2016年8月31日星期三

【生日澳門之旅】食得招積兼滿足

27 AUGUST 2016(SAT)

雖然係好唔捨得,不過始終都係要離開天浪淘園。我地回房間沖身,之後就執好晒行李,準備CHECK OUT了。 

係DADDY處理緊CHECK OUT同寄存行李嘅時候,小小豬又見到兔斯基,當然又要影下先啦~
 

2016年8月30日星期二

【生日澳門之旅】玩都唔願走嘅天浪淘園

27 AUGUST 2016(SAT)

瞓咗一覺好嘅,當然又係要去玩既時候, 坦白講,今次嚟澳門入住Galaxy,我地最期待嘅就一定就係天浪淘園, 因為大家都好想去玩激流呀~
 

2016年8月29日星期一

【生日澳門之旅】豐富自助晚餐 及 驚喜蛋糕

26 AUGUST 2016(FRI)

玩左大半日,係時候要醫下肚,難得去玩緊係要食好啲,所以我地就齊齊去自助餐人氣王「名廚都匯 Urban Kitchen」嘆大餐啦~
 
唔知點解小小豬係好鐘意食自助餐,其實佢可以食嘅嘢又真係唔多,可能就係因為可以自己出去拎想食嘅嘢,有多點自主權(即係食多啲雪糕),所以特別興奮!(利申:我一向都有俾小小豬揀佢鐘意食乜,只係生冷嘢有限制咋) 

2016年8月28日星期日

【生日澳門之旅】房間大解構及百老匯奇幻Show

26 AUGUST 2016(FRI)

我地同兔斯基影完相之後,小小豬已經急不及待嘈住要去房間,當然啦...因為跳床係佢其中一個期待節目嘛~

真係唔明白點解小朋友咁鍾意跳床,或者正正係因為屋企唔可以做,一到旅行時就來個大解放。唉…算啦,小朋友係要盡情去玩㗎嘛!

2016年8月27日星期六

【生日澳門之旅】玩轉兔斯基運動會@澳門銀河

26 AUGUST 2016(FRI)

貪玩嘅我就趁生日依個懶係嘅大日子,就拉大隊過澳門玩返兩日,實行繼續玩埋個暑假,咁先係放暑假應有嘅態度嘛! 

我地今次入住澳門銀河,係未上房間之前,第一個目就係去集郵,因為兔斯基嚟左依攪運動會呀~
 
唔講唔知.....原來兔斯基有十歲啦(哈哈哈..我係其中一個唔知嘅人,我只知道兔斯基係好可得意呀!),為左依個大日子,成班兔斯基嚟咗澳門開運動會呀! 

一聽到有公仔影,我呢個影相控當然係唔會放過我,就即刻嚟影反轉先得!

2016年8月26日星期五

【增強免疫力】雙參海竹頭無花果湯

25 AUGUST 2016(THU)

話說早前參加活動時收到一樽花旗參,原來打算留嚟冬天時煲湯用,點知今日係網
上見到原來花旗參仲啱夏天飲,所以就即刻齊材料,跟住試下煲依個雙參海竹頭無花果湯~
 
其實依一樽仔花旗參我都收左好耐,一直都覺得依啲參類依啲係補嘅食材,係要冬天先啱用嚟煲湯,但原來花旗參就係除外,因為佢嘅功效就可以滋陰補氣、寧神益智及清熱生津,而且仲係補而不燥,所以都好啱一家大細飲用呀。 

我係網上見到依個食譜,將花旗參、沙參、海竹頭、枸杞子加埋一齊煲,可以養陰清熱,潤肺化痰,生津止渴同埋增強免疫力。小小豬都就嚟開學,加上又開始轉天氣,係依個情況下增強免疫力係好重要,所以就跟住煲嚟飲下啦! 


2016年8月25日星期四

【產品試用】Kafen Acid 亞希朵酸性蛋白洗護系列

25 AUGUST 2016(THU)

謝謝Kafen Acid亞希朵邀請,等我有機會可以一試來自台灣好出名嘅酸蛋白洗護系列~
 
其實之前都聽朋友介紹過台灣有好多洗護產品都係做得唔錯,佢地主力都係為亞洲人髮質而設,所以對幾適合我地香港人用。聽就聽左好多耐,不過坊間有咁多品牌我都係唔識揀,所以一直都冇機會試,就趁今次機會試下台灣洗護系列係味咁啱用先! 

當然係未開始試用之前,都要做下功課,上網搵下啲資料望望先啦。睇見佢係完全不含 Dimethicone矽靈成份,我就放心地使用。因為依家好多為產品左可以令頭髮柔順,都會添加矽靈於洗護,如果長期使用矽靈就會會造成毛囊阻塞,讓頭 髮沒辦法吸收養分,嚴重影響頭皮的健康。 

另外,它的成份為弱酸性(洗頭水PH5.5/滋養霜PH4),弱酸性質可以去除頭髮表面長期積累的矽膜,不傷頭髮頭皮。

2016年8月24日星期三

【簡單又有益】夜香花冬瓜豬骨咸蛋湯

24 AUGUST 2016(WED)

今日行街市時見到有夜香花賣,記得之前聽朋友仔講過話夜香花用嚟煲冬瓜湯都好啱味,所以又嚟簡簡單單煲夜香花冬瓜豬骨咸蛋湯啦~ 

其實材料同我之前煲冬瓜咸蛋湯都係差唔多,只不過就加左夜香花同豬骨,所以整體都係好簡單呀!

2016年8月23日星期二

【產品試用】CooperVision clariti®高透氧即棄矽水凝膠隱形眼鏡

23 AUGUST 2016(TUE)

首先要多謝CooperVision邀請,等我有機會可以試用新推出嘅Clariti®高透氧即棄矽水凝膠隱形眼鏡~
 
回想起我都有五年幾冇戴過隱形眼鏡,唔係我唔想戴,只係因為我對眼唔受得,因為本身我眼水唔夠,如果戴得太耐對眼一定會好唔舒服,同埋又好易發炎,所以都唔敢戴。 

雖然我依個傻媽都唔洗點打扮,咁其實我都係一個貪靚媽媽嚟,所以當有朋友仔話我唔戴眼鏡個LOOK嘅時候,唔多唔少都有啲輕飄飄,所以都即刻走左去配隱形眼鏡,諗住啲大事大節可以扮下靚。

2016年8月22日星期一

【試玩專員出動】玩具“反”斗城開學禮物

22 AUGUST 2016(MON)

謝謝生活易為小小豬送上玩具“反”斗城嘅開學禮物,今次仲唔係可以玩盡暑假,之後開開心心上學去~
 
時間真係過得好快,記得初頭小小豬開始放暑假嘅時候我會諗,嚟緊依個半月點同佢過好呢,日子好像似好耐咁。但原來開心既時間係過得好快,我地一有時間就會出去玩,唔覺唔覺仲有兩星期就返學啦!

諗起開學我又開始有丁點擔心,因為九月對小小豬嚟講係一個好緊要嘅日子,佢終於成為一個小學生,過新嘅學習生活,對一向缺乏安全感小小豬嚟講,都係一個大挑戰。


2016年8月21日星期日

【著左鞋仔健康啲?】鞋與脊椎痛症

21 AUGUST 2016(SUN)

今日應邀嚟參加MBT首次舉辦「鞋與脊椎痛症」免費講座,唔嚟聽都唔知道,原來步姿唔正確,就會引申脊椎會漸漸變得歪斜甚至變形,嚴重嘅仲會影響健康添呀~

2016年8月20日星期六

【小小豬上電視】 我是一名小小現場觀眾

20 AUGUST 2016(SAT)

小小豬今日有個新活動,就係入電視城做一個小小現場觀眾呀~

其實小小豬恨咗呢個活動好耐,因為平日我都好少俾佢睇電視節目,第一次機緣巧合之下,俾佢睇到有一個兒童節目Think Big(即係我地兒時嘅閃電傳真機),咁我地見到個內容其實都好教育意義,所以都間歇性都俾佢睇依個節目(始終小小豬都大個仔,唔可以禁止佢睇電視了)。

每一次佢見到電視有好多小朋友做現場觀眾,佢都話佢都好想成為一份子,問我哋應該點樣先可以上去齊齊玩,就係咁一個廿四孝Daddy就靜靜地幫小小豬綢繆,等左一段時間終於抽到 成為現場觀眾可以去睇節目啦! 

2016年8月19日星期五

【清熱降火】蘆茅葛根冬瓜茶

19 AUGUST 2016(FRI)

係天氣酷熱嘅時候,都總係令人容易心煩氣燥,所以就煲依個蘆茅葛根冬瓜茶,可以清熱降火啦~
 
其實蘆根、茅根、葛根加埋一齊煲,除左可以除清熱降火之外,仲對濕疹都有啲舒緩作用。而且加埋荷葉同冬瓜,咁就可以消暑解喝,所以都好啱炎炎夏天飲呀!

2016年8月18日星期四

【動手DIY】DK Aromatherapy濕疹乳霜DIY工作坊

18 AUGUST 2016(THU)

DIY我一向都有興趣,今次朋友仔話有課堂教整DIY濕疹乳霜。一聽到濕疹就當然十分有興趣,所以就去左DK Aromatherapy銅鑼灣分店玩返一晚啦~
 
依家真係好流行芳香療法(Aromatherapy),我自己都有用緊某品牌嘅精油,我個人就鐘意加入香薰機用,成間屋都好香香咁,人都醒神啲,夜晚瞓都熟啲呀! 

2016年8月17日星期三

【對抗冷氣病】生薑紅棗杞子瘦肉湯

17 AUGUST 2016(WED)

今日等小小豬放興趣班時,上網見到有朋友仔介紹依個生薑紅棗杞子瘦肉湯,話可以對抗冷氣病。咁我見佢講嘅症狀小小豬又好似有有地,咁見又真係好易,所以就試下煲嚟飲啦~
 
其實咩叫做冷氣病?咪就係因為天氣熱,咁我地就會成日躲係冷氣房內,又食雪糕、生冷食物或飲品,咁就係對身體過度受寒,很易造成冷氣病。 

常見嘅症狀都好似感冒咁,都係流鼻水、手腳冰冷、疲倦等,不過只係冷氣房內先會明顯。我地一家三口都有鼻敏感,所以係冷氣房情況下就更加嚴重,見都係幾樣材料,所以就試下啦! 

2016年8月16日星期二

【產品試用】Naturals by Watsons自家系列

16 AUGUST 2016(TUE)

屈臣氏嘅自家品牌系列我都有買嚟用,尤其佢個Collagen Peeling Gel我都Keep住用咗好多支了。

今次得到SiSguide嘅安排, 可以試用到一系列Naturals by Watsons 最新產品 ,仲唔係一次過由頭靚到落腳~
 
屈臣氏自家品牌係以實惠嘅價錢,就可以買到品質唔錯嘅產品。而且產品多元化,身體每一部分都照顧到,真係非常方便,絕對係我依啲慳錢師奶仔之選!

2016年8月15日星期一

【跟住肥媽食平D】黃瓜薏米螺頭瘦肉湯

15 AUGUST 2016(MON)

實不相瞞... 實我依個師奶仔真係好鍾意睇肥媽煮食個節目,因為日日諗煮乜真係好頭痕,依家跟住肥媽煮就得下,仲唔係十個正!

睇左一個星期,都計劃跟煮幾個餸,不過上星期見到依個黃瓜薏米螺頭瘦肉湯,有我鍾意嘅黃瓜,冇辦法就決定打尖煲依個先~
 
我鐘意食黃瓜係其中一個原因,另一個原因就係屋企現成有材材,只係買瘦肉就煲得,咁仲唔即刻快手煲呀!
基本上我都係跟住肥媽食譜嚟煲,唯
一唔同就係肥媽係用急凍螺頭,我就改用乾螺頭,因為我之前買左乾螺頭仲有幾粒係度,我諗大家都係螺頭,功效都應該差唔多,所以試下啦。(用晒屋企現有嘅就唔洗去買...可以慳DD嘛)

2016年8月14日星期日

【至快「趣」體驗】輕鬆暢玩海洋公園

14 AUGUST 2016(SUN)

對上一次入海洋公園應該都係上年暑假,因為上年八月生日可以免費入場,即係買一張飛就可以一家三口入場(因為我同小小豬都係八月壽星嘛),諗起都覺得好抵。

估唔到今年暑假又可以再次入場狂配,多謝海洋公園邀請,而且仲讓我地體驗「海洋快證」特快通行,今個行程仲唔係至快「趣」之旅~
  
如果唔係今次活動,我想我都唔知原來海洋公園推出左全新嘅「海洋快證」,一張快證可以自選7次特快通行服務。即係完全零排隊,真係可以話慳返好多排隊時間,即係可以係海洋公園玩更多遊戲啦。 

坦白講.....上幾次入嚟海洋公園因為排隊都用左好多時間,所以真正玩樂時間都係唔多呀! 

2016年8月12日星期五

【去德福探險】VR Safari虛擬實景大歷險

12 AUGUST 2016(FRI)

謝謝德福公關姐姐邀請,小小豬今日著得好型仔,因為要去德福廣場探險~
 

2016年8月11日星期四

【小小豬生日了】六歲生日有感

10 AUGUST 2016(WED)

六年前嘅今日小小豬出世,真係又要講佢老土嘅說話「 時間過得真係好快」, 眨下眼小小豬六歲啦~

其實真係有啲難以相信小小豬已經六歲,可能我一日基本上全日對住佢,都唔覺得有啲咩大分別,裡裡內內仍然係好似個BB咁,仍然係一隻嗲嗲豬。 

2016年8月10日星期三

【產品試用】新西蘭健康食品

9 AUGUST 2016(TUE)

我對New Zealand Focus公司都有少少認識,因為我之前都入手左佢地推出嘅自家乳酪機,小小豬到依家都有KEEP住食呀!

除左自家乳酪之外,佢地仲有好多唔同嘅新西蘭健康食品。好似以下呢兩款嚟緊喺美食博覽重點推出嘅食品~

2016年8月9日星期二

【清甜滋潤】海底椰蘋果雞腳湯

7 AUGUST 2016(SUN)

突然間口痕痕,好想食煲湯雞腳,所以就煲返個清甜滋潤嘅海底椰蘋果雞腳湯滿足一下自己先~
 
今次其實主要係用上新鮮海底椰,佢除左有潤肺功效之外,仲可以養顏滋潤,對皮膚好好添。係淡淡夏日真係由朝到晚都開冷氣,皮膚都一定會乾乾的,所以返個海底椰靚湯滋潤下。而且加埋蘋果一齊煲,咁淡湯就真係既滋潤又清甜,仲唔係十個GOOD! 

2016年8月8日星期一

【產品試用】UTV韓風精選組合

7 AUGUST 2016(SUN)

韓風有幾利害,相信都唔洗我點講,好似韓國嘅炸雞小食、化妝品...,早已經融入我地生活中。當中最影響得最深嘅,就一定係韓風電視節目,所以中國移動香港就推出左「UTV韓風精選組合」,有韓國人氣綜藝娛樂頻道tvN、全天候24小時的韓國音樂娛樂頻道KMTV,及本地免費頻道C+頻道,真係隨時隨地都可以有好多娛樂。謝謝 SUPERMAMI 為我安排是次試用安排~
 
其實我自己就真係唔太"好"韓劇,因為我聽唔明之餘仲要我住字幕,我又真係覺得幾頭痛。反而我老公又好鐘意睇韓劇,佢真係大大細細都鐘意睇,最誇張嘅一次就係可以睇韓劇DVD睇通宵,所以今次依個「UTV韓風精選組合」真係啱晒佢呀! 

2016年8月7日星期日

【親子沖繩體驗之旅】雨中快閃萬座毛

26 JUNE 2016(SUN)

食過豐富嘅午餐,我地又繼續去玩,首站目的地就係去遊客必到嘅景點萬象座毛啦~
 
其實當我知道沖繩旅程時,我第一個識嘅地方就係萬座毛,因為表妹剛剛都係去完沖繩,佢都是同我提及個象鼻呀! 

我地一踏上旅遊巴,個天就開始落雨,其實都有啲擔心,落雨 會影響到我地嘅行程,始終萬座毛都係一個戶外嘅地方嘛。不幸中嘅大幸,我地嚟到萬座毛之後,雨勢都變成毛毛雨,所以我地嚟個雨中快閃萬座毛。

2016年8月6日星期六

【親子沖繩體驗之旅】特式酒店午餐

26 JUNE 2016(SUN)

雖然我地食左親手整嘅飽都已經覺得好飽, 不過酒店大廚為我哋準備左一個好豐富嘅特色午餐,所以我地又可以大飽口福啦~

2016年8月5日星期五

【親子沖繩體驗之旅】跟著大廚學Cooking

26 JUNE 2016(SUN)

終於嚟到我地沖繩體驗之旅另一個重點活動,就係嚟到我地入住嘅The Ritz-Carlton酒店,參加Friso Little Chef兒童烹飪班,跟著大廚學整麵包同薑餅人呀~
 
其實一向都有同小小豬來個親子廚房,不過多數都係整甜品,整麵包同薑餅人都真係未試過, 所以其實唔止小小豬,就連我對呢個cooking class都好有期待, 唔知整出嚟嘅麵包好唔好食呢……哈哈!

2016年8月4日星期四

2016年8月3日星期三

【產品試用】airweave酷涼枕套

3 AUGUST 2016(WED)
涼浸浸枕頭套,唔知瞓上去會係點嘅呢?謝謝airweave為我有家送上兩個夏季限定「酷涼」枕套,等我地可以嚟一個體驗~
 
airweave依個品牌可能喺香港就比較陌生,但其實係日本佢地好有名, 好多酒店、學校同日航都有用佢地產品,而且仲係日本第一薄墊品牌添。係今個夏季仲推出左限定「酷涼」系列,包括薄墊同枕套。

2016年8月2日星期二

【增強抵抗力】虎乳靈芝無花果百合湯

1 AUGUST 2016(MON)

虎乳靈芝我都幾鐘意煲,因為味道唔錯之餘好飲又有益。見屋企仲有一份虎乳靈芝係度,所以又嚟煲個虎乳靈芝無花果百合靚湯,等小小豬增強抵抗力啦~
 
小朋友容易感染傷風咳嗽,所以用虎乳靈芝加埋無花果、南北杏同埋百合一齊煲,有補血氣、強體質及潤肺止咳嘅功效呀! 

2016年8月1日星期一

【產品試用】韓國Dr. CIEL濕疹系列

1 AUGUST 2016(MON)

今次我地收到一套兩支嘅韓國Dr. CIEL濕疹系列,剛好小小豬又有少少濕疹起,所以就試下有冇幫助啦~

其實小小豬啲濕疹比之前都叫做好左好多,情況都冇之前要R到損晒咁,依家只係唔小心情況下先會偶然出嚟探下佢。

就好似我一個多月前收到產品嘅時候,剛好因為轉天氣關係,小小豬個PAT PAT又起濕疹了。見佢情況都係初起,我又唔想用藥膏,始終用得類固醇多都唔係一件好事,所以就試下Dr. CIEL可唔可以幫到佢啦!