2016年6月30日星期四

【親子沖繩體驗之旅】四日三夜玩什麼?

 30 JUNE 2016(THU)

小小豬都真係幾水皮,因為佢成五歲仔都係未去過旅行,不過終於有機會踏出第一步,第一次搭飛機目的地就係去沖繩啦~
  

其實原本我地都打算趁小小豬升小一前嘅暑假,同佢去一轉旅行,等佢可以見識一下之餘又可以玩下,輕輕鬆鬆咁玩完先過佢嘅小學生涯。

不過我地嘅計劃就提早左,因為我地三口子非常榮幸,可以得到美素佳兒邀請,參加四日三夜親子沖繩體驗團。

當我收到邀請時都真係興奮得唔識形容,當知道詳細資料之後簡直係非常期待,因為我地嘅行程都有美素佳兒工作人員為我地準備好晒,我真係負責執行李就可以出發啦

雖然我地只係三個家庭出發去玩,但一眾工作人員(香港導遊、日本導遊、負責安排的三位靚女姐姐及同埋辛勞攝影師哥哥),佢地真係全程都好貼心為我地安排,等我地每一位大小朋友都可以玩得開開心心,所以真係要再一次感謝佢地為我地所安排的一切呀~ 
 
哈哈哈....咁其實我地四日三夜玩過咩?沖繩有咩好玩?咁就等我慢慢同大家分享啦!如果用一篇嚟寫我依個行程又真係唔可以,因為行程實在太豐富了,所以就先寫一篇網誌同大家嚟個小簡介先,之後再每日行程寫返個遊記同大家分享啦! 

我地搭11:45飛機去沖繩,由於小小豬係第一次搭飛機,所以佢都不知幾興奮,每件事物都好新奇,真係一名大鄉理出城咁。不過小朋友係要有好奇心,咁先至係成長嘛! 

由於我地到沖繩都已經係四點幾,所以第一日行程就輕鬆啲,行下市內最大嘅商場Naha Main Place,我個人覺得就係安靜版SOGO,因為都係一般百貨公司,但就係非常靜(日本人真係好溫柔呀),相信最嘈都係小小豬啦...哈哈哈~
  

行完商場就去食我地第一晚嘅沖繩宴,超好味嘅燒肉,真係食到小小豬唔停口呀~ 
 
之後我地就搭車返酒店,由於太攰都真係未可以睇清楚間酒店,只係覺得係好大間,一覺醒來先知道,原來酒店係勁大勁靚呀。食完早餐再周圍行,我只係識講嘩....嘩....嘩....,因為完全冇諗過日本嘅酒店係可以咁大,再加埋沖繩個天氣係非常之好,真係令人超級舒服呀~

食飽飽就出發去玩了,第二日行程都真係幾豐富,首先就係去參觀名護菠蘿園,坐住自動車去遊菠蘿園,小小豬就最開心,因為可以自己扮司機嘛,之後就試食菠蘿同行下買手信。估唔到菠蘿園入面又會有一個具殼館,所以都真係幾多活動係啱小朋友呀~

之後就嚟到今次行程其中一個重點節目,就係去元氣本部村親親小海豚。其實當小小豬知道有依個活動時,佢都不知幾興奮,又話要點摸海豚,要點同佢玩,佢講到天花龍鳳咁,真係俾佢笑C。不過又真係要俾個叻叻小小豬,佢完全唔驚仲玩得不知幾興奮添~ 
 
點解得佢兩父子親親海豚,咪就係因為有一個媽咪只係掛住幫個仔著短褲仔,自己就咩都唔記得,又冇帶褲出嚟,所以.....只好睇住佢兩父子溫馨啦...嗚嗚嗚!(不過見小小豬玩得興奮,我都感受到嗰一份開心呀) 

之後我地去左一間酒店食一個豐富嘅自助午餐,食飽飽周圍行時真係俾個天吸引住,因為一片藍天,又望到個靚沙灘,真係靚到唔識形容呀~
 
今日最後一個行程就係去美麗海水族館參觀,首先就去睇海豚表演,可能剛剛同海豚嚟個親密接觸,所以小小豬睇得不知幾投入呀~ 
 
之後就入去水族館睇金魚,魚嘅種類真係好多,睇到佢地兩父子眼定定呀(當然啦...佢兩父子都好鐘意魚,依度仲唔係啱晒佢地)~ 
 
玩完一日我地就返酒店休息一陣,之後就係酒店食一個豐富晚餐,完結左第二天行程。

第三日行程可以話係我地整個活動焦點所在,因為我地四位小朋友齊齊扮小廚師參加美素佳兒 Cooking Class,跟酒店大廚學整麵包同薑餅人~
 
幸好我平日都有同小小豬齊齊整嘢食,所以小小豬表現都叫做OK啦,佢嘅製成品係點?就等我賣個關子先,等我遲少少嘅分享先公佈啦~ 
 
不過大廚真係好利害,我地個個小朋友都滿心歡喜,食到飽飽先離開呀~ 
 
食過酒店午餐我就又開始出發去玩,先去萬座毛睇象鼻。不過....我地出發時開始落雨,不過好在就係毛毛雨,冇損心情,一樣玩得開心~ 
 
接住就係去首里琉染玩染有TEE,其實初時我都有擔心小小豬會整到唔知變左咩形,不過估佢唔到今次又做得,仲教返DADDY轉頭添...哈哈哈~ 
 
我地三口子嘅完成品,都幾靚呀~ 

趁晚飯前,四位小朋友齊齊SHOPPING,大家都打算買手信返香港送俾朋友仔呀~ 
 
第四日就係最輕鬆,因為我地可以有好多時間使用酒店各項設施,我地就當然係去泳池嚟個下水禮啦~ 
 
之後就食左一個豐富龍蝦午餐,之後就出發去機場返香港了~

坦白講,我真係十萬個不願意返香港,因為沖繩真係一個好舒服地方,加上今次體驗左好多唔同嘅活動,小小豬都玩得好投入又開心,所以真係好想留多好..好...好幾日呀~ 
經過今次我真係愛上左沖繩,所以原本我地打算去大板計劃應該都要改一改,嚟多一轉沖繩輕鬆下先得呀! (稍後我會每一景點再詳細分享小小豬開心玩樂時光,到時請大家再留意呀)

好果大家都想同我地一樣體驗非一般沖繩親子旅行樂趣,咁就要留意啦,因為依家美素佳兒舉行【Fun Fun 夏日二重賞】,既可以參加四日三夜親子沖繩體驗團/韓國自由行套票,又可以登記換特别版嘅Little Twin Stars行李箱,仲唔係一次過滿足兩個願望~

由即日至7月21日期間到萬寧或屈臣氏購買金裝美素佳兒®2/3/4號配方奶粉1200克、奶米粉300克或媽咪奶粉900克滿港幣$1,200或以上,並於7月23日或之前致電熱線登記,有機會獲得以下獎賞: 

獎賞一:禮品換領 免費換領特別版Little Twin Stars行李箱1個連DIY貼紙1張!名額共3,000名,數量有限,換完即止。

獎賞二:旅遊大抽獎 有機會贏取4日3夜親子旅行團或自由行套票 。 可按以下連結

瀏覽詳情:
http://www.friso.com.hk/MNG_JUL16.pdf
http://www.friso.com.hk/WTC_JUL16.pdf

(萬寧與屈臣氏嘅行李箱款式係唔相同呀)



More Information :
Website:http://www.friso.com.hk/
Facebook:https://www.facebook.com/frisohk?fref=ts




 **我地的FACEBOOK PAGE,齊齊來交流親子。育兒。烹飪啦**
Picture

沒有留言:

發佈留言