平日我都好少煮鯇魚,不過今日上網睇到有朋友仔分享依個豆腐豆豉蒸鯇魚食譜,見都好似好簡單,所以我又買齊材料今晚煮啦~
用豆豉嚟蒸魚又真係比平日普通清蒸來的特別,小小豬都幾接受嗰一個味,所以下次可以再加多少少豆豉。
豆腐我就比較鐘意用豆腐包仔,因為我覺得個豆腐味濃啲,不過如果方便啲用超市嘅都可以。豆腐切片放上碟上~
薑及蔥切粒粒~
鯇魚腩就乾淨之後,放係豆腐上~
然係加少少鹽、油、生抽、糖、蔥粒、薑粒及豆豉粒係魚上面,豆豉粒可以因應個人口味落多少少,因為第一次煮怕小小豬唔鐘意嗰一種味,所以今次只係落少少~
鑊內加入水,待水滾後蒸十分鐘~
食得啦~
原來依個餸亮點係個豆腐,吸晒啲魚汁同豉油汁,真係好好食呀~

用豆豉嚟蒸魚又真係比平日普通清蒸來的特別,小小豬都幾接受嗰一個味,所以下次可以再加多少少豆豉。
沒有留言:
發佈留言