2016年11月17日星期四

【為聖誕節做足準備】玩具“反”斗城聖誕 mega Christmas

13 NOVEMBER 2016(SUN)

雖然仲有一個多月就聖誕節,不過小小豬今日已經感受到好濃厚嘅聖誕氣氛。因為我地今日應邀參加玩具“反”斗城舉行mega Christmas Party,齊齊睇下嚟緊有咩好玩玩具陪我地過聖誕啦~
 
今日活動都真係非常豐富,係活動未開始時,小小豬見到啲玩具都已經急不及要玩返一轉先啦~ 
 
就係依個時候,有多位可愛嘅公仔嚟陪各位小朋友玩,一個咁好嘅集郵機會我又點會放過,帶住小小豬齊齊去集郵~ 
 
活動開始時,首先就介紹玩具“反”斗城為左今個聖誕挑選嘅mega 15聖誕玩具,好多都係大受歡迎嘅大熱產品,大部分仲係玩具“反”斗城獨家產品嚟呀~ 

今日仲有玩具哥哥為我地介紹每款玩具嘅玩法,在場每位小朋友都好認真咁去聽,每見到一份新玩具,佢地都會嘩嘩大叫,場面都幾攪笑呀~ 
 
聽完介紹就到小朋友諗下想要咩玩具啦,因為玩具“反”斗城會係全線分店設置願望郵箱,只要小朋友係聖誕玩具手冊中揀選最喜歡的一件玩具,之後寫上喜愛玩具嘅原因,然後放入願望郵箱。最後玩具“反”斗城將從中挑選出最具創意嘅10位小朋友,為佢地送上自己揀選嘅聖誕禮物啦~ 
 
哈哈哈...小小豬真係好認真咁係本玩具手冊中揀禮物,佢來來回回都睇左好次,最後都寫好左投入願望郵箱,唔知佢依個願望又可唔可以成真呢~ 
 
另外小朋友仲可以玩一個小遊戲,係指定分店內,挑選任何一件自己最喜愛嘅聖誕玩具,之後到店內嘅「我最愛的聖誕玩具站」拍照,然後上載至玩具“反”斗城FACEBOOK專頁,首20位獲得最多「LIKE」嘅照片將會勝出,就可以得到所揀選最喜愛聖誕玩具一份啦~ 
  
另外由今日開始至2017年1月底,玩具“反”斗城於尖沙咀旗艦店內將設立全新概念店「Personali-Station」,小朋友可以自己選購心儀產品及挑選卡通圖案,做出唔同個人化卡通精品~ 
 
今日剛好係首個工作天,所以就嚟個簡單而隆重開幕禮啦~
 
儀式過後小小豬就為自己設計一隻杯,其實過程都好簡單,只需要自己設計喜愛公仔圖案,之後再電腦輸入中文或英文名字就完成~ 
 
只係約需15至20分鐘 小小豬獨一無二嘅杯就出爐啦~ 
 
除左杯水杯之外,仲可以自己設計鎖匙扣、房門掛或者記事簿呀~ 
 
今日小小豬就最開心,因為除左有得玩之外,玩具“反”斗城仲送左其中兩份嘅mega 15聖誕玩具俾佢,仲唔係提早開心過聖誕~ 
 
More Information :Website:http://www.toysrus.com.hk
Facebook: http://www.facebook.com/toysrushongkong



**我地的FACEBOOK PAGE,齊齊來交流親子。育兒。烹飪啦**
Picture

沒有留言:

發佈留言