2016年8月5日星期五

【親子沖繩體驗之旅】跟著大廚學Cooking

26 JUNE 2016(SUN)

終於嚟到我地沖繩體驗之旅另一個重點活動,就係嚟到我地入住嘅The Ritz-Carlton酒店,參加Friso Little Chef兒童烹飪班,跟著大廚學整麵包同薑餅人呀~
 
其實一向都有同小小豬來個親子廚房,不過多數都係整甜品,整麵包同薑餅人都真係未試過, 所以其實唔止小小豬,就連我對呢個cooking class都好有期待, 唔知整出嚟嘅麵包好唔好食呢……哈哈!

一早起身食完早餐就嚟到Cooking Class嘅活動場地, 一嚟到換件型仔廚師裝備先~ 

係我地扮緊型仔廚師嘅時候,酒店主廚同埋幾位負責嘅廚師,都已經為小朋友準備好所有材料用具啦~ 
 
我地就先整麵包,當然就由大廚為我地示範先啦~ 
 
睇完大廚嘅示範,就到我地落手落腳做啦。好在平日都有同小小豬玩下搓麵粉,所以依個步驟佢都叫做OK,再加上有廚師嘅幫忙, 所以都叫做整一到啦~ 
 
只係隻潔癖豬仔成日話自己隻手好污糟, 有丁點不安咁啦~ 
 
由於麵包嘅麵糰係需要等兩個鐘發酵,所以廚師就先為我地準備左已經發烤好嘅麵團,等我地可以再進行下一個步驟~ 
 
嚟緊依一個步驟就係加啲調味落去做麵包, 小小豬加咗左啲香草、芝麻、紫菜、紅豆同埋紫薯入去麵包度~ 
 
眼見咁多食物,依隻為食豬又話要試食喎~ 
 
小小豬搓做嘅六個麵包,可以去焗啦~ 
 
當麵包拎佢焗嘅時候,我地又開始整薑餅人啦~ 
 
當然都係廚師為我地示範咗先,四個小朋友都好乖乖聽著廚師嘅講解呀~ 
 
第一步驟都係搓麵粉先~ 
 
然後就可以碌碌個麵團成一薄片~
 
可以印個薑餅人出嚟啦~
 
印好咗啲薑餅人之後,廚師就幫我地拎去焗啦~
 
就係依個時候,小小豬整嘅麵包出爐啦~
 
有大廚嘅幫忙,賣相都特別靚呀~ 
 
新鮮熱辣辣食真係超級好味,當然亦都因為係廚師個配方好了得,所以我地先食到咁好味嘅麵包。真係唔係講笑,六個麵包我地眨下眼就已經KO哂,真係從未如此食得咁多瘋狂…哈哈~
 
食飽飽又開始開工,因為薑餅人已經焗好, 我地可以幫啲薑餅人扮靚靚啦~
 
小小豬完全唔使我幫手, 佢話要自己幫啲薑餅人扮靚喎~ 
 
小小豬嘅大作,其實都叫做可以接受, 有幾個幾似薑餅人嘅…哈哈~ 
 
其實啲薑餅人都幾好味,不過因為之前食得太多麵包, 所以都真係食唔落, 唯有留番今晚宵夜食啦~
 
最後,小小豬仲得到大廚送俾佢嘅證書,依隻搞笑豬仲扮哂叻話自己係叻叻廚師,下次再整麵包同薑餅人俾我食喎~ 
 
其實小小豬整個表現都叫做OK,都幾合作又肯主動去做, 所以都算係叻豬仔啦!
平時喺屋企整就覺得好似好難,但落手去做又好似都易易地(當然我都知係廚師個配方同啲食材好配合,再加上有佢從旁協助先咁好味啫)。 

 不過有機會我都想自己試下, 希望都可以整到有今次嘅七成水準啦!


**我地的FACEBOOK PAGE,齊齊來交流親子。育兒。烹飪啦**
Picture

沒有留言:

發佈留言