2016年11月6日星期日

【大個仔都要坐CAR SEAT?】mifold兒童汽車安全椅

6 NOVEMBER 2016(SUN)

識我嘅朋友都知道我地係好鐘意周圍去玩,因為我唔想成日困住小小豬係屋企,小朋友就係要去戶外跑跑跳跳,咁先係體驗愉快童年。一到假日,我都會安排遠少少嘅行程,因為有DADDY車我地去嘛

小小豬之前都有用BB款CAR SEAT,不過大個仔就已經用唔到了。雖然DADDY都係非常小心渣車人仕,但係行車安全係好重要,只係用車內那條大人安全帶又好似唔多合適所以最後我就經有朋友介紹轉用左專為小朋友而設嘅mifold啦~
 
可能有朋友覺得用車入面條安全帶就可以,但我個人覺得個SIZE其實係唔多啱小朋友,左右兩旁會有好多空間扣唔實個小朋友身體之外,膊頭位置都會好貼面,坐得耐車程都唔多舒服,為左小小豬可以舒舒服服又安全坐車,所以就試下轉用mifold啦! 

其實起初我都有諗過一個咁細嘅盒仔,感覺上真係好似乜都冇咁,好似唔多安全咁,係唔係真係可以做到安全保障?但經我了解同上網搵過有關資料後,又好似有返多啲信心~
 
來自英國嘅mifold兒童安全座椅,專為4-12歲小朋友而設係採用耐用嘅飛機級鋁合金和超韌塑性聚合物製造,並通過多次撞擊實驗,證實符合美國 FMVSS 213、歐盟 ECE R44.04及加拿大RSSR等最高級別之座椅安全標準~
 
打開盒就會變成座墊,佢係採用特殊嘅泡棉層,坐上去會有涼快兼具有軟墊效果~
 
背後就有詳細嘅說明,睇住佢就可以三兩下手腳幫小朋友扣好啦~ 
 
由於mifold只有750G,所以依家當我地要去街街時,小小豬放入書包仔,負責自己帶出街用呀~ 

一上車小小豬就識得自己拎出嚟用啦~ 

其實使用方法亦算簡單,首先按住座墊後左右兩方嘅紅色制,然後因應小朋友PAT PAT調校坐椅嘅伸縮長度~
 
當坐上座位墊後,先以小朋友嘅肩膀位置高度量度紅色肩帶扣的長度~ 

然後再將下方汽車安全帶套入座墊兩旁嘅帶扣,之後扣好安全帶~

最後將紅色肩帶扣,扣係上方安全帶上,但記得唔好頂住頸仔呀~
 
基本上唔洗半分鐘就可以為小小豬扣好mifold,就可以出發去玩了~ 
 
除左我覺得那三點扣式係好安全之外,另一個我鐘意地方就係好方便清潔。小小豬好多時都會係車上面食嘢同飲果汁,當然佢都會食得好"論盡",成日整污糟個CAR SEAT,依家只係簡單用清水(有時就會加少少清潔劑),就已經可以清洗乾淨,唔洗擔心啲污漬"食"左入個坐位椅度啦! 

基本上我地次次渣車都有用小小豬用,而且佢都可以話已經習慣左,好多時都會自動自覺去拎埋個mifold出街,睇佢嘅表現就知有幾鐘意。 


More information :
Website:http://www.blissandbless.com/mifold/151
Facebook:https://www.facebook.com/mifold.HK/?ref=ts&fref=ts




**我地的FACEBOOK PAGE,齊齊來交流親子。育兒。烹飪啦**
Picture


沒有留言:

發佈留言