【本地原創手袋品牌】ENJOY期間限定Pop-up Store開幕

8 OCTOBER 2016(SAT)

謝謝ENJOY嘅邀請，今日可以嚟參加品牌成立一周年活動，就係Megabox開設限定Pop-up Store嘅開幕禮！ 

今日我要帶小小豬返學，所以就派出客席記者老公大人出席活動。點解佢咁樂意去？當然啦....因為佢想買一個型仔返工袋好耐，不過一直都係睇唔啱，所以就趁今次去揀下款啦~

 

ENJOY其實係本地原創皮具品牌係去年成立，短短一年就已經打出名堂。今次仲係Megabox開設限定一個月嘅Pop-up Store，可以等更多朋友認識依個品牌~ 

 

創辦人為品牌選來ENJOY(歡樂)這個名，就係希望大家可以遇到自已喜歡適合手袋時，都可以有一個「喜悅」感覺。佢地選用意大利優質皮革，再配以精湛工藝，造出一個純天然及時尚實用嘅手袋。而且每個手袋都係自家設計及本土創作見稱，真係可以話係一個本地原創手袋品牌~

 

一個簡單嘅開幕禮就由《學是學非》嘅梁嘉琪同埋麥美恩齊齊分享開始，之後佢地仲同大家玩有獎遊戲。一個怕羞的人，又想贏獎品但又怕上台，最後就......當然乖乖全程係台下坐定定睇啦...哈哈哈~ 

 
既然嚟到就當然要周圍參觀，老公要睇啱佢嘅手袋嘛！

為慶祝成立一周年，品牌專程請來西班牙著名藝術家Mr. Sergio Saez合作，將佢嘅創意細膩筆觸手繪放到ENJOY手袋之上，而且全球限量50個，仲可以在手袋上刻上個人名字添呀~

 

品牌手袋都有好多唔同款式，大大小小嘅包包都幾有型，加上顏色都有好多選擇，尤其有我鐘意嘅紫色同粉紅色，真係比較少見呀~ 

 

老公都睇中心頭好，佢話依兩個都唔錯，最後話等埋我下次一齊再去時，先作最後決定買邊個哦~ 

 
Megabox嘅限定Pop-up Store將開至10月31日，如果有興趣都可以入去睇下。如果錯過了Pop-up Store都唔緊要，因為之後仍然可以去Enjoy網站選購，都一樣有好多唔同選擇呀！


More Information：
Website：www.enjoybag.com.hk

**我地的FACEBOOK PAGE，齊齊來交流親子。育兒。烹飪啦**