2016年9月5日星期一

【我係小童工】小小麥職場體驗活動

29 AUGUST 2016(MON)

小小豬今日學人去返工?其實我地今日係應邀嚟參加麥當勞職場體驗發佈活動,可以第一時間體驗麥當勞唔同工作崗位,佢都不知幾開心呀~
 
相信每一個小朋友都係好鐘意去麥當勞,小小豬當然都唔例外,每次問佢想去邊食下午茶,佢都總係提意去依度,每次都係食琛粟米杯加利賓納同埋開心樂園餐個小玩具,佢就已經好開心。 

其實之前我地都有留意麥當勞不時會舉行一啲參觀活動,不過小小豬都未夠歲數可以參加,終於等到六歲仔,可以去參加活動啦!

今日嚟到發佈會,主要都係介紹嚟緊9月25日舉行嘅「小小麥職場體驗日」~
 
今日仲有徐淑敏做嘉賓,真係唔明白點解佢生左三個小朋友都仍然係咁FIT,我想有佢咁嘅物型,睇嚟都只可以得個恨字啦~ 
 
9月25日會有30間指定麥當勞餐廳舉行「小小麥職場體驗日」,最好就係費用全免,小朋友只需要預先報名,就可以參與小小經理、小小咖啡師、小小推廣代表及小小組員其中一個職務,換上迷你版麥當勞制服,就可以參觀廚房及認識餐廳運作,從中初嘗職場體驗~
 
聽完介紹就緊係先嚟個熱身先,小小豬今日就扮成小小經理,嚟一個簡單玩樂啦!
先嚟扮小小咖啡師,整杯McCafé嘅熱鮮奶先~
 
再嚟做個小小組員,包裝麥樂雞~ 
 
最後亦都係小小豬最愛一環,做一個小小經理,扮演收銀員呀!

佢對住個收銀機雙眼就真係好似發光咁,當然啦....佢都不知幾鐘意做收銀員,係屋企都不停扮,依個可以接觸個真嘅,緊係興奮得唔識形容啦~ 
 
今日都只係小試牛刀,每一個部分試一試,到9月25日正式嘅時候就會有更詳細嘅活動。今日小小豬都玩到唔願走,走嘅時候不停問我幾時可以再去玩勞,睇嚟聽日又要DADDY一早去麥當勞報名先得啦!


More Information: 
Facebook:https://www.facebook.com/mcdonaldshongkong/?fref=ts



**我地的FACEBOOK PAGE,齊齊來交流親子。育兒。烹飪啦**
Picture

沒有留言:

發佈留言