2016年10月31日星期一

【產品試用】CRISTAL蒸焗爐@泰式焗烏頭

31 OCTOBER 2016(MON)

就來又聖誕節,謝謝朋友送來我家的大禮物,實不相瞞我恨左擁有一部蒸焗爐好耐,今次收到CRISTAL嘅蒸焗爐,我嘅開心程度絕對係爆燈呀~

一直想擁有一個蒸焗爐,係因為一机多用可以纯蒸、純焗、蒸+焗, 又慳位。我鍾意整下曲奇、蛋糕依啲焗嘅食品,雖然屋企光波爐都可以做到,不過始終控制火喉上都唔係咁好。加上我部光波爐都係細SIZE,好多時都要開幾次爐先夠焗,唔多唔少都幾唔節省能源,所以就好想入手一部蒸焗爐,可以一次過滿足我晒我嘅要求。不過由於屋企地方有限,加上原有的又仍然可以運作,所以一直都只得個恨字。終於可以趁今次試用機會,等我有藉口擁有了。

2016年10月30日星期日

【雞翼新食法】檸檬茶雞翼

30 OCTOBER 2016(SUN)

我一向都係檸檬茶怪,基本上都要每日飲一包先安樂,可能依啲就係心癮(千其唔好學我呀!)。

檸檬雞翼我就成日都煮,今日竟然見到有朋友仔介紹用檸檬茶嚟食譜,我見到就即刻心心眼,所以就又跟風試下整先~
 
雞翼真係好易煮,同埋配搭又多元化,所以每當我諗唔到煮咩時,雞翼就最啱我依啲偽大廚。 

2016年10月29日星期六

【郵輪初體驗】參觀海洋贊禮號

29 OCTOBER 2016(SAT)

一直都好想試下坐著郵輪去旅行,不過總係冇機會。早前見海洋贊禮號有一個「尋找贊禮小天使」活動,勝出就可以坐著郵輪去旅行。師奶仔嘅我就當然有同小小豬參加,試下個運氣。當然我地就冇咁幸運,贏唔到個比賽。 

雖然冇得郵輪旅行,不過我地應邀嚟參觀海洋贊禮號,望梅止渴先啦~

2016年10月28日星期五

【舒緩喉嚨痛】青欖龍脷葉羅漢果海底椰湯

27 OCTOBER 2016(THU)

話說之前我完全係出唔到聲,飲左兩日鹹竹蜂(按此重溫)都總算叫做可以把聲開返好多,同埋喉嚨痛少左好多。好友見我唔舒服左好幾日,所以就介紹左依款湯俾我,朋友咁用心為我,真係有點感動,加上都係時候要潤返下個喉嚨,作下日常調理同預防再發病嘛~
 
基本上大部分材料都可以係濕貨店或山草藥店有售,有部分街市花檔都會可以買到,所以都唔難買呀! 

2016年10月27日星期四

【清熱解毒】粟米鬚紅蘿蔔馬蹄水

27 OCTOBER 2016(THU)

今日行街市時,終於俾我見到有新鮮粟米芯鬚買,一向小小豬都係好鐘意飲粟米鬚嘅涼茶,所以我都二話不說買左一斤。

其實今日見到又真係可以話啱晒時機,因為小小豬剛剛係學校打左小一生要打嗰支預防疫苗,係依個時候俾啲清熱解毒嘅涼茶俾佢飲,咁就可以減少發燒機會,所以就煲左粟米鬚紅蘿蔔馬蹄水俾小小豬飲啦~
 
粟米芯鬚加馬蹄及紅蘿蔔煲湯,味道唔洗講都一定係好鮮甜。粟米芯鬚有健脾開胃及利尿功效,紅蘿蔔就可以補血強身及滋潤解燥,馬蹄就能消食除痰,清熱解毒。將三樣加埋一齊煲涼茶,仲唔係好味又有益,啱晒各位大小朋友呀! 

2016年10月26日星期三

【涼住冷氣學環保】國際環保展覽 2016

26 OCTOBER 2016(WED)

今日送左小小豬返學之後,我就嚟左個大長征,因為我貪得意跟左朋友入博覽館,去參觀今日開始嘅環保展。

雖然我家都唔可以話做到環保工,不過環保對社會生態都係好重要一環,所以嚟睇多啲「綠色家居科技」見識多啲,咁對日後教小小豬都有少少幫助呀~

今年國際環保展覽2016係機場博覽館 Hall 3&6舉行,今年博覽以「環保方案‧應對氣候變化」為主題,所以參展商大多以減少氣體排放為主,所推介嘅產品到希望可以減低碳強度五至六成。

2016年10月25日星期二

【安坐家中扮靚靚】WeCut星級上門美甲體驗

25 OCTOBER 2016(TUE)

作為全職傻媽(冇錯……我只係全職媽媽,並唔係全職Blogger,因為我係會以屋企為先,平日有時間才會為興趣寫Blog),唔好以為我她好清閒,其實屋企嘅家頭細務、煮飯煲湯、照顧依個百厭小小豬、仲要爭取時間去瞓覺,其實都真係有點分身不下,扮靚對我嚟講真係一件奢侈嘅事。

不過,我作為一位女士, 都唔想成日以師奶仔look出現,內心深處都好想做一個靚媽。所以當收到WeCutapp邀請親身體驗佢地最新上門美容服務時,經我一輪了解之後,所以就約左今日有星級美甲師前來為我做GEL甲啦~
 
WeCut係一個預約上門美容服務,只需要於Apple Store/Google Play 下載 WeCut手機APP,咁就可以好方便簡單咁扮靚靚,真係堅慳好多時間呢!


2016年10月24日星期一

【家常小菜】薑葱金銀蒜蒸青根

24 OCTOBER 2016(MON)

基本上每晚煮飯時,我都一定會買魚,因為有營養得嚟又好味(同易煮)。今朝去餐廳食早餐時見到餐牌上有依個餸,用金銀蒜嚟蒸青根又真係冇諗過,所以就買齊材料又試下先~
 

2016年10月23日星期日

【試用分享】Ergorapido 3合1無線吸塵機

23 OCTOBER 2016(SUN)

謝謝公關姐姐邀請,早前出席了最新推出嘅Ergorapido 三合一無線吸塵機產品發佈會,對於一個唔多識掃地嘅師奶仔嚟講,吸塵機真係一個不可缺少嘅用品嚟,所以獲邀出席睇下啲新產品,又點會唔開心呢~
 
Electrolux伊萊克斯依個品牌對於我地一家都唔會陌生,而且已經有推出左12年吸塵機經驗,加以我地屋企都一直用開,都覺得唔錯,所以絕對係信心保證! 

2016年10月22日星期六

【失聲救星】鹹竹蜂

22 OCTOBER 2016(SAT)

我病左好幾日,喉嚨痛足咁多日,我都已經睇左醫生食左三日藥,不過把聲仍然未開返,為左要盡快開聲,所以非常時期用非常手段,聽朋友介紹試下啲古方,所以就做左人生嘅其中一件大膽事,就係飲焗咸竹蜂啦~
 
其實原本我都只係打算買咸竹蜂焗水飲,不過藥材店員就介紹我加多幾種藥材齊齊焗,可以快啲開聲。一聽到可以快開聲我都即刻唔考慮咁多,請店員執左兩份俾我! 

2016年10月21日星期五

【簡易慳家餸】魚肉蘿蔔粉絲煲

21 OCTOBER 2016(FRI)

今日係其他網站見到依個簡易慳家餸,睇個食譜都真係超級簡單,所以就即刻去買齊材料,煮依個魚肉蘿蔔粉絲煲新餸俾我家兩位老細啦~

2016年10月20日星期四

【健脾又護眼】紅蘿蔔無花果瘦肉湯

20 OCTOBER 2016(THU)

秋天一到,我地三口子都真係乾乾地(我指皮膚),所以依家一定要煲多啲滋潤及健脾養肺嘅湯水,咁可以幫助補充水份,同時又可以可滋潤肌膚。最重要係如果依家唔好好保持,如果唔係小小豬個濕疹又嚟就大件事。 

今次就煲左紅蘿蔔無花果瘦肉湯,既滋潤又健脾,同埋可以護眼添~
其實一向我地煲湯時加入紅蘿蔔,都係因為要佢嘅甜味,唔會成為主角。不過原來用紅蘿蔔嚟做主角,都一樣係好有益,因為紅蘿蔔含有豐富維他命A,可以入肺脾之經,能健脾化滯、潤燥明目,可以增強免疫力,亦有護眼功效。而且秋天仲要係當適季節,不時不食...緊係要煲多啲呀!

2016年10月19日星期三

【產品試用】維特健靈純野生靈芝列

19 OCTOBER 2016(WED)

維特健靈產品我諗都真係唔需要多介紹,因為本身我自己屋企人都一直有服用開佢地嘅保健產品。今次應邀同小小豬齊齊試用,唔知個成效係點呢?
 
其實一向都知靈芝產品係對身體好好,可以增強抵抗力,所以我間中都有煲靈芝茶俾小小豬飲。不過佢每次一見到啲黑卒卒嘅涼茶就已經唔多願意飲,整整下我都冇左動力再煲靈芝茶了。正好趁今次試用經驗,睇下會唔會令小小豬改觀先。

2016年10月18日星期二

【簡易家常菜】白飯魚蒸肉餅

18 OCTOBER 2016(TUE)

今日上網見朋友介紹,話白飯魚係好有營養嘅食物,嘅然咁有營養,所以就即刻上網搵食譜, 所以就小試牛刀簡單整依一個白飯魚蒸肉餅呀~
白飯魚有助增加吸收鈣質,而且又好似冇乜骨,可以整條食。有營養又唔怕骨,所以就好放心俾小朋友食啦! 

2016年10月17日星期一

【滋潤抗過敏】蘋果雪梨三棗茶

17 OCTOBER 2016(MON)

我之前都有間中煲三棗茶俾小小豬飲(按此重溫),不過因為個顏色關係,小小豬次次都唔會十分願意飲。

早幾日見有朋友仔教話可以加埋蘋果及雪梨一齊煲,個顏色靚啲之餘(即係冇咁黑卒卒),味道可以更加清甜,所以我又嚟試下依個蘋果雪梨三棗茶啦~
 
三棗茶有咩好?原來將紅棗、南棗同埋蜜棗一齊煲,除左對補氣血更有效用之外,因為棗類都有抗過敏作用,所以對氣管敏感而引致容易咳嗽都會有調理作用。補益得來又唔會太燥火,所以對好啱小朋友飲用。 

今次加埋蘋果同雪梨,除左味道更加甜之外,仲非常滋潤,可以有滋陰潤燥之作用,所以就更加啱小朋友依家嘅轉季時飲用呀!

2016年10月14日星期五

【產品試用】California Baby金盏花嬰幼兒系列

14 OCTOBER 2016(FRI)

轉季對於我同小小豬嚟講都係一個大挑戰,因為係依個時候唔好好睇住啲皮膚,濕疹依個"壞朋友"又會嚟攪住小小豬,咁我又真係冇覺好瞓啦!
 
其實我之前都有聽過金盞花係對濕疹好有幫助,因為佢係含有多種維他命,可以有消毒、鎮靜及舒緩皮膚的功效,而且性質比較溫和,每日使用就可以增加嬰幼兒皮膚嘅抵抗力,同時可改,善敏感膚質。所以金盞花除左濕疹之外,仲可以效舒緩乾燥、紅疹、發炎等皮膚問題。 

來自美國嘅California Baby所使用嘅金盞花係由有機農場專責種植,而且不含有害刺激性化學成分、硫酸鹽、人工合成香料、色素或染劑,所以係適合初生嬰兒、孩子及媽媽們用呀!

2016年10月13日星期四

【飯後歎一歎】初嘗抹茶館

13 OCTOBER 2016(THU)

今晚約左朋友去九龍灣食飯,路經抹茶館竟然唔使排隊,見小小豬默書又攞到滿分,所以就獎勵齊齊入去食雪糕做甜品啦~
 

2016年10月12日星期三

【明目滋潤】無花果蘋果菊花茶

12 OCTOBER 2016(WED)

早幾日奶奶上嚟探小小豬嘅時候,佢買左好多粒又大又紅嘅蘋果,有咁多粒都好難一次過食晒,最好就當然係用嚟煲涼茶,所以就煲無花果蘋果菊花茶,等小小豬保護眼睛之餘,又可以滋潤下啦~
哈哈...其實今次我都冇特定煲啲乜,只係小小豬話啲涼茶飲晒冇嘢食(依個衰豬真係似足我,唔鐘意飲清水),見屋企有菊花,又有無花果,所以就用佢地嚟煲蘋果茶啦!

2016年10月11日星期二

【芝士控必食】The Spaghetti House 意粉屋黃金「芝」鍋試食會

11 OCTOBER 2016(TUE)

謝謝The Spaghetti House邀請,今個下午有機會優先試食今季限定推出嘅「極致黃金芝士火 鍋」,對於我依個芝士控嚟講即刻心心眼,大飽口福之餘仲可以為平日忙碌生活充充電真係十級興奮呀~

由10月18日起,意粉屋將會推出季節限定 – 黃金「芝」鍋,分別以「經典黃金芝士火鍋」、「特級黃金芝士火鍋」 及「極致黃金芝士火鍋」三款芝士火鍋,呈獻升級「芝」味。

2016年10月10日星期一

【齊齊懶懶行】Gudetama Lazy Walk懶懶行2016

10 OCTOBER 2016(MON)

今日雖然係放假,不過我地就比平日返學更加早起,但又一啲都唔攰,因為期待咗好耐嘅懶懶行終於嚟到,三口子就齊齊興奮地嚟科學園,著住蛋黃哥衫就去搵蛋黃哥啦~

2016年10月9日星期日

【哈囉‧小廚神】MOKO哈囉Cupcake製作班

8 OCTOBER 2016(SAT)

多謝 MOKO 新世紀廣場邀請,今日同小小豬去左超級無敵勁正VIEW嘅The Ritz-Carlton參加《哈囉‧小廚神》學做哈囉Cupcake~

當我同小小豬講話會再佢去The Ritz Carlton學整Cupcake時,佢二話不說唔可以去,因為佢要返學唔可以搭飛機,真係聽到我一頭霧水。原來佢一聽到酒店名就以為係去返上次係沖繩學整麵包嗰間酒店,咁又唔怪得佢,上次整麵包咁開心(按此重溫),佢緊係成日都掛住間酒店啦!

2016年10月8日星期六

【本地原創手袋品牌】ENJOY期間限定Pop-up Store開幕

8 OCTOBER 2016(SAT)

謝謝ENJOY嘅邀請,今日可以嚟參加品牌成立一周年活動,就係Megabox開設限定Pop-up Store嘅開幕禮! 

今日我要帶小小豬返學,所以就派出客席記者老公大人出席活動。點解佢咁樂意去?當然啦....因為佢想買一個型仔返工袋好耐,不過一直都係睇唔啱,所以就趁今次去揀下款啦~
 

2016年10月7日星期五

【一名鳥爸的誕生】Hatchimals魔法寵物蛋

7 OCTOBER 2016(FRI) 

小小豬仲乜冧滋滋咁抱住隻蛋蛋?其實依個係佢由今日開始嘅重要任務,要小心照顧蛋蛋呀~

2016年10月6日星期四

【增強免疫力】太子參螺頭瘦肉湯

6 OCTOBER 2016(THU)

依排開始轉天氣,早晚又帶少少涼風,早前小小豬都好慘慘豬咁病左幾日,病好就當然要好好調理,要增強免疫力,咁就唔會再病呀!

病好左嘅小小豬緊係要補補佢所以就煲依個太子參螺頭瘦肉湯啦~
 
今次主要係以太子參為主,佢性質溫和而且補而不燥,同時亦有助增強免疫力,可以用於病後修護、調理身體。最啱小朋友、陰虛内熱體質同樣適合。 

海竹頭、麥冬、沙參就可以滋養氣血、養陰生津同埋潤肺止咳。再加埋滋陰補腎嘅乾螺頭,咁就可以變成好啱小朋友增強免疫力嘅靚湯啦!

2016年10月5日星期三

【新清食法】檸檬蒸烏頭

5 OCTOBER 2016(WED)

依家都真係幾鐘意行街市,因為行行下又可以學下煮乜新餸。今次我就行過魚檔,聽到店主姨姨教路學煮左依個幾清新嘅檸檬蒸烏頭~
因為烏頭係生長咸淡水交界,所以佢都會帶有少少泥味,所以如果用嚟清蒸,唔多唔少會有點點泥味,所以可以同檸檬一齊煮,咁就可以辟去泥味之餘,又可以帶出魚出嘅鮮味,最好就係烏頭都唔係啲貴價食材,所以就試下啦!

2016年10月4日星期二

【兩母子第一次】DINOSAUR DNA拍片紀錄

4 OCTOBER 2016(TUE)

早係暑假嘅時候,我同小小豬就有一個新嘗試,就係第一次兩母子齊齊短片拍攝。多謝4M邀請我同小小豬玩住嚟拍攝,一個好特別嘅體驗呀~ 
  
其實當初獲邀請嘅時候都有啲受寵若驚,始終我同小小豬都完全係冇拍攝嘅經驗,而且又要母子檔上陣,再加上我嘅記性力有限,仲要我記對白,真係好大鑊㗎嘛! 

我考慮咗好耐,又同公關姐姐傾咗一陣,原來都只係拍攝我同小小豬玩遊戲嘅情況,再加上 我又畀過啲片段小小豬睇,佢又好似好想玩,所以就成咗今次呢個拍攝體驗啦!

2016年10月3日星期一

【產品試用】TOPICREM長效紓敏保濕系列

3 OCTOBER 2016(MON)

秋意越來越濃,除天要飲多啲滋潤湯水調理體內之外,皮膚都要好好照顧,因為天氣乾燥就會好易令皮膚乾燥,細紋缺水就會出現,所以要加強注意保濕哦!

就係依個轉天氣季時候,收到TOPICREM送俾我嘅長效紓敏保濕系列,真係啱晒準備轉洗護品嘅我呀~
來自法國巴黎嘅Topicrem可以話係保濕專家,因為佢地有超過100年醫學及製藥經驗,而且所有產品都係通過皮膚科及兒科醫生監測驗證,所以係適合嬰兒、孩童、成人、孕婦及哺乳期均可使用。

一套三支嘅TOPICREM長效紓敏保濕系列以4重注水、鎖水及技術,採用超過99%高純淨的活性成分,純淨度超越歐盟規格標準,全面發揮協同效應,24小時極致保濕鎖水, 有效注水至肌膚每個細胞,加強肌膚屏障功能。 

2016年10月2日星期日

【YUMMY YUMMY】麵屋武藏

2 OCTOBER 2016(SUN)

我地去海濱公園玩完之後,就向APM出發,因為我哋去行街兼食晚餐。問小小豬想食咩佢竟然話想食拉麵,所以我地就嚟咗麵屋武藏呀~

2016年10月1日星期六

【惹味零難度】檸蜜焗雞翼

30 SEPTEMBER 2016(FRI)

每日諗煮咩餸都真係幾頭痛,相信好多煮婦媽媽同我一樣有依個苦惱。

為左有多啲唔同款式吸引兩位老細嘅胃口,依家我都會好努力咁上網睇食譜,搵啲易煮又好食嘅俾啲新鮮感,早幾日見到有朋友仔分享依個食譜,見簡單得嚟又好似會幾開胃,所以就買材料試下整依個檸蜜焗雞翼俾小小豬食啦~