2016年10月4日星期二

【兩母子第一次】DINOSAUR DNA拍片紀錄

4 OCTOBER 2016(TUE)

早係暑假嘅時候,我同小小豬就有一個新嘗試,就係第一次兩母子齊齊短片拍攝。多謝4M邀請我同小小豬玩住嚟拍攝,一個好特別嘅體驗呀~ 
  
其實當初獲邀請嘅時候都有啲受寵若驚,始終我同小小豬都完全係冇拍攝嘅經驗,而且又要母子檔上陣,再加上我嘅記性力有限,仲要我記對白,真係好大鑊㗎嘛! 

我考慮咗好耐,又同公關姐姐傾咗一陣,原來都只係拍攝我同小小豬玩遊戲嘅情況,再加上 我又畀過啲片段小小豬睇,佢又好似好想玩,所以就成咗今次呢個拍攝體驗啦!

第一次有咁多鏡頭望住,唔好話小小豬,就連我唔多唔少都有啲驚㗎。不過好在所有拍攝嘅哥哥姐姐都非常有善同專業,係小小豬初時有少少鬧情緒嘅時候,佢哋都好用盡方法氹佢,所以小小豬就好快可以投入狀態, 仲要拍越開心添~  
DINOSAUR DNA其實係一個分為兩部分,首先就係發掘恐龍同恐龍DNA。第一部分就先係個泥入面掘掘掘,掘出啲恐龍骨,之後就砌個恐龍骨架~
 
幾經努力(其實都用左好長時間,不過我又覺得唔錯,起碼可以訓練下小小豬嘅耐性同專注力嘛),我地兩母子終於完成啦,我地砌左條三角龍呀~
 
到左第二部分就係恐龍DNA,利用之前掘嘅DNA貼紙,貼上附設包裝紙上面,再開左預先下載左嘅APP就得啦~
 
咁就可以令到恐龍復活,仲可以同恐龍嚟啲互動遊戲添~
 
哈哈哈...係咪好想睇我地拍攝嗰條短片呢,咁就請大家慢慢欣賞!其實小小豬表現都唔錯呀,所以大家可以的話都讚下佢啦~ 
 

Dinosaur DNA之前係書展做過推廣,不過依家就可以係葉壹堂(Page One) 、誠品書店、Metrobooks 書店同Exploration Store玩具店買到呀! 


More Information


**我地的FACEBOOK PAGE,齊齊來交流親子。育兒。烹飪啦**
Picture

沒有留言:

發佈留言