義結啦!

原本我都15/16諗下帶唔帶小小豬嚟,始終驚佢玩到傻左返學又嚟攪事,不過小小豬一聽到嚟同海綿寶寶玩,佢對眼即刻心心眼,咁佢又答應我玩完之後會返學乖乖,所以就嚟玩下啦!

2016年7月6日星期三

【親子沖繩體驗之旅】名護菠蘿園

25 JUNE 2016(SAT)

終於嚟到我地今日第一個活動地點,就係名護菠蘿園,聽個名就知係同菠蘿有關啦~

其實未嚟沖繩之前,我身邊嘅朋友都有同我講話沖繩菠蘿係好有名,或者因為係氣候加上土質,所以依度嘅菠蘿係特別有名,出名又甜又多汁。不過我又真係估唔到佢地有成個地方嚟介紹菠蘿,感覺又真係幾特別哦!

2016年7月5日星期二

【迷你迪士尼】瘋狂影不停的奇幻館

5 JULY 2016(TUE)

3D館我都去過好多次,次次我都係影得非常盡興,不過論期待就一定係今次,因為作為迪士尼粉嘅我,知道以迪士尼人物做主題,就緊係好想影返轉啦! 

多謝Magical World 奇幻館邀請,等我又可以嚟瘋狂喪影呀~  
今次奇幻館係以4D迪士尼為主,比原本3D多一個D,咪就係就香味。另外今次仲引入左夜光同音效,再加埋啲3D畫,仲唔係好似入左迷你迪士尼...哈哈哈!

2016年7月4日星期一

【消暑化濕】消暑袪濕冬瓜湯

4 JULY 2016(MON)

夏天飲咩湯好,緊係一啲既可以消暑又可以袪濕湯水,最重要都係要清清地,所以冬瓜真係一個唔錯選擇。見街市啲冬瓜實在太抵了,四蚊就有大大舊,而且見店員係原個即開夠新鮮,所以就去買材料,煲返個消暑袪濕冬瓜湯啦~
 
見上次我用雲苓蓮子薏米南豆依啲材料煲袪濕湯,小小豬都飲得津津有味,好味嘅湯係唔怕飲,既然佢鐘意就再煲多一次啦,不過今次店員就教我加埋荷葉一齊煲,咁就可以袪濕消暑同時做到啦! 

2016年7月3日星期日

【龍蝦灣係咪有龍蝦?】即興龍蝦灣之旅

3 JULY 2016(SUN)

究竟龍蝦灣係咪真係有龍蝦呢?依個問題小小豬就由出發開始一直不停問, 最終佢又搵唔搵到龍蝦呢…哈哈~
 
其實今日依過龍蝦灣之旅真係可以話係突發, 事緣同屋企人飲完茶之後,伯父問小小豬有冇興趣去玩水捉龍蝦,所以我地就即興去玩啦! 

其實龍蝦灣只係佢個名,又點會有龍蝦捉呀,伯父同小小豬開玩笑。不過有得去玩,感受下陽光,我當然非常樂意奉陪。好在平日都有啲沙灘玩具係車上,所以就可以興奮跟隊去玩了。


2016年7月2日星期六

【親子沖繩體驗之旅】酒店靚景逐格睇

25 JUNE 2016(SAT)

我地三晚都係入住 The Ritz-Carlton, Okinawa酒店,渡假酒店都真係唔同啲,環境極度舒服,我地三口子都瞓得非常之好,抖夠精神我地就可以迎接今日豐富節目啦~
 
坦白講,其實我都係一個咩都驚青餐嘅人,尤其係一個生保環境下,我真係次次都會瞓唔到,所以次次外遊我都總係成晚都瞓唔到,眼光光數天光,依個亦都係我比較少外遊嘅原因。

不過我尋晚又真係出奇地瞓得好好(其實唔上一晚,係入住嗰三晚都係好好瞓),真係可以話一跳上床攬住小小豬就即刻可以入睡啦!

2016年7月1日星期五

【親子沖繩體驗之旅】大鄉理出城記

24 JUNE 2016(FRI)

五歲仔先第一次搭飛機去旅行,其實小小豬又真係好似幾水皮,不過我就覺得依個年紀去旅行都幾好,起碼佢地可以自己親身經歷玩過咩...做過咩,有深刻啲印象唔係好啲~
 
其實原本我地都打算趁小小豬升小一前嘅暑假,同佢去一轉旅行,等佢可以見識一下之餘又可以玩下,輕輕鬆鬆咁玩完先過佢嘅小學生涯。

不過我地嘅計劃就提早左,因為我地三口子非常榮幸,可以得到美素佳兒邀請,參加四日三夜親子沖繩體驗團。

我都唔怕醜咁講,沖繩俾我嘅第一印象就會想起「戀戰沖繩」依套電影,記得係會有好多靚嘅風景同陽光海灘,所以對鐘意睇風景嘅我地嚟講都有點期待呀!