2016年9月30日星期五

【清甜清熱】竹蔗茅根馬蹄蘋果湯

30 SEPTEMBER 2016(FRI)

係我諗唔到煲咩湯嘅時候,最好就係開個MYTVSUPER睇返肥媽節目,搵吓有冇靈感。

平時竹蔗茅根馬蹄水我當涼茶煲俾小小豬飲,今次肥媽教加蘋果同豬肉當湯飲,又好似幾得意咁,唔知甜甜地嘅竹蔗茅根變成湯個味又係點呢?所以就去買齊材料煲下啦~
 
同平時煲涼茶嘅材料差唔多,只係加左蘋果、果皮同豬肉,咁就變成一個靚湯啦!

2016年9月29日星期四

【產品試用】位元堂 - 野生蟲草皇強肺通膠囊

29 SEPTEMBER 2016(THU)

作為一個全職媽媽真係唔可以病,因為一病左就冇人可以照顧小小豬, 所以我一定要好好保護自己。不過無奈依家真係年紀唔細,再加上我 一向都體弱多病,鼻敏感同氣管敏感都長期跟住我,所以都係要為自己打算下。

本身都打算買啲冬蟲夏草或者蟲草 CS4 補下身,但自己又唔識得去揀。 就係依個時候收到位元堂邀請,試用野生蟲草皇強肺通膠囊,希望可以對提升上呼吸道健康及增強免疫力有所幫助啦 ~
 
其實我一向都知道冬蟲夏草對肺部保健係好好,可以有效改善肺、鼻敏及氣管問題症狀,同時又可以促進肝腎功能,有助提升免疫力。而 且佢嘅藥性溫和、滋陰降火而且係補而不燥,所以任何體質都可服用!

2016年9月28日星期三

【補血養顏】桑椹杞子圓肉茶

28 SEPTEMBER 2016(WED)

平日煲嘅涼茶都係以屋企兩位老細為主,不過...間唔中都要為自已打算下,煲啲啱女性飲嘅茶好好滋潤下嘛!

依個茶係我之前係藥材店買材料時店主介紹我煲,話可以有助補血養顏。一聽到話補血養顏緊係好有興趣,所以就即刻執齊材料煲依個桑椹杞子圓肉茶啦~
 

2016年9月27日星期二

【餸飯之選】肉碎粉絲蒸水蛋

27 SEPTEMBER 2016(TUE)

依排多左嘗試煮新餸,希望可以多啲變化可以等小小豬食得開心啲,咁就可以快啲快高長大(唉...都唔明佢食極都仲係咁"矮得得")。

今日上網見有朋友仔分享肉碎粉絲蒸水蛋,有小小豬鐘意嘅粉絲,仲有雞蛋嘅營養,而且最重要係超簡單,我就緊係跟住煮俾小小豬食啦~
 

2016年9月26日星期一

【好味有益】鹽焗秋葵

26 SEPTEMBER 2016(MON)

秋葵係一個好有益嘅食物,我自己都曾經係街外食過一次,始終覺得佢個滑潺潺嘅感覺唔多鍾意。

尋日上網見到有依個鹽焗秋葵食譜,用焗嘅方法可能會減少滑潺潺感覺, 所以就買一盒你試下啦~
 

2016年9月25日星期日

【我係小童工】齊來做個小小咖啡師

25 SEPTEMBER 2016(SUN)

話說之前參加小小麥職場體驗日傳媒活動時,小小豬就已經率先扮個小小經理(按此重溫)。當日佢玩得未夠喉,所以我就即刻幫佢報名,等佢可以再玩過,今次就扮演一個小小咖啡師~

2016年9月24日星期六

【煙煙韌韌】紫薯西米糕

24 SEPTEMBER 2016(SAT)

我平日都比較少整中式甜點,其實唔係我唔想整,只係老細唔多鐘意食,小小豬又只愛食啫喱、果凍依啲凍甜品,整左冇人食又真係幾冇癮兼又冇動力嘛!

事緣今日要同老公齊齊返教會開派對,所以我終於等到機會整我想試好耐嘅西米糕啦~
 
其實以中式甜點嚟講除左砵仔糕之外,我就鐘意食西米糕,因為好鐘意佢煙煙韌韌嘅口感。砵仔糕我就仲未搵到細細缽仔嚟,所以就先整西米糕啦! 

西米糕簡單得嚟又多變化,餡料就可以隨自己喜好加入,真係可以話人人地啱食。原本我都打算自己整埋個餡料,不過由於時間關係,最終我都全係最現成的,所以就貪新鮮用紫薯蓉嚟做餡料。 

2016年9月23日星期五

【簡易入味】豆腐豆豉蒸鯇魚

23 SEPTEMBER 2016(FRI)

平日我都好少煮鯇魚,不過今日上網睇到有朋友仔分享依個豆腐豆豉蒸鯇魚食譜,見都好似好簡單,所以我又買齊材料今晚煮啦~

2016年9月21日星期三

【親子沖繩體驗之旅】享受正宗琉球晚宴

26 JUNE 2016(SUN)

我地體驗完首里琉染自己印TEE之後,又嚟到晚餐時間,我地去左享受正宗琉球晚宴呀~

2016年9月20日星期二

【最新運動OUTLET】杏花新城 勁、型運動區 登場

20 SEPTEMBER 2016(TUE)

成日聽朋友講東涌個OUTLET好多嘢買,最重要係好多平嘢執。不過東涌對於我嚟
講又真係遠左啲啲,所以想去見識下OUTLET威力都冇機會。

終於都有機會了,因為杏花新城經過翻新後,係東翼一樓變成「勁、型運動區」專區,有好多間知名運動品牌店鋪,每間都有大型優惠同精選特價貨,實行打造成東區OUTLET~
 
運動服裝其實我都真係唔多識,不過有得八卦我又點會放過機會,再加上兩位老細都想買運動鞋,所以我就嚟做個先頭步隊,睇下有咩平嘢先啦!

2016年9月19日星期一

【Halloween Is Coming】Disney Halloween Time 反轉迪士尼

19 SEPTEMBER 2016(MON)

作為一名迪士尼粉絲最開心就一定係可以第一時間就可以入園玩最新限定活動,仲唔係超級興奮之事。

萬聖節就嚟到,就緊係要去撞鬼,多謝迪士尼樂園邀請,今日有機會入園參加最新活動 - Disney Halloween Time 反轉迪士尼~
 
有得入嚟玩我就緊係開心,原本都好想帶埋小小豬一齊入嚟玩,不過佢又未放學,就算我等到放學先齊齊入園,加上第二朝又要返早學,所以今次又係天使勝出,我就自己入園玩返轉輕鬆一個下午先啦! 

睇廣告見今年迪士尼雖然好似少左啲同互動環節(我仲記得上年係迷離莊園同啲狼人捉左去跳舞,好好玩呀),其實都有丁點失望。不過原來依個只係我初步對迪士尼萬聖節認識,今日入嚟玩真係感受到一個好好氣氛嘅Halloween Party。 

往年迪士尼萬聖節活動就集中係星期五、六及日,作為我依啲銀卡人仕都真係要夾一夾時間先可以嚟玩。不過今年就由今日起至十月三十一日,全天候都係萬聖節,幾時入鬼屋撞鬼都得呀! 

2016年9月18日星期日

【清心潤肺】雙耳木瓜湯

18 SEPTEMBER 2016(SUN)

慢慢開始感受到秋天嘅氣味,趁天氣仲未乾燥時就一定要打好個底,所以就要煲定啲滋潤嘅湯,就係咁我煲左個雙耳木瓜湯俾兩位老細飲啦~
 
今次主角除左係木瓜之外,就係雙耳,咁咩係雙耳呢?咪就係雪耳同埋黑木耳。雪耳係好滋潤我估大家都應該知道,原來黑木耳當中富含膠質,可以滋養肌膚,使皮膚變的光澤有彈性。所以話次依個湯就可以清心潤肺同埋滋潤肌膚,所以話仲唔係大人同小朋友都啱飲!

2016年9月17日星期六

【清熱消滯】山楂桔餅薏米茶

17 SEPTEMBER 2016(SAT)

中秋節都一定食唔少月餅,食到都真係有少少滯滯地。見有朋友仔教煮依個既清熱消滯又可以化痰潤喉嘅涼茶,見咁多好處就當然又跟埋一份,煲嚟俾兩位老細試下啦~
 
我好耐之前都曾經煲過山楂茶俾小小豬飲,不過當時佢就唔太鐘意,話個味太酸唔多肯飲。今次其實我都考慮左好耐,都係有啲怕小小豬唔飲始終我煲湯同涼茶都係為左小小豬嘛!

不過我見今次除左山楂之外,仲有生薏米同桔餅,都係啲清熱同化痰潤喉嘅材料,所以就放膽一試,就算小小豬唔飲,我自己飲都唔錯,因為山楂可以消滯之外,仲可以燒脂去水腫,飲左仲唔即刻瘦啲啲!

2016年9月16日星期五

【放電好去處】小車迷歷險@黃金海岸商場

16 SEPTEMBER 2016(FRI)

剛剛開學其實都真係幾繁忙,我亦都開始感受到小學與幼稚園生活嘅大不同,我同小小豬都仍然係努力適應中,不過幸好小小豬都係一個愛上學嘅小朋友,所以我都唔會太擔心,希望一切就係冇壓力下順其自然啦!

中秋節有幾日假期,咁就當然要去玩,所以今日就約埋SY哥哥齊齊嚟We嘩!充氣嘉年華瘋狂大放電啦~
 

2016年9月15日星期四

【師奶仔愛煲劇】樂視網購大優惠

15 SEPTEMBER 2016(THU)

依家小小豬返左全日班,我看似就好比較清閒,但其實我真係仲忙過暑假,就連好多篇玩樂文都未寫文同大家分享。點解會係咁......其實咪又係因係睇電視睇之過

每朝送完豬仔返學就邊開著電視邊做家務,有時睇得入迷就坐定定係度睇,所以咪用晒啲時間嚟煲劇啦!

早上就煲師奶仔劇,夜晚都一樣有得煲就係煲緊近期熱播嘅港韓同步嘅步步驚心 - 麗~
 
其實我之前都有睇過步步驚心嘅內地版,加上媽媽會啲朋友仔又極力推介,所以都好有興趣睇下依個韓國版係有咩唔同。

2016年9月14日星期三

【快靚正之選】魚腐勝瓜粉絲煲

14 SEPTEMBER 2016(WED)

依家冇左小小豬陪我行街市,真係買餸時間都用多好多,因為真係行幾轉都唔知煮咩好。今日見到啲勝瓜都唔錯,又聽到有位媽媽提及佢會煮依個魚腐勝瓜粉絲煲,咁我當然又有少少興趣,買齊材料又試下啦~
 
憑我在旁聽到,再加我即時上網搵食譜,原來依個餸係勁易煮,真係十五分鐘都唔洗就可以完成,見咁簡單我就當然即刻買材料試下煮先得。 

2016年9月13日星期二

【健脾滋潤】合掌瓜鮮淮山湯

13 SEPTEMBER 2016(TUE)

今日行街市時見到有啲合掌瓜又幾靚,所以就買幾粒返屋企,再加埋啲鮮淮山,就煲返個健脾滋潤嘅合掌瓜鮮淮山湯~
 

2016年9月12日星期一

【豬仔整餅】彩色冰皮月餅工作坊

11 SEPTEMBER 2016(SUN)

每一年中秋我大都好想自己親手整冰皮月餅,見好多朋友仔都整得好靚,不過我好幾次都係失手。

剛好今次有機會嚟到大本型率先學做彩色冰皮月餅,有師傅睇住都應該可以成事啦~
 

2016年9月11日星期日

【蟹全部都係蟹】濃情蟹宴自助餐@L' Hotel LIS Cafe

10 SEPTEMBER 2016(SAT)

小小豬就最鐘意食自助餐(哈哈哈...有得自己出去拎嘢食,應該係話每個小朋友都鐘意),所以當佢知道可以嚟如心南灣海景酒店食豐富自助餐時,佢都不知幾開心,仲不停計劃要食幾多幾多添~
 

2016年9月10日星期六

【榴槤控懂的】再戰榴槤BB任食放題

10 SEPTEMBER 2016(SAT)

繼七月時我去過「榴槤BB任食榴槤品鑑Party」之後,真係可以話意猶未盡,所以今日又嚟再戰榴槤BB~
 

2016年9月9日星期五

【親子沖繩體驗之旅】首里琉染體驗

26 JUNE 2016(SUN)

沖繩除咗係陽光與海灘出名之外,佢哋嘅手工藝都同樣好有名,我地今日就嚟到整珊瑚Tee,我地嘅大作靚唔靚呢~

2016年9月7日星期三

【生態保護 由我做起】生物資源 識取惜用 可持續使用資源

30 AUGUST 2016(TUE)

今日同小小豬嚟參加左一個好有意義嘅活動,就係應邀出席由環境局可持續發展委員會舉行嘅「生物資源 識取惜用」傳媒導賞團活動~
 
其實咩係可持續使用生物資源?初時都以為係同環保有關,咁我又覺得小小豬都有做開呀,因為其實我地都有同小小豬加入一啲環保意識,好似我地都會有廢物分類回收咁。但原來係比環保意識仲多一層次,應該係話更深層化啲,以可持續的方式使用生物資源,盡量減少對有關物種或環境嘅影響,咁對我們日後嘅後代對生物資源需求同時又可以得到滿足!

2016年9月6日星期二

【產品試用】NCCO 空氣處理機 b-MOLA®

29 AUGUST 2016(MON)

我地一家都係鼻敏感受害者,尤其係轉天氣嘅時候都真係幾辛苦,朝朝都要"包雲吞",真係幾慘慘豬呀! 嚟緊就開始轉季,我都唔想要加劇"包雲吞",所以都要係時候諗諗計。

就係依個時候收到靚女公關姐姐邀請,試用最新推出嘅NCCO 空氣處理機 b-MOLA®,希望可以改善下污濁嘅空氣啦~
 

2016年9月5日星期一

【我係小童工】小小麥職場體驗活動

29 AUGUST 2016(MON)

小小豬今日學人去返工?其實我地今日係應邀嚟參加麥當勞職場體驗發佈活動,可以第一時間體驗麥當勞唔同工作崗位,佢都不知幾開心呀~
 
相信每一個小朋友都係好鐘意去麥當勞,小小豬當然都唔例外,每次問佢想去邊食下午茶,佢都總係提意去依度,每次都係食琛粟米杯加利賓納同埋開心樂園餐個小玩具,佢就已經好開心。 

其實之前我地都有留意麥當勞不時會舉行一啲參觀活動,不過小小豬都未夠歲數可以參加,終於等到六歲仔,可以去參加活動啦!

2016年9月4日星期日

【簡單又好味】蒜蓉粉絲蒸三文魚

28 AUGUST 2016(SUN)

玩左好幾日,係時候要做返個好媽媽,煮返餐好餸俾我家兩位老細。

今日就懶懶地唔去行街市,改去超市買餸,因為小小豬話想食粉絲同三文魚,所以就試下整依個蒜蓉粉絲蒸三文魚,一次過滿足晒佢啦~
 
其實依個餸我都係有點亂咁整,唔知成唔成功呀,不過自古成功在嘗試,所以就放膽一試啦!

2016年9月3日星期六

【滋潤降火】蘋果雪梨蜜果茶

28 AUGUST 2016(SUN)

剛剛外遊回港,雖然玩左幾日都真係有少少攰,不過依一種攰都係輕鬆嘅,叉足電又可以繼續為我家大小老細努力!

依家雖然仲熱熱地,不過早晚都涼涼地,都開始感受秋意漸濃,所以係時候要煲滋潤涼茶,所以就煲個蘋果雪梨蜜果茶啦~
 
其實蘋果雪梨加埋就已經好滋潤,加埋麥冬同羅漢果就可以清熱潤肺,而且仲可以舒緩喉嚨,所以將依幾樣食材加埋一齊,仲唔係可以滋潤降火。 


2016年9月2日星期五

【產品試用】Olay新生高效緊緻護膚霜

28 AUGUST 2016(SUN)

又過多一個生日,年紀又老一年,真係唔可以再扮後生了,真係要好好愛護下自己。

就係依個時候收到咁Olay最新推出嘅新生高效緊緻護膚霜,所以又可以為自己皮膚泵泵膠原蛋白啦~
 
30歲起,女性嘅膠原就會開始流失,膠原蛋白不足令皮膚缺乏彈性並產生皺紋,所以對抗肌膚衰老,最重要就當然係促進肌膚膠原自生。

2016年9月1日星期四

【生日澳門之旅】不一樣的澳門 有得滑草兼水上單車

27 AUGUST 2016(SAT)

促成我地約埋大仁一家齊齊嚟澳門Galaxy之旅, 除左因為我地都好渴望去天浪淘園玩之外,另一個原因就係我好想同小小豬玩滑草,所以我地就嚟過好健康嘅活動,齊齊去黑沙水庫公園玩轉啦~
 

其實我大半年前過來澳門玩嘅時候,我都已經計劃咗帶小小豬去滑草,始終佢都係未玩過,都好想去接觸唔同嘅活動,等佢可以見識多啲嘛。不過因為落雨,所以就冇得去玩, 當時小小豬都有啲失望㗎。希望總係在明天嘅,今次終於玩到啦!

其實澳門係有兩個滑草場,另一個就位於大環山公園,嗰個場地規模會大啲(當然去玩嘅人又會多 啲),同埋係用仿草地嚟滑。對上一次呢澳門大仁已經玩過嗰一個滑草場, 所以我地今次就揀依一個以真草為地嘅滑草場啦。黑沙水庫郊野公園除左有得免費滑草之外, 仲有得超優惠價玩水上單車,仲唔係一次過滿足兩個願望……哈哈!