2016年7月19日星期二

【我是鼓手】兒童流行鼓暑期班

19 JULY 2016(TUE)

自小小豬四月上過一堂「兒童流行鼓班」試堂之後,佢一直都念念不忘,成日都話好想再去打鼓。就係依個時候再收到柏斯琴行邀請,就係咁....我地就係依個暑假去上兒童流行鼓暑期班啦~
 
學鋼琴就俾人覺得係斯文啲,但學打鼓就俾人覺得狂野啲,但其實兩者都係同樣訓練節奏感及四肢協調,同埋學習拍子及讀譜,所以兩樣一齊學都係冇問題。

當然我都唔係因為想小小豬成為啲咩音樂家又或者考啲咩證書嚟對佢升學有幫助,我俾佢學埋打鼓都係想佢試多啲唔同種類嘅嘢,睇下佢興趣係邊,最重要係等佢暑假可以玩多一項有益活動嘛!

自上次離開鼓房之後,小小豬都好期待可以重來,終於今日開始連縯六星期共十二堂可以再嚟啦~  
 
我地都係去返上次試堂嘅課室,所以小小豬都好似好熟識咁,一見導師就即刻跟住入課室。不過同上次唔同,暑期班係以小組形式進行,每堂就係一小時。 

其實當初我知道要小組上課時,我都有丁點擔心,因為鼓就得一個,唔通三個一齊打?經了解後原來小朋友們聽完導師教之後,就會輪住打鼓,咁就可以有更多互動。咁都啱,多啲互動又可以訓練下社交合作,同埋鼓都係要用嚟夾band嘛...哈哈哈~
 
今日係第一堂,所以都係由基本功著手,導師先教小朋友棍法及正確坐姿,同埋利用唔同嘅拍子去打三個今堂教的鼓~
 
由於之前小小豬試堂時都學過,估唔到事隔兩個幾月佢都仲記得,而且仲打得唔錯,導師仲讚小小豬節奏感好好添~
 
哈哈哈....小小豬學過依啲簡單基本功,佢有鋼琴底再加上節奏感都算唔錯,所以都叫做可以扮下嘢。嚟緊嗰十一堂學新嘢,希望都係一樣咁叻仔啦!

不過我唔會俾壓力佢,只要佢享受每一課堂就足夠了!


More Information :Website:http://www.parsonsmc.com.hk/
Facebook:https://www.facebook.com/ParsonsMusicCentre



**我地的FACEBOOK PAGE,齊齊來交流親子。育兒。烹飪啦**
Picture

沒有留言:

發佈留言