2016年8月23日星期二

【產品試用】CooperVision clariti®高透氧即棄矽水凝膠隱形眼鏡

23 AUGUST 2016(TUE)

首先要多謝CooperVision邀請，等我有機會可以試用新推出嘅Clariti®高透氧即棄矽水凝膠隱形眼鏡~
 
回想起我都有五年幾冇戴過隱形眼鏡，唔係我唔想戴，只係因為我對眼唔受得，因為本身我眼水唔夠，如果戴得太耐對眼一定會好唔舒服，同埋又好易發炎，所以都唔敢戴。 

雖然我依個傻媽都唔洗點打扮，咁其實我都係一個貪靚媽媽嚟，所以當有朋友仔話我唔戴眼鏡個LOOK嘅時候，唔多唔少都有啲輕飄飄，所以都即刻走左去配隱形眼鏡，諗住啲大事大節可以扮下靚。

今次收到依個邀請都幾奇妙，話說早前諗住去玩One Piece 水上樂園嘅時候，諗住方便啲就戴隱形眼鏡去玩啦。點知啲滑梯實在太勁，我玩兩次都甩CON，之後同場朋友仔就話我個情況就即係對CON唔啱，仲介紹咗另一隻牌子俾我。 

當時我都唔記得係咩牌子，淨係記得有阿嬌個樣，諗住用埋現有嗰啲就試下配呢款。 點知今次就有機會試到呢一款嘅隱形眼鏡，你話係唔好巧合呢~
 
既然有得試，我當然非常樂意，CooperVision先安排我去旺角愛視美體驗，經過視光師哥哥細心幫我驗眼之後，初步我都啱戴clariti®，所以就可以帶返屋企慢慢用啦~
 
clariti®1 day係全球唯一日戴矽水凝膠鏡片系列，有齊近視/遠視、散光、漸進；佢可以提供比一般水凝膠隱形眼鏡超過3倍的氧氣，而獨特WetLoc™技術，可以保持鏡片水潤，維持全天無比舒適，而且更可阻隔有害的UVA及UVB，保護眼睛免受紫外線的傷害~
 
睇介紹就好似好好，不過都要試下先知，所以收到之後我即刻親身感受下clariti®嘛~
 
戴左上眼感覺同自己用開嘅又真係有唔同，由於佢係高透氧，所以戴住對眼都唔會乾，而且戴足六個鐘對眼都冇唔舒服，除CON嘅時候都冇乾到啜住左，最重要係除左CON嘅時候，雙眼一啲都唔會覺得攰，所以感覺真心係唔錯呀~
 
今次對我嚟講又真係一個唔錯嘅體驗，真心覺得係搵到一隻啱我嘅隱形眼鏡，所以嚟緊可以多啲戴，時時刻刻做個靚媽媽...哈哈哈！





**我地的FACEBOOK PAGE，齊齊來交流親子。育兒。烹飪啦**
Picture

發佈者： 於
標籤：

沒有留言:

發佈留言

訂閱： 發佈留言 (Atom)